Үйл үг
хумбалзах [үйл үг]
хумбагар юм байн байн хөдлөх.
хумийх [үйл үг]
хумигар, хумбагар болох юм үрчийх, атирч хатах арьс хатаж хумбийх (арьс хатаж үрчийх).
хумилах [үйл үг]
байн байн хумих, хураах.
хумирах [үйл үг]
нимгэн юмны хөвөө захаасаа эвхрэн хумигар болох үрчийх навч наранд хумирах (навч наранд хумигар болох), атирах хумирах (хоршоо үг) (юм атирч хумигар болох, үрчийх), үрчийх хумирах (хоршоо үг) (юм үрчгэр хумигар болох) (шилжсэн утга) тархай бутархай байсан юм гэнэт захаасаа бөөгнөрөн цугларах хонь, нохойноос үргээд хумирах (тархсан хонь, нохойноос үргээд бөөгнөрөн цугларах).
хумих [үйл үг]
тархай бутархай байсан юмыг хурааж цуглуулах хумин базах (цуглуулан атгаж авах) ажлаа хумих (хийж байсан ажлаа хурааж цэгцлэх), мал сүргээ хумих (тарж бутарсан малаа хурааж цуглуулах), цулбуураа хумих (цулбуураа богиносгож барих),
хумслах [үйл үг]
хумсаар чимхэх, шигтгэх, хумсны ор оруулах юмыг өчүүхэн хэмжээгээр эмтэлж холтолж авах (шилжсэн утга) бага сага юм хулгайлах хуурсаар хуурсаар худалч болох,
хумхих [үйл үг]
дэлгэсэн тэнийлгэсэн зүйлийг хумьж авах, хураах алчуураа хумхиж өвөртлөх (алчуураа хумьж өвөртлөх), амаа хумхих (амаа хамхих), далавчаа хумхих (шувуу дэлгэсэн далавчаа хумих), гараа хумхих (зүгээр суух, зүгээр байх).
хунгардах [үйл үг]
хэтэрхий хунгар болох.
хунгарлах [үйл үг]
цас хөрлөн, хунгар болж хатууран тогтох хунгарласан цас (юмны нөмөрт хурж, зузаарч хатуурсан цас).
хунгартах [үйл үг]
юмны нөмөр, гуу жалга зэрэгт хунгар хөрлөн тогтох.
хундагалах [үйл үг]
хундаганд архи дарс зэргийг хийх архи хундагалах (архи хундаганд хийх).
хунзлах [үйл үг]
юмыг хунзанд агуулах, хийх аргал хунзлах (аргалыг томхон араг, сэвгэнд хийх).
хуниартах [үйл үг]
аяндаа хуниастай мэт болж атирах.
хуниаслах [үйл үг]
хуниас, нугалаа гаргах уутны ам хуниаслах (уутны аманд хуниас гаргах).
хуниастах [үйл үг]
юманд хуниас гарах, хуниастай болох дээл хуниастах (дээлэнд хуниас гарах).
хунийх [үйл үг]
хунираа гарч умайх, атирах амсар нь хунийх (амсар нь умайх), хаваас нь хунийх (дээл хувцасны хаваас нь атирах).
хунираатах [үйл үг]
хунираа гарах, хунираа атираа тогтох.
хунирах [үйл үг]
тэгш толигор юмны нугаларан үрчийж, атирах, хунираа гарах атирч хунирах (нугаларан үр чийж, хунираа гарах), үрчийх хунирах (хоршоо үг) (үрчлээ, хунираа гарах) тархай бутархай байсан мал амьтны үргэж бөөгнөрөх хонь хунирах (хонь үргэж бөөгнөрөх) (шилжсэн утга) чадал хүрэхгүй болох, чадал хүрэхгүйгээ мэдэж санаа хураагдах.
хуних [үйл үг]
юманд нэгэн жигд зэрэгцсэн нугалаас гаргах хуниур оосроор хүүдий зэрэг юмны ам амсрыг чангалан татах хавтагны амыг хуних (хавтагны амыг хуниур оосроор чангаруулан татах), хуних булчин (бие бүтэц, анатоми) (ходоодны мухар зэрэг зарим эрхтэнд байдаг цагираг булчин) (шилжсэн утга) энд тэнд тарж бутарсан юмыг бөөгнүүлэх, цуглуулах ном дэвтрээ хуних (ном дэвтрээ бөөгнүүлэх, цуглуулах).
хунчирдах [үйл үг]
хэтэрхий хунчир зан гаргах.