Нэр үг
танга [нэр үг]
хавтгай (даавуу, зотон гэх мэт) зүйлд аливаа юмны төрх, дүр байдлыг гарган хийсэн зураг хөрөг танга (хоршоо үг) (хөрөг зураг).
тангад [нэр үг]
төвд орон, хөхнуур хавийн төвд хэлтэн хүмүүс тангад хүнийг тэжээвэл толгой дээр гарна, тайга нохойг тэжээвэл орон дээр гарна (зүйр үг) (хүнийг таньж нөхөрлөж байх, тангад хүн хүний мөсөөр муу).
тангадач [нэр үг]
тангад судлаач.
тангалай [нэр үг]
майхны дөрвөн зовхис.
тангалай [нэр үг]
тагнай.
тангалзах [нэр үг]
байн байн цээжээ түрэн ханхалзах, бардамнах тангалзах тангайх (хоршоо үг) (цээж түрэн ханхалзах, ихэмсэг зан гаргах).
тангараа [нэр үг]
тангарах үйлийн нэр адуу хойд хөлөөрөө өшиглөх нь.
тангараг [нэр үг]
үнэн шударга, бат нотыг амласан андгайлал үг, бичиг тангараг алдах (өгсөн амлалтаа журамлан сахилгүй осолдох), тангараг няцах (өгсөн ам өчгөөсөө няцах), тангараг өргөхтангараг өгөх (а.бурхан тэнгэрт ам өчгөө өгөх б.ямар нэг ажил үйлсийн тухайд албан ёсны баталгаа өгөх), цэргийн тангараг өргөх (цэрэг хүн эх орныхоо аюулгүй байдлыг амь насаа хайрлахгүй сахин хамгаалахаа амлах), тангараг тавих (ам өчиг өгөх), тангараг эвдэх (тангараг няцах), тангаргийн гэрээ (а.амлаж тогтсон гэрээ б.(түүхэн үг, түүхийн нэр томьёо) монгол ардын засгийн газрын үндсэн хуулийн чанартай анхны чухал баримт бичиг), тангаргийн бичиг (а.ам өчгөө өгөн баталсан бичиг б.(түүхэн үг, түүхийн нэр томьёо) монгол ардын намын найман зүйл бүхий тангараг), ам тангараг (хоршоо үг) (үйл хэрэг, үг хэлнээсээ буцаж няцахгүй, үнэнч шударга байхаа андгайлсан өчиг), андгай тангараг (хоршоо үг) (ам тангараг), тангараг барилдлага (хоршоо үг) (ам өчгөө өгсөн бат холбоо), тангараг журам (хоршоо үг) (ам өчиг, андгайгаар баталсан журам), тангараг тасрах (нэг нэгэнтэйгээ эвлэршгүйгээр муудалцах), тангараг нь тонгорог болох (эв түнжингүй байх), тангаргийн буг мэт (хоосон тангарагладаг, тангарагтаа хүрдэггүй), тангараг тонгорогноос хурц, тонгорог хутганаас хурц (зүйр үг) (тангараг гэдэг юунаас ч илүү бат бөх байх ёстой), тангаргаа эвдвэл тамтаг болох, салаа эвдвэл ёроолд унах (зүйр үг) (тангаргаа зөрчвөл хүн чанараа алдана) хуучир. бичиг эрдэмд мэргэшсэн ноёны цол, уран тангараг.
тангараг [нэр үг]
хуучир. урьдын ерөөл тавил(ангийн нэр томьёо)
тангараглал [нэр үг]
тангараглах үйлийн нэр тангараглал хийх (тангараг тавих).
тангарагтан [нэр үг]
ам өёгөө өгч тангараг өргөсөн хүн.
танго [нэр үг]
латин америкт үүссэн орчин үеийн намуун аястай цэнгээнт бүжиг.
тандуу [нэр үг]
тарианы газрыг тандах хэрэгсэл, зэвсэг, тагнуур тандуу хийх (тарианы газрыг тандах багаж хийх).
танз [нэр үг]
танс танз даавуу (орны цагаан хэрэглэл).
танзуур [нэр үг]
зуурсан гурилыг жижиг бөөрөнхий болгон тосонд чанаад элсэн чихэрт өнхрүүлсэн нэг зүйл боов.
танигдал [нэр үг]
танигдах үйлийн (нэр үг)
танигч [нэр үг]
таньсан хүн.
танил [нэр үг]
таних үйлийн нэр бие биеэ сайн мэдэх, хоорондоо холбоо сүлбээ бүхий хүн, нөхөр танил болох (нэг нэгнийгээ мэддэг болох), танил хүн (таньж мэддэг хүн), танил тал (хоршоо үг) (а.таних мэдэх хүн б.ажил хэргийн холбоо сүлбээ бүхий хүн), урьдын танил (өмнө нь танил байсан хүн), танил царай (зүс үзсэн, мэддэг царай), танил дасал (хоршоо үг) (бие биеэ мэдэж, ээнэгшин дотносох нь), танилын нүүр халуун (танихын эрхэнд аргагүй), танил тал олонтой, арга эв ихтэй (зүйр үг) (авхаалжтай, овсгоотой, бусадтай нийтэч гэсэн санаа) таних болсон, таньдаг болсон юм танил эд (өмнө нь хэрэглэж байсан, яс чанарыг нь мэдэх эд), танил дуу сонсогдох (өмнө нь сонсож байсан дуу хоолой).
танилцал [нэр үг]
танилцах үйлийн (нэр үг)
танилцуулга [нэр үг]
ямар нэгэн ажил хэргийн агуулгыг товч, тодорхой байдлаар илэрхийлсэн баримт бичиг, танилцуулах зүйл албан хэргийн танилцуулга (албан хэргийн тухай мэдээлэл), танилцуулга бичих (тухайн ажил хэргийн талаар танилцуулсан зүйл бичих), танилцуулга хийх (танил болгох, бусдад ойлгуулж мэдүүлэх) ухуулан сэнхрүүлэх, ойлгуулах зорилго бүхий яриа таниулга.