Нэр үг
хорио [нэр үг]
цээртэй зүйл, үл болох зүйл хорио тэмдэг (хориглосон тэмдэг), хорио тавигдах (хөл хаасныг цуцалсан тухай албан ёсоор мэдэгдэх), хорио зөрчих (тавьсан хориог үл ойшоон зөрчих), замын хорио (замын хориг, явахыг хориглосон тэмдэг), хорио цээр (хоршоо үг) (а.халдварын голомтод орох, гарахыг хориглох шугам б.бусдын эрхэнд орж эрх чөлөөгүй болсон нь) ятгалга, сургамж хорионд орох (ятгалгыг дагах) гяндан хорионд орох (а.хөл хоригдох б.гянданд хоригдох).
хорлогдогч [нэр үг]
хорлох үйлд өртөгч.
хорлол [нэр үг]
хорт аргаар хөнөөх явдал, бусдад хор хөнөөл учруулах явдал хорлол хөнөөл
хорлооч [нэр үг]
хорлох өстэй, дандаа хорлон бусниулж байдаг (этгээд үг хэллэг)
хормогч [нэр үг]
бэлхүүснээс доош, хувцасны гадуур өмсөх арьс бөсөөр хийсэн нэгэн зүйл хувцас өвөрлөгч бөхчүүдийн хормойвчлон зүүх чимэглэл.
хормогч хуучир. [нэр үг]
ташаа, сүүж хавиар зүүх эртний байлдааны халхавч.
хормой [нэр үг]
дээл, цамц, дээвэр туурга, хувцас хэрэглэлийн доод тал дээврийн хормой (гэрийн туурганы хоолой дээгүүр зөрж бүрэх хэсэг), дээлийн хормой (дээлийн доод тал), туурганы хормой (туурганы доод зах, хаяавчаар даруулах хэсэг), хормой дэвсэх (а.хормойгоо газар дэлгэх б.(шилжсэн утга) хошуу цорвойх), хормой огших (дээлийн хормой дээш эргэх), хормой сөхөх (хормойг дээш буюу гадагш өргөж хөндийлөх), хормой тосох (а.хүнээс юм гуйх б.хүний өгсөн юмыг дуртай хүлээн авах), хормой шуух (а.хормойгоо бүсэндээ хавчуулах зэргээр дээш сөхөх б.(шилжсэн утга) ажил хэрэгтээ эрчимтэй шуурхайлан орох), хормойгоороо дүүрэн хүүхэдтэй (олон хүүхэдтэй), хормойн бузар (шалиг завхай явдал), хормойн донтой (а.тэнэмхий б.шалиг, завхай явдалтай), хормой хот (хоршоо үг) (дээлийн хормой зэрэг доорд хэсэг), хормой хотоо тат (хормой хотоо янзал), хормой дороо оруулах (эрхшээлдээ оруулах, харъяалах, өмгөөлөх), хормойгоо чирэх (урагшгүй, унхиагүй байх), хормойд нь багтах (их хүний хайр ивээлийг хүртэх), хормой хийсгэх (оргох, босгох), хормойд нь салхи орох (гэр орондоо тогтож сууж чадахгүй дэмий тэнэх), хормойд нь хий орох (хормойд салхи орох), уул үзээгүй хормой шуух, ус үзээгүй гутал тайлах (зүйр үг) (а.хэрэг явдал эхлээгүй байхад шантрах б.юмны учрыг олоогүй байж уурлах, үйл хөдлөл хийх), хормой дэвсэж, хошуу цорвойх (зүйр үг) (гуйж аргадах), хормой урт бол хөл орооно, хоншоор урт бол хүзүү орооно (зүйр үг) (хов жив хөөцөлдсөн хүн эргээд хэрэгт ордог) уулын бэлийн доод этгээдийн газар уулын хормой (уулын бэл, доод хэсэг), тэнгэрийн хормой (тэнгэрийн хаяа, алсад газар тэнгэр хоёрын нийлсэн мэт харагдах зааг), хормойн хурдас (усны урсгалд туугдаж уулсын хормойд очоод бөөгнөрч овоорсон уулын чулуулаг хурдас) зах хязгаар, хаяа тэнгэрийн хормой (тэнгэрийн хяаа, газар тэнгэрийн нийлсэн мэт харагдах алсын зааг) зарим юмны хормой мэт хэлбэртэй юм өвчүүний хормой (малын махыг эвдэх үед өвчүүг цоройтой нь хамт авсныг) хуучир. банзал.
хормойвч [нэр үг]
торго торгомсгийн зүйл дээр хээ угалз хатгаж, чимхээр зах тавьж, хуниас гаргасан хормогч хэлбэртэй эмэгтэйчүүдийн нэгэн зүйл гоёл.
хорогдол [нэр үг]
хорогдох үйлийн нэр, хорогдож багассан хэмжээ хорогдлын нөхөх (хорж цөөрснийг гүйцээх), хорогдлыг тодорхойлох (хорж цөөрсөн хувийг тоцон гаргах),
хорол [нэр үг]
багасал, цөөрөл, хорогдол.
хорол [нэр үг]
хэгээс бүхий цагираг дугуй юм хорол тооно (дугуй хэгээст тооно), хорол хээ (хорол дүрсэлсэн хээ) (шашны нэр томьёо) лам нарын ном унших зэрэгт хэрэглэх голдоо тэнхлэгтэй бул адил юм, хүрд хорол эрдэнэ (найман тахилын наймдугаарх нь).
хором [нэр үг]
цагийн хэм, нэгэн нарийн хувь буюу секундыг арван мянга хуваасны нэг маш түргэн хором зуур (маш түргэн зуур), хормын төдий (маш түргэн) хуучир. жингийн өчүүхэн хэмжүүрийн (нэр үг)
хором [нэр үг]
хайрга чулуу, элсэн нүүдэл.
хоромж [нэр үг]
хорогдол, хорох хувь хоромж багатай (хорогдол багатай).
хоромсого [нэр үг]
нум дүрэх сав саадаг хоромсого (хоршоо үг) (нум сумаа дүрж агуулах сав).
хорон [нэр үг]
хорон хамхаг (ургамал судлал) (говь талын бүсэд ургадаг нэгэн наст хамхуул, хатсан үед нь тэмээ болон бог мал сайн иднэ, харалдайн хамхаг).
хороо [нэр үг]
хүйтний улиралд мал хашихад зориулсан чулуу, мод зэргээр хийсэн хашаа малын хороо (малын саравчгүй хашаа), хашаа хороо (хоршоо үг) (а.малыг байгалийн элдэв үзэгдлээс хамгаалах зориулалтай хүрээлэн босгосон юм б.хүмүүсийн амьдран суух хүрээ), хот хороо (хоршоо үг) (хамтын хөдөлмөрөө нэгтгэн хэд хэдээрээ аж төрөх айл өрх болон тэдгээрийн үхэр малын хашаа хороо), хүрээ хороо (хоршоо үг) (хашаалсан, тойруулан барьсан юм), үүр хороо (хоршоо үг) (амьтны ил орогнох газар), нохойн хороо (эмх замбараагүй, хог новш ихтэй байдал).
хороо [нэр үг]
хот суурин газрын засаг захиргааны анхан шатны нэгж хорооны дарга (засаг захиргааны зуугаас дээш өрхийг захирах дарга) (цэргийн нэр томьёо) зэвсэгт хүчний бүх төрлийн, төрөл тусгай мэргэжлийн цэргийн анги, зохион байгуулалтын хувьд байлдааны болон захиргаа, аж ахуйн биеэ даасан нэгж хуягт танкийн хороо (хуягт танкийн анги), хороо цэрэг (цэргийн томоохон хэсэг) ямар нэгэн ажлыг эрхлэн удирдах байгууллага бэлтгэх хороо (бэлтгэл ажлыг удирдах хэсэг), зохиолчдын хороо (зохиолчдын эрх ашгийг хамгаалан, удирдан зохион байгуулдаг олон нийтийн байгууллага), төв хороо (төвлөн удирдах байгууллага), утасны хороо (цахилгаан холбооны удирдах газар), хэвлэлийн хороо (хэвлэлийн ажлыг эрхлэн удирдах байгууллага).
хороолго [нэр үг]
хорогдол, цөөрөл, багасал.
хороолол [нэр үг]
хороолох үйлийн үр дүнг заасан нэр нийтийн орон сууц болон хүүхдийн цэцэрлэг, сургууль, эмнэлэг, дэлгүүр зэрэг үйлчилгээний цогцолбор бүхий бичил хотхон орон сууцны шинэ хороолол (орон сууцны шинэ хотхон).