Нэр үг

түүдэл [нэр үг] түүдэх үйлийн (нэр үг)
түүдээ [нэр үг] түүд, түвдэл, эргэлзэл, тээнэгэлзэл түгдрээ.
түүдээрэл [нэр үг] түүдээрэх үйлийн нэр тээнэгэлзэл.
түүлэг [нэр үг] гуйлга түүлэг (хоршоо үг) (гуйх түүх явдал).
түүлэгч [нэр үг] гуйлгач түүлэгч (хоршоо үг) гуйх түүх явдалт(ангийн нэр томьёо)
түүр [нэр үг] бүүр түүр (хоршоо үг) (нарийн тодорхой биш, алдаг оног, бүдэг бадаг), үүр түүр (хоршоо үг) (бүрэг бараг, бүдэг бадаг, бүүр түүр), үүр түүрхэн санаанд орох (бүдэг бадаг санаанд орох).
түүртгэл [нэр үг] түүртгэх үйлийн нэр, саад тотгор, барцад.
түүрхэн [нэр үг] бүүр түүрхэн (хоршоо үг) (бүдэг бадагхан), бүүр түүрхэн сонсогдох (ихэд бүгт бүдэг сонсогдох).
түүрэг [нэр үг] ойр, хол бус орчим хотын гадуур орших суурин газар, олон гэр, хүй хүй айл, гадуур барьсан хэрэм, цайз бэхлэлт, дүүрэг (шашны нэр томьёо) шашны зан үйлд хэрэглэх газарт хатгасан хус мод.
түүс [нэр үг] түүс болох (ямар нэг юмнаас салах хагацахыг ихэд хүсэх, залхах), өгөхийн түүс болох (өгөхийн хүслэн болох), салахын түүс болох (салахын мөн болох), явахын түүс болох (явахыг ихэд хүсэмжлэх). түүх(эн) (нэр үг) (шинжлэх ухаан) байгаль, нийгмийн өнгөрсөн ба ирээдүйн хөгжлийн тухай шинжлэх ухаан түүхийн ухааны түүх (түүхийн ухааны хөгжилтийг тодорхойлох буюу судлах ухаан), түүх судлаач (түүхийг судлан шинжлэх мэргэжилтэн), түүхийн анги (түүх судлах анги), түүхийн багш (түүхийн хичээл заадаг багш), түүхийн тэнхим (их, дээд сургуулийн түүх заах салбар), дундад зууны түүх (дундад зууны үеийн үйл явдлын товчоо), товч түүх (хураангуй түүх), улсын түүх (тухайн улсын он цаг, үйл явдлын товчоо), эртний түүх (эрт үеийн түүх), эдүгээгийн түүх (одоо үеийн түүх), түүхэн нөхцөл (тухайн үеийн нөхцөл байдал), түүхэн найруулал (түүхт үйл явдлыг уран сайхны аргаар бичсэн найлуулгын нэг төрөл), түүхэн роман (түүхт явдлаас сэдэвлэн бичсэн роман), түүхэн сурвалж (хүний үзэл ухамсар ба хэрэг явдлын хөгжилд нөлөө үзүүлдэг түүхийн уламжлалт нөхцөл шалтгаан), түүхэн үг (одоо хэрэглэгдэхээ больсон, зөвхөн түүхэнд байсан хэрэг явдал буюу үзэгдлийг тусгасан үг), түүхийн материал (өнгөрсөн үеийн явдлыг тэмдэглэсэн бичгүүд), түүхийн урсгал (түүхийн нэгэн шат үеийн хандлагыг төлөөлсөн үзэл санааны чиглэл), түүхийн хүрд (нийгмийн түүхийн хөгжлийн жам ёс), түүхэн бодот үнэн (ямар нэг улс төрийн бодлого, гадаад дотоод хүчин зүйлүүдээс үл шалтгаалан нийгэмд үнэн бодот болж өнгөрсөн хийгээд болж буй явдал), зарлиг түүх (хоршоо үг) (а.хуучир. мэргэлэх, урьдаас мэдэх б.тушаал), тууж түүх (хоршоо үг) (түүхчилсэн тууж), үлгэр түүх (хоршоо үг) (домог, хууч яриа), түүх бичиг (хоршоо үг) (түүх тэмдэглэсэн бичиг), түүх домог (хоршоо үг) (түүхэн үйл явдлаас үүсэлтэй амаар дамжсан яриа), түүх тойрохгүй, урьдах орхигдохгүй (цэцэн үг) (түүх давтагддаггүй), түүх үнэн төмөр бөх (цэцэн үг) (түүх хэзээд үнэнээрээ үлддэг), түүхийн үнэн хэцүү, төмрийн гинж хатуу (зүйр үг) (түүхийн үнэнээс зугатах аргагүй), түүх судраа мэд, төр түмнээ тань (цэцэн үг) (түүхээ судалж мэд) өнгөрсний хэрэг явдлыг тэмдэглэсэн бичиг судар, намтар гурван үеийн түүх (гурван үеийн намтар), өөрийн түүх (өөрийн намтар), үүх түүх (хоршоо үг) (үүх намтар), түүх шастир (хоршоо үг) (үеэс үеэс уламжилж ирсэн түүхчилсэн тэмдэглэл), түүх намтар (хоршоо үг) (үйл хэргийн тухай үнэн бодтойгоор бичсэн нь), түүх судар (хоршоо үг) (эрт эдүгээгийн үйл явдлыг товчоолон бичсэн зохиол), цадиг түүх (хоршоо үг) (өнгөрсөн үйл явдлыг тэмдэглэн үлдээсэн бичиг), ойллого түүх (хоршоо үг) (он дараалан бичсэн түүхийн бичиг).
түүхий [нэр үг] эсгий оймс.
түүхий [нэр үг] биед гарах шүүстэй нясуу, яр түүхий гарах (түүхийний яр гарах), түүхий эдгэрэх (түүхий яр эдгэх, байхгүй болох), түүхийний тос (түүхий яранд түрхэх тос).
түүхч [нэр үг] (шинжлэх ухаан) түүхийг нэвтэрхий мэддэг ба түүхийн ухаанд мэргэшсэн хүн түүхч эрдэмтэн (түүх судалдаг хүн, түүхийн ухаанаар зэрэг хамгаалсан хүн), түүхч сударч (хоршоо үг) (түүх өгүүлдэг болон тэмдэглэн үлдээдэг хүн) үлгэр түүх ярьдаг хүн.
түүш [нэр үг] (бие бүтэц, анатоми) дээд, доод эрүүнд шүд суух хонхорхой түүш авах (түүшийг нь алгадах), түүшингийн ирмэг (эрүүний шүд суух хонхорхойн ирмэг), түүшийн үрэвсэл (шүдний түүшийн хонхрын үрэвсэл), түүш хатуу (үнэнээ хэлдэггүй, үг зуумхай) түүшүү. түүш тасрах түүш болох (харуй бүрий болох).
түүш [нэр үг] түүш түүш (аялга үг) (ингэ хөөслөхөд уянгалуулан хэлэх үг).
түүшин [нэр үг] чөрх, ногт.
түүшүү [нэр үг] эрүүний углуурга орчим газар, шанаа түүшүү зуух (ам ангайж үл болох), түүшүүг нь шахах (багалзуурыг нь шахах), түүшүү багалзуур (хоршоо үг) (араа шүдний уг болон төвөнхийн орчим газар).
түчиг [нэр үг] түчиг тачиг (хоршоо үг) (тас няс хийх дуу)
түшиг [нэр үг] түшиж тулах юм, түшлэг түшиг муутай (а.тулгуур муутай б.(шилжсэн утга) өмөг муутай), түшиг сайтай (а.тулгуур сайтай б.(шилжсэн утга) өмөг сайтай) (шилжсэн утга) өмөг хүчин
түшил [нэр үг] түших үйлийн нэр, түшиг, итгэл найдвар.
Зөвшөөрч байна Татгалзаж байна

Нээлттэй мэдээллийн сан www.opendatalab.mn цахим хуудсыг ашиглах, мэдээлэл хайх, түгээх хэн бүхэн доорх нөхцөлийг хүлээн зөвшөөрсний үндсэн дээр үйлчилгээ авах эрхтэй.

  1. Хуульд зааснаар төрийн болон орон нутгийн өмчийн хуулийн этгээд, бусад нийтийн эрх зүйн хуулийн этгээдээс олон нийтэд нээлттэй байршуулсан мэдээллийг иргэд, олон нийт үнэн зөв гэж үзэх эрхтэй. Иймд тухайн мэдээллийг мэдээллийн сан, түүнийг хариуцагч Бодлогод залуусын хяналт ТББ болон системийн ашиглалтыг хариуцсан аливаа хувь хүний байр суурь гэж үзэхгүй ба анхдагч эх сурвалжаас хүлээн авсан мэдээллийн үнэн зөв эсэх, тухай мэдээллийн талаар аливаа хууль эрх зүйн маргаан байгаа эсэхэд мэдээллийн сан хариуцлага хүлээхгүй.
  2. Мэдээллийн сан нь техникийн нөхцөл, боломжоос шалтгаалан тодорхой цаг хугацааны давтамжтайгаар албан ёсны эх сурвалжуудаас мэдээллийг татан авч, тухайн цаг үед үнэн зөвд тооцогдож байсан мэдээллийн түүх үүсгэдэг. Иргэд, олон нийт мэдээллийн санг хэзээ ашиглаж байгаагаас үл хамааран мэдээллийн түүхтэй танилцах эрхтэй тул тус мэдээлэл хуучирсан, эсхүл анхдагч мэдээллийн эх сурвалжаас устгасан, нэвтрэх боломжгүй болсон гэх үндэслэлээр тус мэдээллийн сангаас хасахгүй болно.
  3. Мэдээллийн санг ашиглан мэдээ, сурвалжилга бэлтгэх болон олон нийтэд түгээх бүхий л этгээд мэдээллийн санд хадгалагдаж буй өнгөрсөн үеийн болон одоогийн мэдээллийн үнэн зөв, хүчинтэй эсэхийг зөвхөн анхдагч эх сурвалж болон түүнийг хариуцагч төрийн эрх бүхий байгууллагаас нягталж шалгах үүрэгтэй.
  4. Энэ үйлчилгээний нөхцөлийн 3-т заасан үүргээ хэрэгжүүлээгүйтэй холбоотойгоор бий болох аливаа эрсдэл, хариуцлагыг зөвхөн тухайн этгээд хариуцах бөгөөд мэдээллийн систем болон түүнд холбогдох этгээдийг аливаа учрах нэхэмжлэл, хариуцлагаас чөлөөлнө.
  5. Тус мэдээллийн сангийн зохиогчийн эрх хуулиар хамгаалагдсан бөгөөд мэдээллийн сангаас боловсруулж хүргэсэн мэдээллийг олон нийтэд дурдах тохиолдолд эх сурвалжийг заах нь оюуны өмчийн эрхийн зөрчил үүсгэхгүй байх үндэслэл болно.