Нэр үг
саалтуур [нэр үг]
мал саах зориулалтын тусгай төхөөрөмж саалтуураар саах (малаа зориулалтын цахилгаан төхөөрөмжөөр саах).
сааль [нэр үг]
сүү, цагаан идээний ерөнхий нэр сааль авах (сүүгээ боловсруулан, цагаан идээ бэлтгэх), сааль саах (үнээ, малаа саах), сааль дэлгэрэх (мал сүү орж цагаан идээ элбэг болох), саалийн үнэр ханхлах (сүү, цагаан идээний үнэр үнэртэх), оройн саалинд гарах (малаа оройн цагаар саах), сааль хураах (үхэр, мал саан цагаан идээ базааж авах), саалийн хувин (мал саахад хэрэглэдэг сав), саалийн цаг (а.мал саах үе б.мал сүү орж, идээ цагаа элбэгших зун цаг), саалийн архи (айраг, таргаар нэрж гаргасан архи, шимийн архи), саалийн аварга (их сүү сааж түрүүлсэн хүн), сааль идээ (хоршоо үг) (цагаан идээ), сааль сүү (хоршоо үг) (сүү, цагаан идээ), сааль саам (хоршоо үг) (гүү болон бусад малын сүү), сааль шим (хоршоо үг) (сүү, сааль), саалиа зэхэхээр саваа зэх (цэцэн үг) (үйл ажлыг зөв дарааллаар хийх нь чухал) саадаг мал сааль олонтой (саах мал ихтэй), саалийн мал (сааж сүүг нь авдаг эх мал), саалийн үнээ (а.саадаг үнээ б.(шилжсэн утга) төсөвт ихээхэн хэмжээний ашиг орлого оруулдаг улсын байгууллага, аж ахуйн нэгж зэрэг), саалийн гүү (а.унагатай гүү б.саамыг нь авдаг гүү).
сааль [нэр үг]
хулгавч нумтай адил оньс торгож, шижим уяад гөрөөсний явах замд тавих агнуурын зэвсэг, урхи сааль бэхлэх (сааль зүүх, тавих), сааль зүүх (сааль тавих), сааль тавих (амьтныг агнах нэгэн зүйл хэрэгсэл тавих), сааль эргэх (саалинд ан орсон эсэхийг шалгах), сааль занга (хоршоо үг) (ан амьтны явах зам дээр тавьсан агнуурын хэрэгсэл).
сааль [нэр үг]
хуучир. хуримын өмнө хүргэний талаас хүүхний талд өгдөг мал хуримын бэлэг, сүй.
саальчин [нэр үг]
мал саах хүн залуу саальчин (мал саах ажил эрхэлсэн нас залуу хүн).
саам [нэр үг]
малын сүүний ерөнхий нэр саам алдах (ямар нэгэн шалтгааны улмаас малаа саалгүй өнгөрөх), саам сүү (хоршоо үг) (малын сүү) гүүний түүхий сүү саам арвин (саасан сүү их), айраг саам (гүүний исгэсэн ба түүхий сүү), сааль саам (хоршоо үг) (гүү болон бусад малын сүү) нэг удаагийн саалгын сүү бүтэн саам (нэг удаагийн саалгын бүх сүү), оройн саам (оройн цагт саах сүү, оройн саалга), өглөө оройн саам (өглөө, оройд сааж авах сүү), саам болох (гүү саах цаг болох).
саам [нэр үг]
нэгэн үндэстний нэр саам хэл (финугор хэлний бүлэгт хамаарагдах нэгэн хэл).
саам [нэр үг]
арга мэх, сүйхээ арга саам (хоршоо үг) (а.үйл явдал, ажил хэргийг удаашруулах, алдагдуулах элдэв шалтаг, цаг нөхцөөх байдал б.ажил хэргийг хийж гүйцэтгэх боломж, сүйхээ), арга саам заах (аливаа зүйлээс амархан мултрах арга мэх зааж өгөх), арга саам хайх (а.тухайн ажил үйлээс зайлсхийх арга эрэх б.ямар нэгэн зүйлд өөрийгөө буруугүй хэмээн нотлох), арга саам хэлэх (элдэв арга заль хэлж ажлаас хойш суух).
саар [нэр үг]
аар саар (хоршоо үг) бага сага, яль шальгүй, ойр зуур аар саар ажил (ойр зуурын ажил төрөл), аар саар юм (ойр зуур хэрэглэгдэх бага зэрэг зүйл), аар саар зүйл (а.яль шальгүй зүйл) б.хэрэгтэй хэрэггүй, дэмий), аар саар юм ярилцах (хэрэгтэй, хэрэггүй, ойр зуурын зүйл ярилцах), аар саар үг (ойр зуурын дэмий үг яриа).
саарай [нэр үг]
саарай буурай (хоршоо үг) (а.дорой, яданги б.цөөн, бага).
саарий [нэр үг]
биеэ ороож нэг захыг мөрөн дээгүүрээ давуулж өмсдөг энэтхэг эмэгтэй хүний хувцас.
саармагжил [нэр үг]
саармагжих үйлийн (нэр үг)
саармагжуулагч [нэр үг]
саармагжуулах тусгай төхөөрөмж.
саармагжуулалт [нэр үг]
саармагжуулах үйлийн үр дүнг заасан нэр хими. хүчил, шүлт хоёрын харилцан үйлчлэлээр усанд уусах ба бага уусах давс үүсгэх химийн урвал.
саармагшил [нэр үг]
саармагших үйлийн (нэр үг)
саархан [нэр үг]
аар саархан (хоршоо үг) (ойр зуурхан, жаал зугаахан, юухан хээхэн) аар саархан ажил (ойр зуурын, бага сага ажил), аар саархан зүйл (ойр зуурын хэрэглээний зүйл).
саарь [нэр үг]
адуу зэрэг амьтны зоо, хондлойн арьс саарь толбот морь (хондлой дээрээ толботой морь) адуу зэрэг амьтны хондлой, зооны арьсыг боловсруулан гаргаж авсан зүйл саарин гутал (адуу малын зооны арьсыг боловсруулан хийсэн гутал) адууны цулгай арьс шир саарь (хоршоо үг) (адуу малын арьс, шир) бог малын боловсруулсан өнгөт арьс хар саарь (бог малын арьсыг боловсруулан хар өнгөтэй болгосон нь), хүж саарь (элдсэн хатуу арьс), саарин гутал (хонь, ямааны арьсыг боловсруулан хийсэн гутал), саарь
саарь [нэр үг]
хүний биеийн арьс хуурайшсанаас тогтсон барсгар, ширүүн хаг гарын саарь (гарын арьс хуурайшиж, ширүүн хаг тогтсон нь), сааринд баригдах (саарь идэх), саарь идэх (арьс хуурайшин, арзайж барсайх), саарь тогтох (арьс хуурайшин хаг бий болох),
саатавч [нэр үг]
барилгын хананд шахаж барьсан, шал дээвэр бүхий дулаалгагүй байр саатавчид хоргодох (барилга, байшингийн хананд тулгаж барьсан дулаалгагүй байранд хоргодон саатах).
саатал [нэр үг]
ямар нэгэн үйл бүтээхэд хүндрэл бэрхшээл гарч, ажил хэрэг удаашрах нь саатал гарах (саад тохиолдох), саатал тохиолдох (ажил хэрэгт саад учрах), онгоцны нислэгийн саатал (онгоцны нислэг ямар нэгэн зүйлээс шалтгаалж түр хойшлогдох нь), техникийн саатал (техник хэрэгсэлд гэмтэл гарч, ажил зогсох нь), саатал гэмтэл (хоршоо үг) (машин, техник зэрэгт гарах эвдрэл).