Нэр үг
сааталт [нэр үг]
саатах үйлийн үр дүнг заасан нэр мэдрэлийн сааталт (анагаах ухаан) (мэдрэлийн эрхтний хэвийн үйл ажиллагаа алдагдах нь).
саах [нэр үг]
төлөөс нь салган хариулж байгаа саалийн бог мал саах сувай ялгах (сүрэг доторх саалийн болон сувай малаа ялгах), саах нийлүүлэх (зун цагт саалийн бог малаа саахалт айлын хоньтой хамтад нь бэлчээх), саах тавихсаах зөрүүлэх (саахалтын хоёр айл хурга ишгээ харилцан зөрүүлж, хониндоо нийлүүлэн хариулаад, малаа саасны дараа хурга ишгээ эхтэй нь нийлүүлэх).
саахалт [нэр үг]
саах тавьж болмоор ойрхон буусан айл саахалт айл (зэргэлдээ буусан айл), айл саахалт (хоршоо үг) (ойрхон буусан айлууд, ойр зэргэлдээ), хот саахалт (хоршоо үг) (а.хэд хэдээрээ хамт буусан өрх айл б.хот хороо), айл хүний амь нэг, саахалтын хүний санаа нэг (зүйр үг) (хөрш зэргэлдээ болон ойрхон буусан айлын хүмүүс эв найртай, санаа бодол нэгтэй байдаг) хол ойрын зайг баримжаалах нэгж саахалтын газар (саахалт айлын хоорондох газрын зай), саахалтын хэртэй (газрын хол ойр нь саахалт айлын дайтай), хол саахалтын зай (нэлээд зайтай буусан айлуудын хоорондын зай), саахалтын газраас санаагаа, айлын газраас алхаагаа (цэцэн үг) (урьдаас бэлтгэх), саахалт эхлээрийн арга (төл малыг бэлчээрт гаргалгүй эхтэй нь хамт гэрийн ойролцоох бууцанд сэлгүүлэн маллаж төл бойжуулах нэгэн арга).
саахуу [нэр үг]
дээгүүрээ үл мэдэг нарийссан, дундуураа бүслүүртэй зэс хувин домбо данх саахуу (хоршоо үг) (цай уудлах сав суулга).
сав [нэр үг]
төвдийн дармал бичиг, таталган биш (бичгийн хэлний үг)
сав [нэр үг]
оюун ухааны цар хэмжээ оюуны сав (ой ухааны хэр хэмжээ), эрдмийн сав (а.оюун ухааны цар хүрээ б.номын цүнх), сав сайтай (оюун билиг сайтай), сав муутай (ой ухаан, мэдлэг муутай), сав тэнцүүлэх (эрдэм мэдлэгээ нийгэм, амьдрал ахуйдаа зүй зохистой ашиглах), санаа нь гүйцэж, сав нь дүүрэх (зүйр үг) (санасан нь биелэх, сэтгэл ханах).
сав [нэр үг]
амьгүй бодосын ертөнц, гадаад ертөнц сав ертөнц (амьгүй ертөнц), сав ертөнцийн бодос (дэлхийн бөмбөрцөг дээрх амьгүй бүх бодос), сав шим (хоршоо үг) (а.орчлон дэлхий дээрх амьтай, амьгүй бүх бодос б.(шилжсэн утга) үр шим).
сав [нэр үг]
хүний дотор эрхтний ерөнхий нэр таван сав (элэг, зүрх, бөөр, уушги, дэлүү, таван цул), савны цанх (дотор эрхтэн эвгүйцэх нь) (шилжсэн утга) идсэн зүйлээ шингээх хэр хэмжээ, ходоод.
сав [нэр үг]
юм агуулах, хийхэд зориулсан эдлэл, хэрэглэлийн ерөнхий нэр модон сав (юм агуулах зориулалттай модон эдлэл), төмөр сав (төмрөөр үйлдсэн юм агуулах хэрэглэл), торон сав (юм агуулах сүлжмэл торон хэрэглэл), халуун сав (дотор нь хийж тавьсан зүйлийг халуун хэвээр нь хадгалдаг хоосовч ханатай шилэн сав), бичгийн сав (бичгийн хэрэглэл агуулах эдлэл), сархдын сав (а.айраг, архи хийх эд хэрэглэл б.(ярианы үг, хэллэг) ходоод), саалийн сав (сааль сүү саах, уудлах хувин, торх сэлт), усны сав (ус уудалдаг эдлэл), үнсний сав (тамхины үнс хийх хэрэглэл), хогийн сав (хог хийх зориулалтын сав), хөөрөгний сав (даалин), хоолны сав (а.хоол хийх сав б.үхэг в.(шилжсэн утга) ажилд муу хүн), ёроолгүй сав (а.ёроол байхгүй, цоорхой сав б.(шилжсэн утга) аливаа зүйлд шинжгүй зан гарган шунамхайрах байдал), хүр сав (сүлжмэл сав), савны амсар (савны дээд хэсэг, ирмэг), савны ёроол (савны доод хэсэг), савны нээлхий (савны хавхаг, таглаа), савнаасаа халих (а.савандаа багтахгүй асгарах б.(шилжсэн утга) хийсэн муу үйл нь хэтрэх), сав зэвсэг (хоршоо үг) (ажил үйлд хэрэглэгдэх зүйл), сав суулга (хоршоо үг) (юм агуулах, хийх гал тогооны хэрэглэл), сав
сав [нэр үг]
хөрш, зэргэлдээ орших газар нутаг сав суух (айл зэргэлдээ нутаглах), сав нийлсэн нутаг (хөрш, зэргэлдээ нутаг хошуу), сав нутаг (а.хошуудын нутгийн хил заагийг тогтоон нэрлэсэн нэр б.гол мөрний дагуух газар нутаг), ай сав (хоршоо үг) (тэр хавийн нутаг),
саваа [нэр үг]
юм гөвөх, савах нарийн мод ноосны саваа (унгас ноосыг савахад хэрэглэх нарийн мод), бургасан саваа (юмыг савж гүвэх, цохиход зориулан хийсэн бургасан мод), нойтон саваа (нойтон бургас зэргээр хийсэн нарийн мод), саваа хоёр үзүүртэй, сайн муу ямар ч болж мэднэ (цэцэн үг) (аливаа зүйл хоёр талтай бөгөөд яаж ч эргэж болдог), самбай байгаад залж ирсэн биш, саваа байгаад гуядаж ирсэн биш (зүйр үг) (сайн дураараа ирсэн).
саваа [нэр үг]
хамаарал, холбогдол саваа намаагүй (хамаа намаагүй).
саваадах хуучир. [нэр үг]
эрж хайн олох.
саваг [нэр үг]
сарлагийн омруу, хэвлий дагуу ургасан урт хялгас үс саваг сайтай (сарлаг омруу болон хэвлийдээ үс хялгас ихтэй), саваг үс (сарлагийн хэжлүүрийг дагаж ургасан болон биеийн бусад хэсгийн үс хялгас), саваг сүүл (хоршоо үг) (сарлагийн омруу, хэвлийг бүрхсэн болон сүүлний урт үс хялгас).
саваг [нэр үг]
саваа.
савалганат [нэр үг]
савалганат хувиланги (ургамал судлал) (иршимбэтэн овгийн олон наст өвс, тогоруун хувиланги).
савалт [нэр үг]
савах үйлийн үр дүнг заасан нэр ноосны савалт (унгас ноосыг цохиж сэмлэсэн нь).
саван [нэр үг]
тосны дээд хүчлийг шүлтүүлж хийсэн, усанд уусаж хөөсрөхдөө амархан, хатуу, шингэн нялцгай байдалтай, хир буртаг арилгах ариун цэврийн хэрэглэл шингэн саван (гар нүүр, бие угаах зориулалтын шингэн хэрэглэл), барааны саван (хувцас хунар угаахад хэрэглэдэг шахмал бүтээгдэхүүн), нүүр гарын саван (нүүр гар угаах ариун цэврийн хэрэглэл), сахлын саван (сахал хусахад хэрэглэдэг саван), савангийн хөөс (саван уусгасан шингэн зүйлийн дотор хий орсноос дээгүүр нь хөвөх цэврүү), саван шахах (саван үйлдвэрлэх), алчуур саван (хоршоо үг) (хир буртаг арилгах болон ус арчих хэрэглэл), оо саван (хоршоо үг) (шүд болон хир буртаг угаах зориулалтын хэрэглэл), савангийн хөөс шиг замхрах (юу ч үгүй болох).
савар [нэр үг]
аргал хомоол зэргийг түүх, өвс бөөгнүүлэх зэрэгт хэрэглэдэг олон хуруу, салаатай хамах хэрэгсэл модон савар (модоор хийсэн хамах хэрэгсэл), төмөр савар (төмрөөр хийсэн хамах хэрэгсэл), таван салаатай савар (таван ширхэг салаалсан хуруутай хамах эд), савраар хамах (ямар нэгэн зүйлийг савраар бөөгнүүлэн овоолох), савар матах (хоёроос дээш салааг ишинд нь бэхлэн аргал хомоол түүх зориулалтын багаж хийх), араг
савиа [нэр үг]
савхи.