Үйл үг
сагсрах [үйл үг]
ёс журамгүй аашлан түйвээх сагсран хашгирах (санаан зоргоороо хашгичин, олныг түйвээх), агсрах сагсрах (хоршоо үг) (агсан согтуу тавих, агсамнах).
сагсуудах [үйл үг]
сагсуу зан нь дэндэх, хэтэрхий сагсуу зантай учир тохиромж гүйдэх.
сагсуурах [үйл үг]
сагсуу зан гаргах сагсууран уурлах (бардамнан загнах), сагсууран давхих (хөөрцөглөн давхих), биеэ тоон сагсуурах (биеэ тоож хөөрцөглөх), сагсуурч байгаад осолдоно, сандайлж байгаад ойчно (зүйр үг) (сагсуу зан гаргаж байгаад алдах).
сагчих [үйл үг]
шигшүүрээр шигших. сагчуур (нэр үг)шигшүүр, шүүр.
сагших [үйл үг]
сагчих.
садаалах [үйл үг]
хүндрэл бэрхшээл гарах ажил садаалах (ажилд саад учрах).
садаарах [үйл үг]
саад учрах амьдрал садаарах (амьдралд бэрхшээл тохиолдох) удаашрах, саатах ажил садаарах (ажил удаашран саатах), сэтгэл садаарах (сэтгэл саатах).
садаатах [үйл үг]
ажил хэрэгт ямар нэгэн саад бэрхшээл тохиолдох садаатан суух (саад гарах), машин садаатах (машин эвдрэх).
садагнах [үйл үг]
садан төрлийнхөө хүмүүс дундаас илүү их дотночлон үзэх, хандах.
садансах [үйл үг]
садан төрлөө мөрөөдөх садансах сэтгэл (садан төрлийн хүмүүсээ санан дурсах сэтгэл), садансан амьдрах (садан төрлийнхөө хүмүүсийг санан дурсаж амьдрах) садан төрлөө мэдэлцэж дотночлох.
садардах [үйл үг]
садар самуун явдал нь хэтрэх.
садарлах [үйл үг]
садар самуун явдалд автагдах, завхайрах садарлан зугаалах (садар самуун хэрэг хийх), садарлан наадах (садар самуун явдалдаа цэнгэн баясах), садарлан явах (ужид самуун явдал үйлдэх).
садархах [үйл үг]
садан төрлийн холбоогоороо түрий барин дотносохыг оролдох, бахархах төрхөмд садархах (хамаатан садан гэдгээрээ бахархан дотносох). садвис (нэр үг)зурхай сарны зурхайн ёсны хорин найман одны нэг.
садгадах [үйл үг]
садрах.
садгалах [үйл үг]
садга болох ажил садгалах (ажилд саад тотгор учрах).
садганах [үйл үг]
дур зоргоороо аашлан, тавтиргүй загнах садганан аашлах (өөрийн дураар аашлах), садганан уурлах (тавтиргүй зан авир гарган уурлах).
садганах [үйл үг]
шингэн, үйрмэг зүйлийн садран асгарах.
садгатах [үйл үг]
садаа тотгор учрах, садгалах.
садрах [үйл үг]
шингэн, үйрмэг зүйлийн олгойдон гоожих, олон тийшээ гэнэт асгарах ус садрах (ус олгойдох), цус садрах (цус гэнэт асгарах), шүүс садрах (шүүс годгодон гарах), салаагаар садрах (салаан завсраар урсах).
садрах [үйл үг]
ямар нэгэн зүйлийн салж бутрах үс садрах (үс тал тал тийшээ арзайн бутрах), салах садрах (хоршоо үг) (зүг бүрт тархах).