Үйл үг
хаширлах [үйл үг]
хашир зан гаргах, болгоомжлох хаширлаад хаширлаад бүтсэнгүй (болгоомжлоод болгоомжлоод алдах, ташаа болох).
хаших [үйл үг]
юмыг тойруулан хүрээ хашаа барих худаг хаших (худаг тойруулан хүрээлэх), эзэн нь юмаа мэддэг, эрэг нь усаа хашдаг (цэцэн үг) (эзэн хүн юмаа яахаа мэднэ) хашаанд оруулж хорих хурга хаших (хурга хашаанд хорих) (шилжсэн утга) тал бүрээс нь хоргоон хорьж тогтоох дундаа хаших (дундаа хоргоох), сул морийг олон хүн хашиж байгаад барьж авав (сул морийг олон хүн тал бүрээс нь хоргоож байгаад барьж авав), гэрт нь хаших (гэрт нь байлгах) тал бүрээр нь хүрээлэх (шилжсэн утга) ажил алба эрхлэх, хаах алба хаших (албан үүрэг гүйцэтгэх) (шилжсэн утга) шахах, хавчих буланд хаших (буланд шахах),
хашрах [үйл үг]
бие, сэтгэлээр үзэж өнгөрүүлсний дараа дахин халдан үйлдэж чадахгүй болох, хэрсүүжих хал амсаж зүрх үхэх хашрах залхах (хоршоо үг) (ихэд шантрах, хал амсаж зүрх үхэх), хашир хүн гэж хаширсан хүнийг хэлдэг (зүйр үг) (бие, сэтгэлээр уг зүйлийг мэдэрсэн хүн туршлага ихтэй байдаг) ихэд айж зүрх үхэх.
хаяавчлах [үйл үг]
хаяавч татах.
хаяалах [үйл үг]
юмны хаяагаар явах уул хаяалах (уулын хажуугаар явах) юмны ярагдаж захлах будан хаяалах (будан сөхөгдөх, будан сарних), үүл хаяалах (үүл ярагдах) (шилжсэн утга) юмны мөн чанар нь илрэх муугаа хаяалах (муухай зангаа мэдэгдэж эхлэх).
хаяалдах [үйл үг]
үүл манан холдох, тэнгэрийн хаяа руу одох будан хаяалдах (будан сарнин холдох), тэнгэрийн дуу хаяалдах (тэнгэрийн дуу холдох) зэргэлдээ орших айл хаялдаж буух (айлтай зэрэгцэж буух) юмны зах, хөвөөг дагаж явах мод хаяалдах (модны захаар явах, модны захыг барин явах).
хаяарах [үйл үг]
хаяа гарах, гэгээ орох үүр хаяарах (үүр цайж эхлэх) тэнгэрийн хаяа шуугдах, сөхөгдөх тэнгэр хаярах (их үүл сарниж тэнгэрийн хаяанаас гэгээ татах).
хаягдах [үйл үг]
гээгдэх, орхигдох гээгдэн хаягдах (орхигдох) хаягдаж магадгүй, болгоомжил (сайн болгоомжтой байхгүй бол гээгдэж магадгүй), машинаас хаягдан үлдэв (машинд сууж амжилгүй үлдэх), үнсэнд хаягдсан шалз шиг (бусдын анхаарлаас гадна үлдэх, хоцрох) (шилжсэн утга) гэр бүлийн хүн нь орхиж явах, хань ижилдээ гологдох нөхөртөө хаягдах (нөхөр нь салаад явах).
хаяглах [үйл үг]
хаяг бичих хаягтай болгох захидал хаяглах (захидлын очих болон илгээсэн хүний нэр хаягийг дугтуйн дээр бичих).
хаяглах [үйл үг]
нохой зэрэг амьтан, юман дээр сариад шээсээ булах гэсэн мэт хойд хоёр хөлөөрөө шороо маажлан сацлах нохой хаяглах (нохой шороо маажлах).
хаяглах [үйл үг]
дургүйцэн аяглах, үглэх, зэмлэх аяглах хаяглах (хоршоо үг) (бусдад дургүйцнээ илэрхийлэн янз бүрийн ааш аяг гаргах).
хаялах [үйл үг]
цас зэрэг хур тунадас бага хэмжээгээр зөөлөн орох цас хаялах (цас бага багаар орох, будрах) толгой, гар, хөлөө байн байн шидэж явах хаялсан алхаа (хурдан алхаа), хөлөө хаялах (хөлөө урагш хойш шидлэх), толгой хаялах (а.морь мал толгойгоо дээш доош болгон хөдөлгөх б.морь мал ялаархах) энд тэнд хаях тамхины иш хаялах (татсан тамхиныхаа ишийг энд тэнд хаях), нааш цааш хаялах (нааш цааш шидлэх), оч хаялах (галын оч энд тэнд үсрэх).
хаянцах [үйл үг]
хоёр бөх барилдаж нэг зэрэг унах хаянцсан хоёр бөх (зэрэг унасан хоёр бөх) шатар, мягман зэрэг тоглоомоор наадахад хэн хэн нь хожилгүй болж тэнцэх.
хаярах [үйл үг]
ингэн тэмээ бууранд гарч боос болох ингэ хаярах (ингэ бууранд гарч хээлтэй болох).
хаяурдах [үйл үг]
онгоцыг хаяураар сэлж явуулах хаяур хаях, сэлүүрдэх.
хаях [үйл үг]
шидэх, чулуудах, орхих хог хаях (хог асгах), бугуйл, уурга хаях (бугуйл шидэх, бугуйлдах), гаргаж хаях (гадагш гаргах, чулуудах), гувчуур хаях (өөш шидэх), доош хаях (доош хандуулан шидэх), зэвсгээ хаях (а.дайныг эсэргүүцэх б.бууж өгөх), мөрөн дээрээ хаях (мөрөн дээрээ тавих), оч хаях (бага зэрэг галын цог үсрэх), түрс хаях (загас түрс гаргах), хахууль хаях (хахууль өгөх), цүү хаях (тоглоом) (шөнийн цагт цагаан мод чулуудаж хайж олж наадах), чулуу хаях (чулуу шидэх), шоо хаях (шоо буулгах), шүлсээ хаях (шүлсээ нулимах), энд тэнд хаях (энд тэнд орхих), сээтэн хаях (сэтгэлд таалагдсан хүнээ өөрт татахын тулд элдэв ааш маяг гаргах) үг хаях (гоморхож егөөдсөн үг хэлэх, тунирхах), яс хаях (хоёр этгээдийн хооронд үймүүлж өдөөх), өгөөш хаях (бусдыг өөрийн башир аргандаа оруулахаар хуурах, арга заль зохиох), өөд нь хаясан чулуу өөрийн толгой дээр (цэцэн үг) (хийсэн хэргийнхээ горыг нь амсах) гээх, гээгдүүлэх түрийвчтэй мөнгөө хаях (түрийвчтэй мөнгөө гээх), түлхүүрээ хаях (түлхүүрээ гээх) орхих, оорох, болих, тэвчих ажил хаях (ажлаа орхих), гэр бүлээ хаях (гэр бүлийн хүмүүсээ орхин явах), тамхиа хаях (тамхиа орхих, тамхи татахаа болих), сургуулиа хаях (хичээл сургуулиа орхих, сургуулиасаа гарах) хээл орхих, дутуу төрөх гүү унагаа хаях (гүү хээл орхих, унагаа дутуу гаргах), үнээ тугалаа хаях (үнээ хээл орхих) дийлэх, унагаах учраа бөхөө хаях (учраа бөхөө унагаах) (шилжсэн утга) хөл гараа савлах гараа хаях (гараа савлах, сажих).
хиаглах [үйл үг]
харцгай, хяргуй зэрэг шувуу хиаг хиаг гэж дуугарах.
хиаглах [үйл үг]
малыг хиаг өвстэй газар бэлчээрлүүлэх.
хиадах [үйл үг]
ачаа бараа далжийн хазайх.
хиазлах [үйл үг]
юмны зах хөвөөгөөр явах, захлан явах хиаз хийх.