Үйл үг
хэмхрэх [үйл үг]
хатуу юмны, өөрөө аяндаа үйрэх, хагарах, эвдрэх авдар сав хэмхрэх (авдар сав эвдрэх), эвдрэх хэмхрэх (хоршоо үг) (эд юм эвдэрч элэгдэх), хагарах хэмхрэх (хоршоо үг) (үйрэх, эвдрэх).
хэмхчих [үйл үг]
олон юмыг эвдэж хэмхлэх, зэрэг зэрэг хэмхлэх аяга шаазангаа хэмхчих (аяга шаазангаа олноор нь хагалж сүйтгэх).
хэмхэх [үйл үг]
амьтны бие биеэ болон өөр амьтныг зууж, хазаж битүү гэмтээх, шархтуулах нохой хэмхэх (нохой нэг нэгнээ зууж битүү гэмтээх, шархтуулах).
хэмших [үйл үг]
ясны хэмд улмаар шим хурж цуслаг нь тослог болох.
хэнгэнэх [үйл үг]
гэнших, уянгатай урт дуу үргэлжлэн гарах хэнгэнэн буйлах (тэмээ ижил сүргээ үгүйлэн уянгатай буйлах), хэнгэнэн уйлах (гэншигнэн уйлах), хэнгэнэтэл санаа алдах (гэншсэн дуу гарган уйтгарлан санаа алдах).
хэнгэрэгдэх [үйл үг]
хэнгэрэг цохих, дэлдэх.
хэнгэрэх [үйл үг]
сум хөнгөн шүргэх.
хэндэх [үйл үг]
өвчин илаарьшиж байгаад дахин үгдрэх.
хэнздэх [үйл үг]
хэтэрхий орой төллөх ба ургах (шилжсэн утга) хүүхдийн дэндүү нярай, нялх буурай бөлгөн болох.
хэнзлэх [үйл үг]
аливаа малын төллөх үе нь өнгөрсөн хойно төллөх хонь хэнзлэх (хонь төллөх хугацаанаасаа хожуу хургалах), ямаа хэнзлэх (ямаа хожуу ишиглэх) намрын цагт ногоо соёолж дахин ургах ногоо хэнзлэх (намар орой ногоо дахин ургах).
хэнзрэх [үйл үг]
хэнз болох төл хэнзрэх (төл хэнз болох).
хэнтэглэх [үйл үг]
хүний хэнтэг зан авир гаргах, уурлаж уцаарлах (шилжсэн утга) морь, малын толгойдоо хүргэхгүй хориг зан гаргах морь хазаарлуулахгүй хэнтэглэх (морь толгойдоо хазаар хүргүүлэхгүй хориг зан гаргах).
хэнхгэнэх [үйл үг]
хэнхгэр, том юмны үргэлжлэн хөдлөх (шилжсэн утга) хүний, ихэмсэг дүр байдал гаргах.
хэнхгэрдэх [үйл үг]
хэтэрхий хэнхгэр том ханхгар болох.
хэнхгэрэх [үйл үг]
хэнхэг байдалтай болох.
хэнхийх [үйл үг]
хэнхгэр том байдалтай болох, харагдах цээж нь хэнхийх (а.цээж нь хэнхгэр том болох б.(шилжсэн утга) их зан гаргах).
хэнхэглэх [үйл үг]
аливаад сэтгэл ханахгүй, улам шунах, ховдоглох, хорхойцох, шунахайрах.
хэнхэгрэх [үйл үг]
хэнхэг зан байдалтай болох.
хэнхэлзэх [үйл үг]
хэнхгэр юмны байн байн хөдлөх, хэнхгэнэх.
хэнхэрэх [үйл үг]
сум амин бус газар тусч шувтлан гарах.