Нэр үг
туруу [нэр үг]
бараа туруу (хоршоо үг) (а.ачаа бараа, эд хогшил б.үзэгдэх дүр, сураг чимээ), бараа
туруутан [нэр үг]
хос туруу бүхий амьтны ерөнхий нэр ац туруутан (хос туруутай амьтан).
турхаг хуучир. [нэр үг]
өдрийн манаа хийж, их хааны орд өргөөг хамгаалах үүрэгтэй харуул, шадар хамгаалагч.
турхирал [нэр үг]
турхирах үйлийн (нэр үг)
турхирлага [нэр үг]
турхирах үйлийн (нэр үг)
туршигч [нэр үг]
турших үйлийг хийгч, туршилт хийгч.
туршил [нэр үг]
турших үйлийн нэр, туршилт туршил авай зүй (хэл шинжлэл)(авиаг төрөл бүрийн багаж хэрэгслээр судлах арга) туршлын зураг төсөл (туршилтын зураг), туршил дадал (хоршоо үг) (ямар нэгэн зүйлийг хийх ородлого, турших ажиллагаа), туршил оролдлого (хоршоо үг) (оролдлого сорилт).
туршилт [нэр үг]
турших үйлийн нэр, турших ажиллагаа туршилт хийх (турших ажиллагаа хийх), туршилтыг зогсоох (турших ажиллагааг дуусах), туршилтын нислэг (дадлагын нислэг, туршин үзэх нислэг), туршилтын талбай (туршилт хийх талбай), туршилтын хугацаа (туршин үзэх, дадлага хийх хугацаа), газар доорх туршилт (газар доорх турших ажиллагаа), цөмийн зэвсгийн туршилт (цөмийн зэвсгийн турших ажиллагаа) сорилт
туршиц [нэр үг]
туршилт.
туршлага [нэр үг]
ажил, амьдралын явцад олсон мэдлэг, чадвар, дадал туршлага дутах (мэдлэг чадвар дутах), туршлага солилцох (мэддэг чаддагаа харилцан бие биедээ заах), туршлага ихтэй (туршлага ихтэй, мэдлэг чадвар сайтай), ажлын туршлага (ажиллах явцдаа хуримтлуулсан мэдлэг чадвар, дадал), амьдралын туршлага (амьдралаас олж авсан мэдлэг, чадвар), гашуун туршлага (ажил, амьдралд алдаж олж авсан мэдлэг, чадвар), туршлага дадлагададлага туршлага (хоршоо үг) (ажил хэргийг хийж гүйцэтгэх оролдлого, түүнээс олж явсан чадвар), мэдлэг туршлага (хоршоо үг) (ажил амьдралаас олж авсан мэдлэг болон түүнийг хэрэглэх чадвар), дадал туршлага (хоршоо үг) (дадлага туршлага) шинжлэн судлах зорилгоор ямар нэг үзэгдэл, юмсыг турших нь туршлага хийх (болох эсэхийг сорьж үзэх), туршлагын станц (шинжлэн судлах газар), туршлагын талбай (туршлага хийх талбай), химийн туршлага (химийн бодосыг задлах, нийлүүлэх зэргээр элдэв урвал явуулах ажиллагаа), завдлага туршлага (хоршоо үг) (оролдлого, сорилт), туршлагын туулай болох (ямар нэг ажил үйл, туршлагын анхдагч болох).
туршуур [нэр үг]
туршуур гуурс хуучир. (талхны дэлгүүр зэрэгт тариа хэмжих хутгуур, хэмжих гуурс).
турь [нэр үг]
бие, тамир, тэнхээ турь муутай (бие муутай, чадал тэнхээ муутай).
тус [нэр үг]
ая, дэм, нэмэр, ашиг, ач тус болох (дэм болох, нэмэр болох), тус үзүүлэх (а.дэмнэх, нэмэр болох, дэмжих б.үр ашиг өгөх), тус сахих (дундыг баримтлах, төвийг сахих), тус сахих газар хуучир. (хариуцсан харуулын байр), тус сахих цэрэг (хилийн харуул) тусад орох (хүүхэд, ойр зуурын ажил хийж сурах), нийтийн тусыг хичээх (нийтийн эрх ашгийг илүү эрхэмлэх), нийтийн тусын тулд (нийтийн төлөө, нийтэд зориулан), хувийн ашиг тусыг хамгаалах (зөвхөн өөрийн хар амиа бодох), ач тус (хоршоо үг) (тус нэмэр), ашиг тус (хоршоо үг) (а.ашиг орлого б.эрх ашиг), ашиг тусаа өгөх (нэмэр болох, орлого оруулах), тус дөхөм (хоршоо үг) (нэмэр хандив, дэмжлэг), ашиг тусыг хамгаалах (тухайн хүн, албан байгууллага, улс орны эрх ашгийг хамгаалах), тус дэм (хоршоо үг) (бие биедээ өгөх туслалцаа), тус дэмжлэг (хоршоо үг) (тус дэм), тус нэмэр (хоршоо үг) (нэмэр хандив, туслалцаа, тусламж дэмжлэг), тус нэмэр болох (дэм болох), тус тулх (хоршоо үг) (тус нэмэр), тус түлхэц (хоршоо үг) (тус дэм), тустай бол тулмаар дүүрэн ч яахав (зүйр үг) (хэрэгтэй зүйл илүүдэхгүй),
тусагдахуун [нэр үг]
тусах үйлэнд өртөж буй зүйл (хэл шинжлэл)өгүүлбэрийн гол бус гишүүн.
тусал [нэр үг]
тусах үйлийн (нэр үг)
тусалга [нэр үг]
тусал.
тусац [нэр үг]
тусах хэмжээ сумны тусац (сумны тусах хэмжээ), нарны тусац (нарны тусах хэмжээ).
тусгаарлагч [нэр үг]
тусгаарлах үйлийг гүйцэтгэгч салан тусгаарлагч (салангид тусдаа бие даах үзэлтэн), тусгаарлагч хийх (тусгаарлах зүйл хийх), тусгаарлагч тууз (бүрээслэх тууз, тусгаарлуур тууз), цахилгааны тусгаарлагч (цахилгааны гүйдлийг тусгаарлах зүйл).
тусгаарлал [нэр үг]
тусгаарлах үйлийн (нэр үг)
тусгаарлуур [нэр үг]
тусгаарлах хэрэгсэл, тусгаарлагч цахилгааны тусгаарлуур (цахилгаан гүйдлийг үл нэвтрүүлэх зүйлс).