Үйл үг
худаглах [үйл үг]
газрыг худаг шиг гүнзгий ухах, малтах (ярианы үг, хэллэг) худгийн усаар мал услах.
худалдаалах [үйл үг]
худалдаа хийх, зарах худалдаалах үнэ (худалдан авагчийн шууд төлөх үнэ), мах, ногоо худалдаалах (мах, ногоо зарах).
худалдаачлах [үйл үг]
хэсүүчлэн явж худалдаа хийх.
худалдагдах [үйл үг]
зарагдах ном нь худалдагдах (ном нь зарагдах).
худалдах [үйл үг]
эд барааг үнэ авч арилжин өгөх худалдан авагч (эд барааг үнэ өгч худалдан авах хүн), худалдан авах (а.үнэ өгч арилжин авах б.(шилжсэн утга) бусдад эд ашиг, мөнгө өгч ажил хэрэгт ашиглах), худалдан авах чадвар (аливаа юмыг худалдан авах боломж бололцоо) бараа худалдах (эд юм зарах), дамлан худалдах (өндөр үнээр зарж борлуулах), ном худалдах (ном зарах), зарах худалдах (хоршоо үг) (ямар нэг зүйлийг бусдад худалдан борлуулах) (шилжсэн утга) хувийн ашиг тусын төлөө эсрэг талд хүчин зүтгэж улс орон, хань нөхрөө хорлох биеэ худалдах (а.янхан болох б.ашиг хичээн бусдад урвах) (шилжсэн утга) бусдад саймширч хов зөөх, хошуу худалдах (хов зөөж, шан авах).
худалчдах [үйл үг]
дэндүү худалч болох.
хударгалах [үйл үг]
эмээлтэй моринд хударга торгож хийх (шилжсэн утга) бусдыг мэхэлж явуулаад, араар нь хэрэг үйлдэх, хударгаар суух хударгалан дайрах (дайсны ар хойгуур орж довтлон орох).
хударгалах [үйл үг]
нумны хичрийн заадсанд ховил гаргах.
худлах [үйл үг]
харилцан ураг садан бололцох ургийн хуримд худ болж явах.
хужгардах [үйл үг]
хүн, юмны өнгө хэтэрхий хужгар болох.
хужигнах [үйл үг]
юмны хур хийж дуугарах гэдэс хужигнах (гэдэс хур хийж дуугарах).
хужийх [үйл үг]
юмны өнгө будаг муудаж цайх гандаж хужийх (юмны өнгө нар, салхины нөлөөгөөр муудах, цайх) хүний царай цусгүй болж өнгөө алдах царай хужийх (царай алдах, царай зүс нь муудах) өвс ургамал гандаж шарлах янз орох уул тал хужийх (уул тал гандаж шарлах).
хужирдах [үйл үг]
хужир долоосон нь хэтэрч мал баас алдах.
хужиржих [үйл үг]
хужиртай болох.
хужирлах [үйл үг]
малд хужир идүүлэх хонио хужирлах (хониндоо хужир шүү идүүлэх) (шилжсэн утга) юманд ихэд шунан дурлах хүссэн, сонин сайхан ховор зүйлийг үзэж баясах нүд хужирлах (а.юмыг шимтэн үзэх б.олон юм үзэж гайхан бахдах в.хүссэн зүйлээ үзэж сэтгэл ханах), тагнай хужирлах (тамхи шунан татах).
хужирсах [үйл үг]
адуу малын хужирт дурлах, хүсэх хонь мал хужирсах (хонь мал хужир идэх гэж хүсэх) (шилжсэн утга) юманд сонирхон шунан дурлах.
хужиртах [үйл үг]
хужиртай болох, хөрс шороон доторх давс шүлтийн зүйл ууршиж, газрын хөрсөн дээр гарч, цайран харагдах.
хужирших [үйл үг]
газрын хөрс шороо хужирлаг болох.
хуйвалдах [үйл үг]
хүмүүс хоорондоо далдуур, нууцаар үгсэн тохирох, эвлэлдэх, сүлбээлэх сэм хуйвалдах (олуул далдуур үгсэн нийлэх), нам нийлж, сэм хуйвалдах (хүмүүс далдуур үгсэн эвлэлдэх).
хуйвлах [үйл үг]
уурга, шилбүүрт хуйв уях уурга хуйвлах (уурганы үзүүрт хуйв уях).