Үйл үг
тарвах [үйл үг]
устгах, устган сөнөөх, үгүй хийх.
тарвих [үйл үг]
хацар нь унжийх.
таргадах [үйл үг]
зохимжтой хэмжээнээс илүү тарган байх, хэтэрхий тарган болох, тарганы учир тохиромжгүйдэх.
таргалах [үйл үг]
тарган болох, мах мариа нэмэгдэх ихэд таргалах (маш их тарган болох, маш их бүдүүрэх), мал таргалах (мал тарга суух), хүн таргалах (хүний биед өөхний эд илүүдэж хуримтлагдах), өөхлөх таргалах (хоршоо үг) (өөх сууж тарган болох), таргалахад ташуур,
тардах [үйл үг]
мал амьтан доройтох, тар тэнхээ муутай болох, таргүй болох.
таржигнах [үйл үг]
хатуу юмны харшилдан дуугарах.
тариалах [үйл үг]
тариа тарих, тариалангийн үйлдвэрлэл явуулах тариалах хугацаа (тариа, ногоо тарих хугацаа), тариалах газар (тариа ногоо тарих газар).
тарималжих [үйл үг]
тарималтай болох.
тарималших [үйл үг]
таримал шинжтэй болох.
тарих [үйл үг]
ургамал буюу ургамлын үрийг ургуулахаар хөрсөнд суулгах, булах тарих газар (тариа ногоо ургуулах газар), мод тарих (мод суулгаж, арчлан ургуулах), ногоо тарих (ногоо ургуулах), тариа тарих (тариа ургуулах), тарьснаас ургана, ургаснаас авна (зүйр үг) (ажил хийвэл үр дүн нь заавал гардаг), тарих амуугүй атлаа, бялзуухайд идүүлэх амуутай (зүйр үг) (тариа ногоогоо арчилдаггүй, арчаагүй залхуу) (шилжсэн утга) зовлон бэрхшээл, бүтэлгүй хэрэг төвөг дэгдээх, үүсгэх гай тарих (бусдад хэрэг төвөг удах), зовлон тарих (зовлон үүсгэх), хэрэг тарих (хэрэг төвөг өдөөх), зовлонгийн үрийг тарих (гай зовлон удах), хэрүүл тарих (хэрүүл гаргах, хэрүүл өдөөх), хэрүүл шуугиан тарих (хэрүүл шуугиан гаргах), үймээн шуугиан тарих (хүн амьтны амгалан тайван байдлыг алдагдуулж дэггүйтэх, сахилгагүйтэх), мундраа тарих (шившигтэй зүйл хийсэн нь олонд мэдэгдэх, шившигт явдал нь илрэх) (шилжсэн утга) халдвар тараах, халдварлуулах өвчин тарих (өвчин тараах).
тарих [үйл үг]
шингэн эмийн зүйлийг зүү бүхий тариураар арьс махны завсар болон судас, булчинд хийх, шахах витамин тарих (булчинд зүү тариураар витамин шахах), вакцин тарих (зүү тариураар хүн, амьтны биед вакцин шахах).
тарландах [үйл үг]
хэтэрхий тарлан болох, дэндүү тарлан учир тохиромжгүйдэх.
тарлантах [үйл үг]
тарлан болох, эрээн цоохор болох уулын өвөр тарлантах (уулын өврийн цас алаг цоог хайлах) (шилжсэн утга) хувцас, эд хэрэглэл бохирдох, заваарах.
тарлах [үйл үг]
хүн, амьтны тартай, тамир тэнхээтэй болох.
тарлах [үйл үг]
уралдах морины амьсгааг задалж хурд нэмэх, огцом хөдөлгөөнд хөлний ээдрээ гаргах зорилгоор ойр давхиулах, үсэргэх морь тарлах (уралдааны морьдыг наадамд бэлтгэн ойрхон зайд уралдуулах).
тарлах [үйл үг]
аливаа юмны ерөнхий төлөвийг зураглан гаргах, хэлэх, төлөвлөх, тэрлэх бичиж тарлах (тухайн зүйлийг ерөнхий төлөвийн талаар бичгээр төлөвлөх), тарлах тэрлэх (хоршоо үг) (юмыг ерөнхийлөн зураглах, төлөвлөх).
тарлах [үйл үг]
хүн, амьтан өөхлөх, таргалах, бүдүүрэх, махлах.
тармагдах [үйл үг]
хэтэрхий тармаг, сийрэг, тархай болох, дэндүү тармаг учир
тармагдах [үйл үг]
тармах үйлд өртөх, тармуурт орж хамагдах.
тармайх [үйл үг]
ажиггүй дүр үзүүлэх.