Нэр үг
ундраа [нэр үг]
ундарга үл шавхагдах ундран гарах зүйл оюуны ундраа (оюуны шавхагдашгүй эх булаг), соёлын ундраа (соёлын шавхагдашгүй эх булаг).
ундрал [нэр үг]
ундрах үйлийн нэр гол горхи булаг шандны оргилон гарах эх ундарга.
унжаан [нэр үг]
уйлаан унжаан (хоршоо үг) (а.олон хүний зэрэг зэрэг уйлж унжих явдал б.дуртай дургүй, чадан ядан байх байдал).
унжаас [нэр үг]
унжсан санжсан юм.
унжга [нэр үг]
унжга унжга (унжгар юмны байн байн хөдлөх байдал) унжга унжга хийх (унжгар юмны байн байн хөдлөх), унжга санжга (хоршоо үг) (урт богино олон юмны энд тэндгүй дүүжлэгдэн унжийх байдал).
унжир [нэр үг]
унжир санжир (хоршоо үг) (а.унжгар санжгар юмны дүүжлэгдэн хөдлөх байдал б.(шилжсэн утга) арай ядан, дөнгөн данган), унжир санжир явах (арай чарай явах, арай ядан явах), унжир санжир болох (урагдаж, элэгдээд унжийсан санжийсан болох), унжир сунжир (хоршоо үг) (а.унжин санжин хөдлөхийн хамт харгаж харшиж дуугарах байдал б.хойно хойноосоо тасралгүй хэсэг бүлгээрээ хөврөн цувран гарч ирэх байдал).
унжлага [нэр үг]
унжуулсан юм унжлага зүүлт (унжиж санжсан гоёлтой зүүлт), унжлага чимэг (унждаг чимэг), чихний унжлага (ээмэг), унжлага санжлага (хоршоо үг) (дүүжлэн унжуулж хэрэглэх чимэглэл), унжлага цэцэг (ургамал судлал) (унжгар удын найлзуур мэт гулжгалзсан тогтворгүй, өнгө шаравтар ногоовтор хоёрын хооронд, анхилам сайхан үнэртэй нэг зүйл цэцэг) утас зэргээс юм дүүжилж, барилгын ханын чиг заах хэрэгсэл.
унжуурга [нэр үг]
унжиж байх зүйл дайвар, дагавар, нэмэлт (шилжсэн утга) сэтгэлд хоногшсон ямар нэгэн үлдэц, хоцоргол.
униар [нэр үг]
газрын чийг дээш дэгдэж, утааны адил хөөрөн тархах нь ногооны униар (газрын чийг дээш хөөрөн өвс ногоотой нийлсэн байдал), хөх униар (алсад агаарын хөхрөн харагдах байдал), хөх униар татах (алсаас харахад өвс ногоо зэрэглээнд уусан хөхрөн харагдах), хөхөмдөг униар (бага зэрэг хөх туяа татсан униар), утаа униар (хоршоо үг) (юм шатахад гарах нүүрсний нарийн ширхэг бүхий хөөрөх зүйл болон газрын чийгт уур дэгдэх), униар будан (хоршоо үг) (газрын чийг дээш хөөрөх үед гарах манан), униар манан (хоршоо үг) (униар будан).
унтлага [нэр үг]
унтах үйлийн нэр унтлагын өрөө (унтдаг өрөө), унтлагын цаг (а.нойр авах цаг б.нойр авах хугацаа), унтлагын тавилга (унтах өрөөнд тавих эдлэл хэрэглэл).
унтраагуур [нэр үг]
унтраах хэрэгсэл гал унтраагуур (гал устгах багаж, хэрэгсэл) унтра(аялга)
унтраагч [нэр үг]
унтраах үйлийг гүйцэтгэдэг хүн гал унтраагч (гал сөнөөх ажилтай хүн).
унтраалга [нэр үг]
цахилгаан гүйдлийг гүйлгэх болон зогсоох хэрэгсэл чийдэнгийн унтраалга (чийдэнг асааж унтраадаг зүйл).
унтуу [нэр үг]
уур уцаар, бухимдал унтуу гаргах (уур уцаарыг гаргах, тайтгаруулах), унтуу хөдлөх (уур хүрэх), уур унтуу (хоршоо үг) (ямар нэг зүйл болон хэн нэгэнд дургүйцсэнээс гарах бухимдал).
унтууцал [нэр үг]
унтууцах үйлийн нэр, уур бухимдал, уцаар.
унууль [нэр үг]
ан гөрөө хийх үед болон дайсныг гэнэдүүлэн унагаахаар малтаж булсан гүн нүх, гуу суваг гуу дагуулж шороогоор босгосон богино хэрэм ус хорих унууль (ус явуулахаар бэлдсэн суваг), унууль татах (гуу, суваг татах)
унууль [нэр үг]
унууль гүүр (а.бүхлээр нь буюу хэсэг хэсгээр нь өргөж тавьж болдог гүүр. ихэвчлэн хот хамгаалах татмал гол дээгүүр буюу цэргийн суурингийн гадуурх гүн гуу дээгүүр тавьсан байдаг б.гүүрийн хавтас нь гол дээр буюу уул хавцал хөндөлдөн тавьж төмөр утсаар дүүжилсэн гүүр, дүүжин гүүр).
унууль [нэр үг]
унанги мод.
унуурь [нэр үг]
ажлын хэрэгцээнд тааруулсан тусгайлан бэлдсэн унаа үхэрчний унуурь (үхэрчинд зориулан бэлдсэн унаа), унуурь морь (унаа болгохоор бэлдсэн морь).
унууш [нэр үг]
морины сайвар жороо мэт, унахад зөөлөн эвтэй явдал.