Нэр үг
түрэлт [нэр үг]
түрэх үйлийн нэр, түрэх үйл явц түрэлт багасах (түрэх явц багасах), түрэлт ихсэх (түрэх явц ихсэх), түрэлтийн ган (ус түгээгүүрийн сүлжээнд усны түрэлт буй болгож түүнийг тогтоон барих ган) дайралт, шахалт цэргийн түрэлт (цэргийн дайралт, дайран орж ирэх нь) (хэл шинжлэл)урт түрэлтэт эгшиг (урт эгшиг).
түрэмгийлэгч [нэр үг]
түрэмгийлэх үйлийн эзэн, түрэмгийлэн эзлэгч эзлэн түрэмгийлэгч (булаан эзлэгч, халдан довтлогч).
түрэмгийлэл [нэр үг]
түрэмгийлэх үйлийн нэр, эзлэн түрэмгийлэх үйл ажиллагаа түрэмгийлэл багасах (түрэмгийлэх явдал багасах), түрэмгийлэл үйлдэх (түрэмгийлэх үйл ажиллагаа явуулах).
түрэмгийчүүд [нэр үг]
түрэмгийлэгчид эзэрхэг түрэмгийчүүд (эзэрхэн түрэмгийлэгчид), харгис түрэмгийчүүд (харгис түрэмгийлэгчид).
түрээ [нэр үг]
зоргоор аашилж эрдэхийн ар түшиг, учир шалтаг түрээ барих (ямар нэг давуу болон ялгаатай байдлаа ашиглан ажил хэргээ бүтээхийг оролдох).
түрээс [нэр үг]
мал, эд хөрөнгөө гэрээний үндсэн дээр төлбөртэйгөөр тодорхой хугацаанд ашиглуулах үйл ажиллагаа түрээс авах (түр байлгасан болон хэрэглүүлсний төлбөрөө авах), түрээс өгөх (түр байсан болон түр хэрэглэсний төлбөрөө өгөх), түрээс тогтоох (түр байх болон түр хэрэглэх үнээ тогтоох), байрны түрээс (байр сууцанд түр байрласны төлбөр), газрын түрээс (газрын хэрэглээний төлбөр), түрээс гааль (хоршоо үг) (татвар, тухайн барааны үнээс хувь бодож татварласан нь), татвар түрээс (хоршоо үг) (бусдад өгвөл зохих төлбөр) хуучир. гааль татвар.
түрээслэгч [нэр үг]
түрээслэх үйлийн эзэн, түрээс авагч түрээслэгч хүн (түрээсэлж буй хүн).
түрээслэл [нэр үг]
түрээслэх үйлийн нэр, түрээслэх явдал.
түс [нэр үг]
түс хийх (хүнд жинтэй хүн, амьтны хүндээр алхах, ойчих болон хүнд, цул юм унах), түс хийтэл ойчих (хүнд жинтэй хүн, амьтан ба юмны их чимээ гарган ойчих), түс тас (хоршоо үг) (а.шулуун шударга, шуудхан б.дуу чимээ дууриах аялга), түс тас хэлчих (хэлэх гэсэн зүйлээ шуудхан, ил хэлэх), түс тас хийх (хүнд жинтэй юмны унах, нурах зэрэгт их чимээ гарах), түс түс хийх (мах тарга ихтэй хүн, амьтны явах зэрэгт их чимээ үргэлжлэн гарах), түс тас хүн (илүү дутуу яриагүй хэлсэн ярьсандаа хүрдэг хүн).
түсрэг [нэр үг]
томоохон ваар сав цацах, шүршихэд хэрэглэх сав сөн, сархадын ширээ.
түүвэр [нэр үг]
энд тэндээс түүвэрлэн авч нийлүүлсэн юм, цуглуулга түүвэр хийх (цуглуулга хийх, түүн цуглуулах), түүвэр олдвор (газрын хөрсөн дээрээс ил олдсон болон хүмүүсийн гар дамжин хадгалагдаж ирсэн эртний эд өлгийн зүйлс), түүвэр юм (энд тэндээс түүсэн юм, цуглуулсан юм), түүврийн чанартай (түүсэн байдалтай), үүвэр түүвэр (хоршоо үг) (хэсэг бусаг, ойцон цойцон, эрж түүж нийлүүлсэн) уран бүтээл, баримт бичгийн зүйлийг цуглуулан хамтатган гаргасан ном, зохиол дууны түүвэр (олон дуу багтаасан ном), зохиолын түүвэр (тухайн зохиолчийн олон зохиол бүтээлийг оруулсан ном), орчуулгын түүвэр (орчуулгын олон зохиолоос бүрдсэн ном), өгүүлгийн түүвэр (олон өгүүлэл багтсан ном), шүлгийн түүвэр (олон шүлэг багтаасан ном).
түүгч [нэр үг]
түүх үйлийг гүйцэтгэгч тарианы толгой түүгч (тариан түрүүг хураан авах хүн).
түүд [нэр үг]
саад тээг, төвөг түүд тээг (хоршоо үг) (саад тээг).
түүд [нэр үг]
түүд болох (а.хэлэх, хийх зүйлээсээ зүрхшээн түдгэлзэх б.(шилжсэн утга) бялдуучилъя гэвч айж бэрхшээх).
түүд [нэр үг]
түүд тайд (хоршоо үг) (а.бусдыг хориглох аялга б.сүрээр агсрах байдал).
түүдрэл [нэр үг]
түүдрэх үйлийн (нэр үг)
түүдэвч [нэр үг]
түүдэг, задгай гал.
түүдэг [нэр үг]
хээр гадаа ил түлсэн гал түүдэг асаах (хээр ил гал асаах).
түүдэг [нэр үг]
томохоор цувьж бэлдсэн ноос, хялгасыг эмхэлж бөөрөнхийлсөн нь түүдэг хийх (ноос ноолуур томохоор бөөрөнхийлөх), ноосон түүдэг (томохоор цувьсан ноосыг бөөрөнхийлсөн нь), хялгасан түүдэг (хялгасыг томохоор бөөрөнхийлсөн нь).
түүдэг [нэр үг]
эмэгтэй хүн үсээ толгойн орой дээр бөөрөнхийлж боох үсний нэг засалт. түүдэг (нэр үг)(мал эмнэлгийн нэр томьёо) хонь малын гүзээнд унгас ноос хуралдсанаас шээс хаагдах өвчин түүдэг тусах (хонь мал шээс хаагдах өвчнөөр өвдөх).