Үйл үг
өөриймших [үйл үг]
өөрийн шинжтэй болох, дасах адуу өөриймших (ижил буруу адуу тухайн сүрэгтээ дасах).
өөрийнсөх [үйл үг]
өөриймсөх өөрийнсөж үзэх (өөрийн, их дотно мэт үзэх).
өөрөлхөх [үйл үг]
дотно танил биш гэж зайдуу байх, бишүүрхэх.
өөрчлөгдөх [үйл үг]
уг байдлаасаа өөр болох яриа өөрчлөгдөх (яриа анх яригдаж байснаасаа өөр ондоогоор яригдах), тэнгэрийн байдал өөрчлөгдөх (цаг агаар хувирах).
өөрчлөх [үйл үг]
өөр ондоо болгох, хувиргах бодлоо өөрчлөх (бодол санаагаа өөр болгох), дуугаа өөрчлөх (дууныхаа өнгийг хувиргах), өөрчлөн засах (уг эхийг хувиргах), өөрчлөн байгуулах (өөрчлөлт шинэчлэлт хийх).
өөрчлөх [үйл үг]
гадуурчлах, бусдынхаар үзэх.
өөтөх [үйл үг]
өө сэв үүсэх, бий болох (шилжсэн утга) үл ялих алдаа, эндэл гаргах, санамсаргүй саад бэрхшээл тохиолдох ажил нь өөтөх (ажилд бага зэрэг саад бэрхшээл тохиолдох).
өөхдөх [үйл үг]
өөх нь ихдэх, өөх ихтэй учир тохирохгүй байх өөхдөөд идэхгүй байх (өөх ихтэй учраас хурцдан идэж чадахгүй байх) өөх түрхэх, өөхөөр чигжих.
өөхжих [үйл үг]
өөхтэй болж эхлэх, таргалах маяг орох мал өөхжих (малд хүч тарга суух) хүний харвин зузаарах.
өөхлөх [үйл үг]
таргалах, өөхтэй болох мал өөхлөх (малд тарга суух), нүд өөхлөх (нүдэнд өөх мэт цагаан зүйл бий болох), өөхлөх таргалах (хоршоо үг) (өөх сууж, тарган болох).
өөхших [үйл үг]
таргалах байдал илрэх өөхшиж эхлэх (тарга тэвээрэг авч эхлэх) (шилжсэн утга) баяжиж эхлэх, хөрөнгөжих амьдрал нь өөхших (амьдрал нь дэгжин дээшлэх, баяжих) (шилжсэн утга) улам даврах, эрэмших.
өөчлөх [үйл үг]
юмыг байн байн өөлж, өө сэв эрэх (шилжсэн утга) бусдын үл ялиг алдаа эндлийг гоочлон оролдох үгээр өөчлөх (үг хэлээрээ буруутган зэмлэх) өөчлөх гоочлох (хоршоо үг) (бусдаас өө сэв эрэлхийлэн ухчилах) (шилжсэн утга) юмнаас мууг нь сонгож шилэх малнаас нь өөчлөх (малнаасаа мууг нь шилж авах).
өөшлөх [үйл үг]
өөш тавих (шилжсэн утга) хээл хахууль өгөх.
өрвийх [үйл үг]
өрвөгөр болох өрвийх сөрвийх (хоршоо үг) (үс, өвс зэргийн сагсайж сэгсийх).
өрвөгнөх [үйл үг]
өрвөгөр юмны үргэлжлэн хөдлөх гал өрвөгнөх (гал дээш цоролзон асах), өрвөгнөж сөрвөгнөх (хоршоо үг) (өрвөгөр зүйлийн ийш тийш хөдлөх).
өрвөгөрдөх [үйл үг]
хэтэрхий өрвөгөр болох, хэтэрхий өрвөгөр болсноос тохиромжгүйдэх үс нь өрвөгөрдөх (үс нь хэтэрхий их сэгсийх).
өрвөлзөх [үйл үг]
өрвөгөр юмны өрвөс өрвөс хийх өрвөлзсөн гал (бадран асаж буй их гал) (шилжсэн утга) хүн, амьтны цочисхийн сэртэлзэх, ийш тийш сэрвэлзэн харах өрвөс хийх (а.гэнэт цочиж айснаас үс босох шиг болох б.өвс зэрэг юмны салхинд хөдлөх) (шилжсэн утга) уурлан дургүйцэх шүүмжлэлд өрвөлзөх (шүүмжлэлд дургүйцэн уурлах), өрвөлзөх сөрвөлзөх (хоршоо үг) (а.ийш тийш сэрвэлзэн харах б.уурлан хэдэрлэх).
өргөгдөх [үйл үг]
бусдын хүчээр дээш болох өргөгдөн орох (олны хүчинд автагдан орох) зэрэг тушаал ахих олонд өргөгдөх (дээш өргөмжлөгдөх), айлд өргөгдөх (айлд үрчлэгдэх).
өргөдөх [үйл үг]
хэтэрхий өргөн болох, хэтэрхий өргөн болсноос тохиромжгүй болох банз өргөдөх (банз хэтэрхий өргөн болсноос таарахгүй байх).
өргөжих [үйл үг]
юмны хэмжээ нь улам өргөн болох бэлхүүсээрээ өргөжих (бэлхүүсээрээ таргалах) өсөх, нэмэгдэх өргөжих тэлэх (хоршоо үг) (өсөн нэмэгдэх, улам хөгжих).