Үйл үг
өмөөлөх [үйл үг]
хамгаалан хаацайлах, өмөөрөх биеэ өмөөлөх (өөрийгөө буруугүй хэмээн маргаж мэтгэх).
өмөөрөх [үйл үг]
буруугүй хэмээн хамгаалах, зөвтгөн маргах биеэ өмөөрөх (буруугүй хэмээн өөрийгөө зөвтгөх), хүүхдээ өмөөрөх (хүүхдээ хамгаалж хаацайлах), өөрийнх бол нохойг ч өмөөрч, бусдынх бол бурхныг ч орхих (зүйр үг) (хүний зүйлийг үл хайхран амиа бодох).
өмөөчлөх [үйл үг]
бусдыг зөвтгөж дотночлох хүүгээ өмөөчлөх (хүүгээ зөвтгөх, буруугүй хэмээн нотлох) (шилжсэн утга) гоёчлон чимж хэлэх юманд янз маяг оруулан засах өмөөчлөх ёс (тухайн зүйлийг гоёчлон чимж хэлдэг ёс).
өмрөх [үйл үг]
эмтэрч сэтрэх, өм үсрэх түлэгдээд өмрөх (түлэгдсэний улмаас хэсэг хэсгээрээ тасарч унах), өмрөн унах (өм цөм тасран унах), өмрөх цөмрөх (хоршоо үг) (өм цөм үсрэх, цоорох), элэг зүрх өмрөх (санаа сэтгэл зовж, ихэд шаналах).
өмрүүлдэх [үйл үг]
өмрүүлээр хуних өмрүүлдэн боох (савны амсар дахь оосроос татан хуних).
өмсгөх [үйл үг]
бусдыг хувцаслах гутлыг нь өмсгөх (бусдын гутлыг өмсүүлэх), цаасан малгай өмсгөх (худал гоёчлон ярьж бусдыг хөөргөн онгироох, сайхан үг хэлж худал магтах).
өмсөх [үйл үг]
хувцас хунарыг биедээ углах, хувцаслах дээл өмсөх (биедээ дээл хэрэглэх), угааж өмсөх (хувцсаа цэвэрлэн хэрэглэх), сольж өмсөх (өөр хувцастай болох), өмсөх зүүх (хоршоо үг) (хувцаслах, чимэг зүүлтээр гоёх), өмсөх идэх (хоршоо үг) (хувцаслах болон идэх) хориг адууг эвээр ногтлон хазаарлах.
өмтөх [үйл үг]
загас усан дотор хөөс үлээх өмтөн наадах (усан дотор хөөс үлээн тоглох).
өмхийрөх [үйл үг]
муухай үнэртэй болох өмхий болох мах өмхийрөх (мах муудаж, эвгүй үнэртэй болох) (шилжсэн утга) олонд нэр хүндээ алдаж жигшигдэх.
өмхрөх [үйл үг]
ялзарч муудах, өмх болох мод өмхрөх (мод ялзарч хөндийтэй болох).
өмчирхөх [үйл үг]
өмч хөрөнгөөрөө бардамнах өмчирхөх сэтгэл (а.эд хөрөнгөөрөө бардамнан гайхуулах сэтгэл б.бусдын эд хөрөнгийг өөрийнх мэт харамлах сэтгэл) өөрийн өмч мэтээр үзэж харамлах өмчирхөн загнах (хувийн хөрөнгө хогшил мэт бусдаас харамлах).
өмчлөх [үйл үг]
өмчөө болгон эзэмших өмчөө болгох үйлдвэрлэлийн хэрэгслийг өмчлөх (үйлдвэрлэлийн хэрэгслийг анги бүлэг, хувь хүний мэдэлд шилжүүлж өгөх), өмчлөх эрх (өмч хөрөнгөө болгон эзэмших эрх), өмчилж авах (хувьдаа өмч хөрөнгөө болгон авах).
өнгийх [үйл үг]
юмны дээрээс бөхийн тонгойж харах тотгоор өнгийх (тотгоны нүхээр шагайн харах), ном руу өнгийх (хүний уншиж буй ном руу нь харах), тогоо өнгийх (а.тогоо руу тонгойж харах б.(шилжсэн утга) айлын хоолноос горьдох в.(шилжсэн утга) бусдын эд хөрөнгөнд шунах) юмны дээгүүр давж харах хашаан дээгүүр өнгийх (хашааны дээгүүр харах) (шилжсэн утга) давж илүү гарах дээвэр дээгүүрээ өнгийх (дээврийн хоолой тоононы хүрээ давах) (шилжсэн утга) хулгай нүдээр харах түрийвч рүү өнгийх (бусдын түрийвч рүү сэм харах) (шилжсэн утга) шунамхайран довтлох, халдах нутаг руу өнгийх (бусдын нутагт шунан халдахыг оролдох), хил рүү өнгийх (хилийн дээс давахыг оролдох), боохой өнгийх (малд чоно халдах).
өнгөжих [үйл үг]
өнгө нь сайжрах царай нь өнгөжих (нүүр царай нь гэрэлтэх, жавхаатай харагдах).
өнгөлзөх [үйл үг]
байн байн өнгийх (шилжсэн утга) бусдын баялагт санаархаж халдах, довтлохыг оролдох хот руу өнгөлзөх (хот руу дайрахыг завдах), дайсан өнгөлзөх (дайсан халдах, довтлох) (шилжсэн утга) атаархан харах, шунах өнгөлзөн харах (а.байн байн өнгийж харах б.(шилжсэн утга) атаархан харах).
өнгөлөх [үйл үг]
өнгө сайтай болгох төмөр өнгөлөх (төмрийг зүлгүүрдэн арчиж, уул өнгийг нь гаргах), зүлгүүрээр өнгөлөх (ямар нэгэн зүйлийг зүлгүүрдэж өнгийг сайжруулах), будах өнгөлөх (хоршоо үг) (будаг түрхэж, өнгө оруулах) гадар татах дээл өнгөлөх (дээлэнд гадар татах), дэвсгэр өнгөлөх (дэвсгэрт гадар хийх) юмаар бүрэх, чимэглэх аягаа мөнгөөр өнгөлөх (аягаа мөнгөөр бүрэх) (шилжсэн утга) мэхлэн баширлах, хуурмаг зан гаргах өнгөлж ярих (бодот байдлыг гуйвуулж ярих).
өнгөржих [үйл үг]
өнгөр тогтож эхлэх ходоод нь өнгөржих (ходоод гэдэс нь өнгөртэй болох) (шилжсэн утга) айл, хүний нэлээд чинээлэг болох.
өнгөрөх [үйл үг]
дэргэдүүр болон дээгүүр гарч явах онгоц нисч өнгөрөх (дээгүүр онгоц нисч одох), хажуугаар өнгөрөх (хүн, юм үзэгдлийн дэргэдүүр явж одох), зөрж өнгөрөх (угтан ирж буй хүн, амьтан хажуугаар гарах), нүдээ аниад өнгөрөх (ямар нэгэн зүйлийг хараагүй дүр үзүүлж, хажуугаар нь гарч явах) салхи бороо зэрэг байгалийн үзэгдэл дайрч дуусах бороо өнгөрөх (бороо орж дуусах), салхи шуурга өнгөрөх (салхи шуурга намдах), өнгөрсөн борооны хойноос цув нөмрөх (цэцэн үг) (ажлыг цаг хожимдуулж хийх, санах) цаг хугацааны хувьд дуусах өнгөрсөн хэрэг (а.цаг хугацааны хувьд болоод удсан хэрэг явдал б.(шилжсэн утга) бүтэмжгүй болсон хэрэг), өнгөрсөн цаг (тухайн үйл явдал болж дууссан үе), жил өнгөрөх (тухайн жил дуусах), ажил өнгөрөх (а.тухайн ажил дуусах б.(шилжсэн утга) хийсэн ажил үр дүнгүй болох) өнгөрсөн хорвоо (бүтэхгүй зүйл), өнгөрснийг шүүмжилснийг (мэргэн үг) гэдэггүй, угтаж ухсаныг ухаантай гэдэг (зүйр үг) (хэрэг явдлыг болсон хойно нь шүүмжлэн хэлж буй хүн ухаантан бус, харин болохоос нь өмнө сэрэмжлүүлэн хэлж буй хүн л ухаантан), өнгөрсөн хойно өмнөхийг нь бүү дурд, үгүйрсэн хойно баяныг нь бүү дурд (зүйр үг) (хүний өмнөх амьдралыг дурсан ярих хэрэггүй) хэтрэх, давж цааш гарах уул өнгөрөх (уулнаас хэтэрч цааш явах) (шилжсэн утга) нас барах бие өнгөрөх (амьдрал дуусах).
өнгөртөх [үйл үг]
өнгөр тогтох сав өнгөртөх (саванд өнгөр тогтох), гэдэс өнгөртөх (гэдсэнд өнгөр суух).
өнгөрших [үйл үг]
өнгөр суух шинжтэй болох сав өнгөрших (савыг цэвэрлэлгүй удсанаас өнгөр тогтож эхлэх) өег хангалуун болох (шилжсэн утга) юманд ханангуй болох, харам бага болох аливаа юманд өнгөршихгүй л хүн байгаа даа. (ярианы үг, хэллэг)