Нэр үг

сайрхагч [нэр үг] гайхуулан бардамнагч зуйрган зулгуйч.
сайрхал [нэр үг] сайрхах байдал сайрхал төрөх (бардамнан гайхуулах сэтгэл төрөх).
сайсуур [нэр үг] шигшүүр.
сайтар [нэр үг] сайтар гарах (шашны нэр томьёо)хуучир. (тойн хувраг болох).
сайтар [нэр үг] сайтар хүрсэн (тооны нэр) (гучин зургаан оронтой тоо), их сайтар хүргэсэн (тооны нэр) (гучин зургаан оронтой тоо).
сайхаль [нэр үг] сайхаль цэцэг (ургамал судлал) (холдостон овгийн салаа найлзуур зөөлөн бөгөөд бут бутаар ургадаг, гол төлөв цагаан цэцэгтэй байдаг, евразийн сэрүүн бүсэд тархсан, монголын өндөр уулсын оройн чийглэг, усархаг газарт ургадаг).
сайчууд [нэр үг] ажил хөдөлмөр, үйл хэргээрээ бусдыг манлайлан тэргүүлэгч тэргүүний хүмүүс тэргүүний сайчууд (ажил үйлсээрээ шалгарсан хүмүүс), ахмад сайчууд (хийж бүтээсэн зүйл, алдар гавьяа ихтэй ахмад хүмүүс), сайчуудын туршлага (тэргүүний хүмүүсийн туршлага), сайчууд олшрох (тэргүүний хүмүүс олон болох), сайчууд төрөх (ажил үйлсээрээ бусдыг манлайлан тэргүүлэгч хүмүүс шинээр тодрох), ухаантан сайчууд шүүмжлэлд баясах, зусрын сайчууд зөвлөгөөнд урвалзах (зүйр үг) (өөрсдийн хүч хөдөлмөрөөр амжилт гаргаж буй хүмүүс шүүмжлэлийг дуртай хүлээж авдаг, харин зусар, бялдууч зангаараа сайн нэр олж авсан хүмүүс шүүмжлэлд дургүйцдэг).
сайшаал [нэр үг] сайшаах байдал, хийж бүтээсэн зүйлийг нь урамшуулах, хөхүүлэн үнэлэх хэлбэр сайшаалын бичиг хуучир. (сайшаалын үнэмлэх), сайшаалын үнэмлэх хуучир. (гавьяа зүтгэл, амжилтыг нь үнэлж олгох урамшууллын бичиг), сайшаал сонсох (урамшуулсан үг дуулах), сайшаал хүлээх (урамшуулал хүртэх), сайшаал магтаал (хоршоо үг) (сайшаан магтах үг), сайшаал урамшил (хоршоо үг) (амжилт бүтээлийг нь үнэлэн олгох шагнал, хөхүүлэл), сйшаал хөхүүлэл (хоршоо үг) (сайшаан магтаж урамшуулах явдал), сайшаал шагнал (хоршоо үг) (хийж бүтээсэн ажил хөдөлмөрийг нь үнэлж олгосон урамшууллын зүйл).
сакс [нэр үг] сакс бүрээ хөгжим. (олон даруул бүхий нэг зүйл үлээвэр хөгжим).
саксофон хөгжим. [нэр үг] сакс бүрээ.
сал [нэр үг] ус гатлах, усаар хөвөх, урсгахад зориулж урт бүдүүн модыг зэрэгцүүлэн холбож бэхэлсэн хэрэгсэл сал бэхлэх (салыг бэхлэн боох), сал гаргах (салыг уснаас гаргах), салаар гатлах (сал хэрэглэн ус туулах), сал залах (сал жолоодох), сал тавих (усанд салаа хөвүүлэх), сал татах (салыг гол, мөрний эрэг дээр гаргах), сал урсгах (салыг усанд хөвүүлэх), сал хатгах (салыг сэлүүр модоор удирдан чиглүүлэх, жолоодох), сал уях (салыг бэхлэн боох), сал хийх (мод зэрэг хөвөх чанартай зүйлийг зэрэгцүүлэн холбож, усанд урсгах хэрэгсэл хийх), сал алдвал далайн ёроолд, сахил алдвал тамын ёроолд (зүйр үг) (аливаа аюулаас гэтлэх арга зам үгүй бол хэцүү).
сал [нэр үг] сал сул (хоршоо үг) (а.хөнгөн хуумгай, салан задгай б.эрээ цээргүй, хээгүй), сал сул хүн (а.хөнгөн хуумгай хүн б.салан задгай хүн), сал сул явах (хөнгөн хуумгай явах).
сал [нэр үг] сал мод (ургамал судлал) (нарийн агар модтой адилавтар навч бүхий, цагаавтар өнгөтэй нэг зүйл мод, шувуу сууж, хорхой үүрлэдэггүй учир ариун мод гэж нэрлэдэг, хан боргоцой ургадаг салба жимс).
салаа [нэр үг] байгууллага, хамт олны доторх нэгж, зохион байгуулалтын нэг хэлбэр аж ахуйн салаа (тухайн байгууллагын аж ахуйг хариуцсан хэсэг), барилгын салаа (барилгын ажил хариуцан гүйцэтгэх ажлын хэсэг), салаа тасаг (а.байгууллага, хамт олны доторх зохион байгуулалтын хамгийн бага хэсэг б.цэргийн зохион байгуулалтын хамгийн бага хуваарь) (цэргийн нэр томьёо) цэргийн сумангийн жижиг анги тагнуулын салаа (тагнуулын үйл ажиллагаа гүйцэтгэдэг анги), их бууны салаа (их бууны анги), морин салаа (морьт цэргийн жижиг анги), салааны дарга (цэргийн суман доторх жижиг ангийн захирагч), салаа цэрэг (цэргийн сумангийн жижиг анги), салааны шийтгэгч хуучир. (эрүүгийн хэргийг шалган байцаах хэсгийн дарга).
салаа [нэр үг] нэг эхээс салбарласан ацтай зүйл салаа гэзэг (хувааж сүлжсэн гэзэг), салаа гол (нэг эхтэй олон салбар урсгалтай гол), салаа зам (хэдэн тийшээ салсан зам), хур салаа (элэгдсэн модноос дахин ургасан нарийн мөчир), салаа мөчир (хоршоо үг) (модны салбарлан ургах иш), салахын эрхээр эс салав, салаа замын эрхээр салав (зүйр үг) (аргагүйн эрхэнд холдон явах) нэг иш, угаас салбарлан гарсан юмсын хоорондох зай, ацалсан хэсэг газар гарын салаа (гарын хуруу хоорондын завсар, бэлчир), хөлийн салаа (хөлийн хуруу хоорондын зай), туурайн салаа (мал адгуусны туурай дахь ац), салаа туурайтан (туурай бүхий амьтдын ерөнхий нэр), салаа татах (морь малын ихэд таргалах), салаа ихтэй модонд шувуу олон, санаа сайтай айлд зочин олон (зүйр үг) (сайн санаатай хүнд нөхөр олон).
салаавч [нэр үг] салаа зүйлийг холбосон уг хайчны салаавч (хайчны уг), салаавч гаргахсалаавч үзүүлэх (ярианы үг, хэллэг) (а.эрхий хурууг долоовор, дунд хуруугаар хавчин гаргах б.хүнийг доромжлох).
салаалал [нэр үг] салаалах байдал.
салаалуулга [нэр үг] салаалуур.
салаалуур [нэр үг] цахилгаан гүйдэл зэргийг тусгаарлан салгах хэрэгсэл, төхөөрөмж.
салай [нэр үг] хүн, малын умайнаас гарах наалданги шингэн.
Зөвшөөрч байна Татгалзаж байна

Нээлттэй мэдээллийн сан www.opendatalab.mn цахим хуудсыг ашиглах, мэдээлэл хайх, түгээх хэн бүхэн доорх нөхцөлийг хүлээн зөвшөөрсний үндсэн дээр үйлчилгээ авах эрхтэй.

  1. Хуульд зааснаар төрийн болон орон нутгийн өмчийн хуулийн этгээд, бусад нийтийн эрх зүйн хуулийн этгээдээс олон нийтэд нээлттэй байршуулсан мэдээллийг иргэд, олон нийт үнэн зөв гэж үзэх эрхтэй. Иймд тухайн мэдээллийг мэдээллийн сан, түүнийг хариуцагч Бодлогод залуусын хяналт ТББ болон системийн ашиглалтыг хариуцсан аливаа хувь хүний байр суурь гэж үзэхгүй ба анхдагч эх сурвалжаас хүлээн авсан мэдээллийн үнэн зөв эсэх, тухай мэдээллийн талаар аливаа хууль эрх зүйн маргаан байгаа эсэхэд мэдээллийн сан хариуцлага хүлээхгүй.
  2. Мэдээллийн сан нь техникийн нөхцөл, боломжоос шалтгаалан тодорхой цаг хугацааны давтамжтайгаар албан ёсны эх сурвалжуудаас мэдээллийг татан авч, тухайн цаг үед үнэн зөвд тооцогдож байсан мэдээллийн түүх үүсгэдэг. Иргэд, олон нийт мэдээллийн санг хэзээ ашиглаж байгаагаас үл хамааран мэдээллийн түүхтэй танилцах эрхтэй тул тус мэдээлэл хуучирсан, эсхүл анхдагч мэдээллийн эх сурвалжаас устгасан, нэвтрэх боломжгүй болсон гэх үндэслэлээр тус мэдээллийн сангаас хасахгүй болно.
  3. Мэдээллийн санг ашиглан мэдээ, сурвалжилга бэлтгэх болон олон нийтэд түгээх бүхий л этгээд мэдээллийн санд хадгалагдаж буй өнгөрсөн үеийн болон одоогийн мэдээллийн үнэн зөв, хүчинтэй эсэхийг зөвхөн анхдагч эх сурвалж болон түүнийг хариуцагч төрийн эрх бүхий байгууллагаас нягталж шалгах үүрэгтэй.
  4. Энэ үйлчилгээний нөхцөлийн 3-т заасан үүргээ хэрэгжүүлээгүйтэй холбоотойгоор бий болох аливаа эрсдэл, хариуцлагыг зөвхөн тухайн этгээд хариуцах бөгөөд мэдээллийн систем болон түүнд холбогдох этгээдийг аливаа учрах нэхэмжлэл, хариуцлагаас чөлөөлнө.
  5. Тус мэдээллийн сангийн зохиогчийн эрх хуулиар хамгаалагдсан бөгөөд мэдээллийн сангаас боловсруулж хүргэсэн мэдээллийг олон нийтэд дурдах тохиолдолд эх сурвалжийг заах нь оюуны өмчийн эрхийн зөрчил үүсгэхгүй байх үндэслэл болно.