Нэр үг
туулайчин [нэр үг]
туулай маллагч.
туулан [нэр үг]
таван настай мал, амьтан
туулбар [нэр үг]
дотор заслын туулга.
туулга [нэр үг]
унаа туулга (хоршоо үг) (а.уналганд хэрэглэх мал б.машин тэрэг).
туулга [нэр үг]
гэр байшингийн дундуур нэвт гарах хоёр талдаа хаалгатай гудам.
туулга [нэр үг]
(мал эмнэлгийн нэр томьёо) ууж доош суулгах эмийн зүйл туулга уух (суулгах эм уух), малд туулга өгөх (малд туулгах эм өгөн элдэв шимэгч хорхойноос нь салгах), давсан туулга (давсаар хийсэн туулгах эм), тосон туулга (тосоор хийсэн туулгах эм).
туулгатай [нэр үг]
туулгатай гэр хуучир. хоёр талдаа үүдтэй гэр.
туулжин [нэр үг]
таван настай мал, амьтан
туульч [нэр үг]
тууль хайлдаг хүн алдартай туульч (нэр алдар нь олонд түгсэн тууль хайлагч).
туур [нэр үг]
аливаа мал гөрөөсний элгэнд хадаж ургасан нимгэн мах.
туур [нэр үг]
зарим дэлэнт амьтны хөлийн газар гишгэх хэсгийн эвэрлэг хатуу бүрхүүл.
туур [нэр үг]
лам нарын гомшоо малгай.
туураг [нэр үг]
махны шүүсийг хандалж хийсэн ж(ангийн нэр томьёо)
туурай [нэр үг]
мал адгуусны хөлийн газарт гишгэх хэсгийн эвэрлэг бүрхүүл адууны туурай (адууны хөлийн үзүүр хэсэг, тавхай), хомбон туурай (хумбагар туурай), цомбон туурай (цомбогор туурай), туурай тамга (морины туурайн хэлбэртэй малын тамга), цомбон туурай (цомбогор туурай), туурайн зуд (мал хэт олширч, бэлчээр эвдрэх гамшиг), туурай сунах (малын туурай буур элэгдэж хэлбэр алдах, дутуу буруу хөгжлөөс шалтгаалан үүсэх өвчин), туурай ханзрах (малын өвс тэжээлд элдэв эрдэс дутагдсанаас шалтгаалан үүсдэг өвчин), туурай ялзрах (ялзруулагч нягаар үүсдэг туурайн халдварт өвчин), туурайн магнай хатгах (туурайн магнайг голлуулан тагалцагны өмнөх судсыг хатгаж адууны туурайн зарим өвчнийг эмчлэх ардын мал эмнэлгийн арга) ул туурай (хоршоо үг) (мал, амьтны хөлийн үзүүр хэсэг), туурайг нь хатаах (өмнөхийн мөрөөр орох, муу талыг нь дууриах), туурайдаа тоосгүй (маш хурдан), ногоон хурганы арьс, нохойн битүү туурайнаас бусад нь (цэцэн үг) (бүх төрлийн бараа таваар элбэг байх).
туурай [нэр үг]
монгол дээлийн нударга.
туурайтан [нэр үг]
туурай бүхий дэлэнтэн ангийн нэг баг, олон зүйл амьтад.
тууралт [нэр үг]
туурах үйлийн үр дүнг заасан нэр арьс, салст дээр гарсан олон жижиг толбо, гүвдрүү, цэврүү.
тууран [нэр үг]
ширээстэй дугуйвтар шар оройтой, өргөн шар бүстэй, хилэн хүрээгээр сувд чимэгтэй бичгийн хүний малгай.
туурвил [нэр үг]
туурвих үйлийн нэр, ажил хэргийн эхлэл, үүсгэл, шийдвэрлэл эхэлсэн ажил бүтээл, ном зохиол зэргийн дуусгавар, төгсгөл их туурвил (агуу бүтээл), бүтээл
туурга [нэр үг]
гэр, асар, цацрын хажуу талаар нөмөргөн бүтээх эсгий, бөс гэрийн туурга нөмөргөх (гэрийг туургатай болгох), эсгий туурга (эсгийгээр хийсэн туурга), адар туурга (хоршоо үг) (байшингийн дотоод дээвэр болон хана), туурга тусгаарлах (а.айл гэр болох, өрх тусгаарлан тусдаа гарах б.тусгаар тогтнолоо олох), туурга тусдаа бол тусын дайсан (зүйр үг) (туурга тусгаарласан л бол бүх юм тусдаа) байшин барилгын хажуу этгээдийн хана байшингийн туурга (байшингийн хана), туурган хивс (хананд чимэглэн хадахад зориулсан зураг, хээ бүхий хивс), туурганы зураг (ханын чимэглэл), туурганы ширээ (хананд наан байрлуулах урт ширээ), хана туурга (хоршоо үг) (байшин барилгын хажуу тал).