Нэр үг

таталцал [нэр үг] таталцах үйлийн нэр материйн бүх хэлбэрт түгээмэл байдаг харилцан үйлчлэл таталцлын орон (таталцлын хүч үйлчилж байгаа огторгуйн хэсэг).
татам [нэр үг] шар усны болон үер борооны үед усаар дүүрдэг гол мөрний хөндийн хэсэг татмын нуга (хаялга даацын усаар тэжээгддэг ургамалжилтай татмын хэсэг).
татам [нэр үг] автомашины суудлын хамгаалах бүс.
татанга [нэр үг] цүгцэргийн ёроолын угалз.
татанга [нэр үг] авдар, шүүгээ зэргийн таг, шургуулгыг татах хэл.
татанги [нэр үг] арай дутуу, мөчид татуу (шилжсэн утга) эд юмандаа харам, өглөгч биш, харамч татанги гартай хүн (харамч хүн) бие эрхтэн нь татсан хөгжлийн бэрхшээлтэй.
татанхай [нэр үг] татанхай шаваг (ургамал судлал) (нэгэн зүйл давжаа шарилж).
татарь [нэр үг] татвар татвар татарь (хоршоо үг) (албанд тухайн байгууллага хувь хүний орлогоос хурааж татаж авах юм).
татац [нэр үг] татах хүчний хэмжээ.
таташ [нэр үг] жижиглэж хөшиглөсөн зүйл таташ идэх (татаж жижиглэсэн зүйл идэх), махан таташ (жижиглэн хөшиглөсөн мах).
таташ [нэр үг] морь малын харайлга буюу нэг гишгэдлээс дараагийн гишгэдэл хүртэлх зай таташ сайтай (харайлга сайтай, хол харайдаг), таташ холтой (харайлга холтой).
татвар [нэр үг] татварлаж авах зүйл, оноож авах зүйл татвар авах (ямарваа ашиг орлогоос татаас авах), татвар ноогдуулах (тухайн зүйлийг үнэд тохирох татаасыг нь оноож өгөх), татвар тогтоох (ямарваа ашиг орлогод тохирсон татаас оноох), татвар хураалгах (татаасаа өгөх), татвар эм хуучир. (авааль эхнэрийн дараа ураг холбосон эм, бага эхнэр), татвар төлөгч (татвар төлж буй этгээд), татвар хураагч (татвар хураан авагч) татварын дарамт (ард түмний ахуй амьдрал, үйл ажиллагаанд хүндрэл учруулах бодот бус татварын тогтолцоо), татварын орлого (татварлаж авсан мөнгө болон эд зүйл), татварын хууль (татварлан авах тухай гаргасан хууль), албан татвар (ард иргэдээс улсад гувчуурлан авах зүйл), ашгийн татвар (ашгаас авбал зохих татаас), гишүүний татвар (аль нэг нам эвсэл, олон нийтийн байгууллагын гишүүдээс авах гишүүнчлэлийн мөнгө), тэгшитгэсэн татвар (адилтгасан татаас), гааль татвар (хоршоо үг) (улсын хилээр орж байгаа зүйлээс хувь бодож татварлаж авах зүйл), татвар хураамж (хоршоо үг) (алив нэг орлогоос өгвөл зохих мөнгөн хувь), алба татвар (хоршоо үг) (албанд төлбөл зохих мөнгөн хувь энгийн ардаас харьяат засаг ноёнд, ноёноос хаанд биеэр болон эд хөрөнгөөр төлж, гүйцэтгэж байсан алба), татвар гувчуур (хоршоо үг) (алба татвар), татвар түрээс (хоршоо үг) (бусдад өгвөл зохих төлбөр).
татвар [нэр үг] цус холилдсон мал татвар мал (цус холилдсон мал).
татварлагч [нэр үг] татвар авагч.
татварч [нэр үг] татвар цуглуулагч.
татгал [нэр үг] ялгал татгалын тоо (ялгаварт тоо).
татгалзаа [нэр үг] татгалзах явдал татгалзвар татгалзаа түдгэлзээ (хоршоо үг) (дэмжихгүй гэдгээ илэрхийлсэн нь).
татгалзал [нэр үг] татгалзах үйлийн нэр, татгалзаа татгалзал хийх (татгалзах).
татлаа [нэр үг] татах зүйл, саад, бэрхшээл татлаа болох (ажил хэрэгт саад болох) татлаа
татлаан [нэр үг] татлаа.
Зөвшөөрч байна Татгалзаж байна

Нээлттэй мэдээллийн сан www.opendatalab.mn цахим хуудсыг ашиглах, мэдээлэл хайх, түгээх хэн бүхэн доорх нөхцөлийг хүлээн зөвшөөрсний үндсэн дээр үйлчилгээ авах эрхтэй.

  1. Хуульд зааснаар төрийн болон орон нутгийн өмчийн хуулийн этгээд, бусад нийтийн эрх зүйн хуулийн этгээдээс олон нийтэд нээлттэй байршуулсан мэдээллийг иргэд, олон нийт үнэн зөв гэж үзэх эрхтэй. Иймд тухайн мэдээллийг мэдээллийн сан, түүнийг хариуцагч Бодлогод залуусын хяналт ТББ болон системийн ашиглалтыг хариуцсан аливаа хувь хүний байр суурь гэж үзэхгүй ба анхдагч эх сурвалжаас хүлээн авсан мэдээллийн үнэн зөв эсэх, тухай мэдээллийн талаар аливаа хууль эрх зүйн маргаан байгаа эсэхэд мэдээллийн сан хариуцлага хүлээхгүй.
  2. Мэдээллийн сан нь техникийн нөхцөл, боломжоос шалтгаалан тодорхой цаг хугацааны давтамжтайгаар албан ёсны эх сурвалжуудаас мэдээллийг татан авч, тухайн цаг үед үнэн зөвд тооцогдож байсан мэдээллийн түүх үүсгэдэг. Иргэд, олон нийт мэдээллийн санг хэзээ ашиглаж байгаагаас үл хамааран мэдээллийн түүхтэй танилцах эрхтэй тул тус мэдээлэл хуучирсан, эсхүл анхдагч мэдээллийн эх сурвалжаас устгасан, нэвтрэх боломжгүй болсон гэх үндэслэлээр тус мэдээллийн сангаас хасахгүй болно.
  3. Мэдээллийн санг ашиглан мэдээ, сурвалжилга бэлтгэх болон олон нийтэд түгээх бүхий л этгээд мэдээллийн санд хадгалагдаж буй өнгөрсөн үеийн болон одоогийн мэдээллийн үнэн зөв, хүчинтэй эсэхийг зөвхөн анхдагч эх сурвалж болон түүнийг хариуцагч төрийн эрх бүхий байгууллагаас нягталж шалгах үүрэгтэй.
  4. Энэ үйлчилгээний нөхцөлийн 3-т заасан үүргээ хэрэгжүүлээгүйтэй холбоотойгоор бий болох аливаа эрсдэл, хариуцлагыг зөвхөн тухайн этгээд хариуцах бөгөөд мэдээллийн систем болон түүнд холбогдох этгээдийг аливаа учрах нэхэмжлэл, хариуцлагаас чөлөөлнө.
  5. Тус мэдээллийн сангийн зохиогчийн эрх хуулиар хамгаалагдсан бөгөөд мэдээллийн сангаас боловсруулж хүргэсэн мэдээллийг олон нийтэд дурдах тохиолдолд эх сурвалжийг заах нь оюуны өмчийн эрхийн зөрчил үүсгэхгүй байх үндэслэл болно.