Үйл үг
өргөмжлөх [үйл үг]
дээд газраас болон ихэс дээдсээс зэрэг, хэргэм шагнах цол өргөмжлөх (цол олгох), өргөмжлөх дүрэм (ихэс дээдсээс зэрэг цол олгох дүрэм журам), нэхэж өргөмжлөх (нас барсан хойно нь гавьяаг дурсан шагнах), өргөмжлөх шагнах (хоршоо үг) (урамшуулан сайшаах) зориуд дэмжин тэтгэх, дэвшүүлэх (шилжсэн утга) өөрийгөө дээгүүрт бодох, ярих биеэ өргөмжлөх (биеэ тоон ихэрхэх).
өргөсгөх [үйл үг]
өргөн болгох гүүр өргөсгөх (гүүрээ өргөн болгох), дэвсгэрээ өргөсгөх (дэвсгэрээ уужуу болгох).
өргөсөх [үйл үг]
улам өргөн болох дээл нь өргөсөх (дээл нь хэт өргөн болох).
өргөтгөх [үйл үг]
өргөн дэлгэр болгох ногооныхоо талбайг өргөтгөх (ногооныхоо талбайг өргөн болгох), замаа өргөтгөх (замаа тэлж өргөн болгох) хүрээ хэмжээг ихэсгэх нөлөөг нь өргөтгөх (нөлөөг нь улам их болгох), өргөтгөсөн хурал (тухайн хуралд суух ёстой хүмүүсээс гадна хэлэлцэх асуудалтай холбогдол бүхий хүмүүсийг урьж оролцуулсан хурал), өргөтгөн байгуулах (дахин нэмж байгуулах) уужим болгох дээлээ өргөтгөх (дээлээ уужим, тавиу болгох) өргөтгөл барих өргөтгөн барих (хуучин барилга байгууламж дээрээ нэмж шинэ барилга барих).
өргөтөх [үйл үг]
өргөн болох шинж тэмдэг илрэх, улам өргөн болох.
өргөх [үйл үг]
юмыг уг байрнаас нь салган дээш болгох туг өргөх (тугийг дээр байрлуулах буюу дээш болгон хийсгэх), гар өргөх (а.гараа дээш болгох б.(шилжсэн утга) бууж өгөх), сүүлээ өргөх (а.сүүлээ агсах б.(шилжсэн утга) сагсуурах, онгирох), толгойгоо өргөх (а.толгойгоо дээш болгох б.(шилжсэн утга) дарамт хавчилтаас салах), хундага өргөх (хундагаа дээр өргөн үг хэлж хундагатай юмаа тогтоох) өгөхийн хүндэтгэл, өргөмжлөх өргөсөн нэр (хүндэтгэн цоллосон нэр), өргөх бичиг (ямар нэгэн зүйлийг шаардаж биелүүлүүлэхээр дээд байгууллагад өгөх бичиг), хандив өргөх (хандив өгөх), өргөн барих (ихэс дээдэст ямар нэгэн зүйлийг өргөн мэдүүлэх), өргөн барих айлтгал бичиг хуучир. (эзэд дээдэст баяртайгаар гардуулах бичиг), өргөн барих нугалбар хуучир. (бага албан тушаалтай түшмэд дээд албаны түшмэлтэй уулзахдаа өөрийн овог, хэргэм зэргийг бичиж гурав нугалан барих бичиг), өргөн айлтгах (хүндлэн дээдлэж хэлэх), ес өргөх хуучир. (есөн цагаан бэлэг өгөх) асран сувилах, халамжлах ааваа өргөх (аавыгаа харж халамжлах), өргөх асрах (хоршоо үг) (халамжлан тэтгэх), өргөх тэтгэх (хоршоо үг) (тус дэм болох, асрах) хүүхэд үрчилж авах өргөсөн хүүхэд (үрчилж авч өсгөсөн хүүхэд), өргөж авах (а.бусдын хүүхдийг үрчилж авах б.(шилжсэн утга) дэмжлэг үзүүлэх) (шилжсэн утга) хөхүүлэн сайшаах, хөөргөн магтах биеэ өргөх (өөрийгөө магтах), сурагчийг өргөж дүгнэх (сурагчийг дүгнэхдээ бодот чадвараас нь хэтэрсэн сайн дүн тавих, дүнг нь ахиулах), өргөн магтах (зориудаар худал магтаж хөөргөх) (шилжсэн утга) дууныхаа өнгийг өндөрсгөх дуугаа өргөх (дуугаа чангаруулах, дууныхаа аясыг өндөр болгох), ая өргөх (дуулах), алтан хошуу өргөх (ховлох) (шилжсэн утга) тэнгэр, бурханд тахилга үйлдэх галдаа өөх өргөх (өөх хийж, галаа хөгжөөх), зул өргөх (зул асаах), сүү өргөх (сүүгээр цацал цацах), цацал өргөх (тэнгэр бурхан, газар дэлхийд дээж цацах) монгол бөхийн мэх өргөж хаях (эсрэг бөхөө газраас хөндийрүүлэн дээр гаргаж хаях) ямар нэгэн уралдаан тэмцээнд оролцох тоосоо өргөх (а.уралдаан тэмцээнд оролцох б.(шилжсэн утга) хүчин зүтгэх).
өргүүдэх [үйл үг]
хэтэрхий өргүү болох, хэтэрхий өргүү болсноос тохиромжгүйдэх.
өргүүтэх [үйл үг]
өргүү болох.
өрдөх [үйл үг]
ямар нэгэн зүйлийг бусдаас зээл авч хэрэглэх өрдөж авах (өр тавих, зээл авах) өрд орох.
өрдөх [үйл үг]
гал их түлэх өрдөн түлэх (гал маш ихээр түлэх).
өрлөх [үйл үг]
юманд өр гаргах шалаа өрлөх (шаландаа өр гаргах).
өрлөх [үйл үг]
амьтны өрийг цоолж амийг нь хороох өрлөж алах (өрийг нь цоолж алах).
өрнөх [үйл үг]
ямар нэгэн зүйл үүсч хүчээ авах, ихэд идэвхжих хөдөлгөөн өрнөх (хөдөлгөөн ихэд идэвхжих), салхи өрнөх (салхи гарах), гал өрнөх (гал дүрэлзэн асах), яриа өрнөх (яриа үүсэх), өрнөн дэлгэрэх (тухайн хэрэг явдал хүчээ авч олон нийтийг хамрах) дэлгэрэн хөгжих, бадрах уур хилэн өрнөх (уур хилэн бадрах), өрнөн хөгжих (цэцэглэн хөгжих).
өрөвдөх [үйл үг]
энэрч хайрлах өрөвдөх байдал (энэрч хайрлах байдал), өрөвдөх санаа (энэрэн хайрлах санаа), өрөвдмөөр амьтан (арчаагүй дорой амьтан), өрөвдөх хайрлах (хоршоо үг) (уян зөөлөн сэтгэл гарган хамгаалах), өршөөх өрөвдөх (хоршоо үг) (уучлан хэлтрүүлж туслан тэтгэх), өрөвдөхөд өр өшиглөх (цэцэн үг) (хайр даахгүй).
өрөвтөлдөх [үйл үг]
өрөвтлөөр үрэх, засах.
өрөлбөдөх [үйл үг]
өрөлбөөр хавчих өрөлбөдөн тогтоох (өрөлбөөр хавчиж тогтоох).
өрөмдөх [үйл үг]
өрөм эсвэл үзүүртэй багажаар юмыг нүхлэн цоолох газар өрөмдөх (газрыг өрмөөр ухах), өрөмдмөл худаг (өрөмдөн ухаж гаргасан худаг).
өрөмлөх [үйл үг]
айлуудын үнээ тугаллаж, сүүгээ хөөрүүлэн өрөм байлгах, өрөмтэй болох шингэн зүйл хөрж царцахад дээгүүр нь өрөм мэт хөрс тогтох өрөмлөн тогтох (өрөм адил хөрс тогтох).
өрөмлөх [үйл үг]
өрөмдөх.
өрөмсөх [үйл үг]
өрөм идэхийг хүсэх.