Үйл үг
эврэх [үйл үг]
нойтон юм бага зэрэг эгших, хатах угаасан зүйл эврэх (угаасан зүйл нар салхинд бага зэрэг хатах, хатах янз орох), эврэх эгших (хоршоо үг) (нойтон юм хуурай болж хатах байдалтай болох).
эврээх [үйл үг]
чийгтэй юмыг эгшээх, хуурай болгох ааруулаа эврээх (шинэхэн хийсэн ааруулыг наранд тавьж бага зэрэг хатаах).
эвсэх [үйл үг]
харилцан нөхөрлөх, эвлэн нэгдэх үйл хэргийг бүтээхдээ хамтрах эвсэн ажиллах (санаа зорилго нэгдэн хүчээ нийлүүлэн хамтран ажиллах), эвсэх хамсах (хоршоо үг) (хүчээ нэгтгэх).
эвхрэх [үйл үг]
хүн, амьтны бие агдайх, атийх эвхрэн суух (хөлөө бохирон атийн суух) эд юмны нугаралдах, атирах цаас эвхрэх (цаас нугалаасаараа хумигдах).
эвхэх [үйл үг]
юмыг авсаархан болгож хураах, хуйлах, нугалах торго эвхэх (энтэй торгыг дөрвөлжлөн нугалах), сур эвхэх (урт сурыг хуйлан цэгцтэй болгох), дээл эвхэх (дээлийн захыг илүү гаргаж, ханцуй хормойг нь дотогш нугалан хураах), эвхэж түрийлэх (бусдыг чадах, дөнгөх).
эвцэх [үйл үг]
хамтрах, эвлэх, ижилсэх хүүхдүүд эвцэх (хүүхдүүд нэг зорилго чиглэлээр хоорондоо хамтрах) ургамал, амьтан хос хосоор нийлж бэлгэ харьцах ургамал амьтны хоёр өөр зүйл хоорондоо нийлэн зохицож өөр төрөл бий болох.
эвчлэх [үйл үг]
юмны эвийг олох.
эвшээх [үйл үг]
хүн, амьтны алжааж ядрах, нойр хүрэх зэргээс болж амаа ангайлган, амьсгаагаа дотогш татан, даруй гадагш гаргах.
эвэрдийлэх [үйл үг]
үхэр малын эврийг урт нарийн дээс сураар оосорлох үхэр эвэрдийлэх (үхрийн эвэрт эвэрдий углах).
эвэрдэх [үйл үг]
мал амьтны эврээс нь барих ямаа эвэрдэх (ямааны эвэрнээс барьж авах).
эвэржих [үйл үг]
эвэр шинжтэй болох, эвэр мэт болох.
эвэрлэх [үйл үг]
амьтны эвэр ургаж эхлэх ишиг эвэрлэх (ишигний эвэр ургаж эхлэх) нумны элгэнд эвэр хадах (шилжсэн утга) зовох, шаналах сэтгэл эвэрлэх (ямар нэгэн зүйлд сэтгэл шаналан зовох).
эвэртэх [үйл үг]
гар хөлөнд эвэр ургах эвэрших.
эвэртэх хуучир. [үйл үг]
өвчин тусах.
эвэрших [үйл үг]
зөөлөн зүйл хатуурч эвэр мэт болох хүн амьтны гар, хөлний арьс хатуурч сайртах эвэршсэн гар (арьс нь хатуурч сайртсан гар).
эвэршээх [үйл үг]
тэсэхийн аргагүй зовууртай өвдөх бие эвэршээх (хүн амьтны бие эрхтэн маш ихээр өвдөж шаналах).
эгдүүрхэх [үйл үг]
эгдүү хүрэх, ямар нэгэн юманд зэвүүцэн дургүйцэх.
эгдүүцэх [үйл үг]
сэтгэлд нийцэхгүй юманд дургүйцэх, эгдүүцэл төрөх.
эгзэглэх [үйл үг]
хардах, сэжиглэх, болгоомжлох эгзэглэх зүйл (хардлага төрүүлсэн зүйл) хувцасны энгэр заамыг шигшиглэн эмжих.
эгнэрэх [үйл үг]
аяндаа эгнэн жагсах.