Үйл үг
өрөмтөх [үйл үг]
өрөм тогтох сүү өрөмтөх (сүү хөрөхөд дээгүүр нь тослог идээ тогтох), мөс өрөмтөх (ус нимгэн мөстөн хөлдөх), өрөмтөн загсах (өрөм мэт зүйл тогтох).
өрөмших [үйл үг]
өрөм мэт шинжтэй болох.
өрөөлдөх [үйл үг]
юмыг эн тэнцүү таллан хуваах торго өрөөлдөх (торгыг өрөөл болгон хуваах), хонины мах өрөөлдөх (бүтэн хонины махыг дундуур нь таллан хуваах) дээл хувцас зэргийг хөндөлсүүлэн нөмрөх дээл өрөөлдөх (дээлийг хөндлөн нөмрөх, хучих), өрөөлдөж хэвтэх (хоёр хүн нэг орон дээр зөрөлдөж хэвтэх).
өрөөлдөх [үйл үг]
морины урд хойд хөлийг холбон туших, чөдөрлөх зөв өрөөлдөх (морины нэг талын урд хойд хөлийг холбон бэхлэх), буруу өрөөлдөх (морины буруу талын урд хойд хөлийг зөрүүлж туших), өрөөлдөн хөвчлөх (малын нэг хөлийг хөвчлөн бөхлөх).
өрөөлөх [үйл үг]
байшин барилгын дотор шинэ өрөө тасалгаа гаргах байраа өрөөлөх (байраа олон өрөөтэй болгох), өрөөлсөн гэрүүд (ойрхон зэрэгцүүлж барьсан гэрүүд).
өрөөсгөлдөх [үйл үг]
хэрэг явдлын зөвхөн нэг талыг баримтлан авч үзсэнээс тохиромжгүйдэх (шилжсэн утга) ганцаардах.
өрөөсдөх [үйл үг]
хосоор байвал зохих зүйл ганцаар байгаа учраас зохисгүйдэх ээмэг өрөөсдөх (ээмэгний нэг нь байхгүй учраас тохиромжгүй харагдах).
өрөөслөх [үйл үг]
хос зүйлийг салгаж өрөөсөн болгох савх өрөөслөх (ганц ширхэг савхтай болгочихох).
өрөх [үйл үг]
эгнүүлэн тавих, жигдлэн жагсаах шатар өрөх (шатрын модыг тавил дээр эгнүүлэн тоглоход бэлэн болгох), тоглоом өрөх (тоглоомоо эгнүүлэн тавих), шагай өрөх (шагайг зэрэгцүүлэн жагсаах).
өрөх [үйл үг]
барилдахаар зэхэж халз зогсох өрж зэхэх (барилдахад бэлэн болох).
өрсдөх [үйл үг]
суманд оногдож, хүнд шархдах (шилжсэн утга) хүнд цохилтод орох.
өрсөлдөх [үйл үг]
биенээсээ илүү гарахыг оролдох, давж ялан гарахаар тэмцэлдэх ажил дээр өрсөлдөх (бие биеэсээ илүү их ажил хийхийг хичээх), өрсөлдөх арсалдах (хоршоо үг) (бие биенээсээ илүү гарах гэж оролдон тэмцэлдэх, хэрэлдэн маргалдах), өрсөлдөх тэмцэлдэх (хоршоо үг) (нэг нэгнээсээ илүү гарах гэж ихэд мэрийн зүтгэлэх), ам өрсөлдөх (бие биенээсээ түрүүлж ярихыг оролдох).
өрсөх [үйл үг]
бусдаас урьтах, түрүүлэх эрдэмд өрсөх (эрдэм номд шамдан суралцаж манлайлах), биенээсээ өрсөх (биенээсээ түрүүлэх).
өртөгдөх [үйл үг]
хэтэрхий үнэтэй болох, өндөр үнээр авах өртөгдөж авах (ямар нэг зүйлийг хэтэрхий үнэтэй авах).
өртөгдөх [үйл үг]
тэмтрэгдэх, мэдрэгдэх гарт өртөгдөх (гарт мэдрэгдэх), нүдэнд өртөгдөх (нүдэнд харагдах).
өртөөлөх [үйл үг]
өртөө дамжин явах өртөөлөн хоноглох (өртөө буудалд хоноглох), өртөөлөх улаалах (хоршоо үг) (өртөө дамжин улаа хэрэглэн явах) өртөө мэт дараа дараагаар байх өртөөлөн хөөх (нэг зүйлийг олуул амдаж ээлжлэн хөөх) бие биедээ дамжуулах өртөөлөх зөөх (олон хүн зэрэгцэж зогсоод гар дээгүүрээ дамжуулах). өртөөч(ин) (нэр үг)хуучир. өртөөний алба хашдаг хүн.
өртөх [үйл үг]
мэдрэгдэх, харагдах, баригдах гарт өртөх (гарт баригдах), нүдэнд өртөх (нүдэнд ил харагдах), нүдэнд өртөхгүй шахам (бараг харагдахгүй шахам маш жижиг зүйл) (шилжсэн утга) хуваасан зүйлийн оногдох өртөж хүртэх (а.биед мэдрэгдэх б.хуваарилсан зүйлээс өөрт ноогдох) (шилжсэн утга) дайрагдах, нэрвэгдэх муу юманд өртөх (муу зүйлтэй таарч тохиолдох), өртөхгүй өнгөрөх (биеэс холуур, хамааралгүй өнгөрөх), суманд өртөх (суманд оногдож шархдах).
өртөх [үйл үг]
өртэй болох бусдад өгөөтэй болох мөнгөд өртөх (мөнгө зээлэх).
өрхлөх [үйл үг]
шинэ өрх хийх гэрээ өрхлөх (гэртээ шинэ өрх хийх) өрх гаргах.
өрхлөх [үйл үг]
өрх тусгаарлах өрхлөн амьдрах (өрх тусгаарлан амьдрах).