Нэр үг
өрлөг [нэр үг]
дээд албан тушаалтан болон ихэс дээдсийн хэлсэн үг, зарлиг шийдвэр өрлөг буулгах (зарлиг буулгах).
өрлөг [нэр үг]
өрж жагсаах, давхарлан тавих үйл ажиллагаа барилгын өрлөг (барилгын ханыг өрөх үйл явц), нэг өрлөг (тариалангийн газрын хэмжээ, зургаан мүү буюу үр газар). өрлөгч(ин) (нэр үг) барилгын өрлөг хийдэг мэргэжлийн хүн.
өрмөг [нэр үг]
ноос, олс зэргээр нэхсэн нэгэн зүйлийн бүдүүн бараа өрмөг таар (олсоор нэхсэн том шуудай).
өрмөнцөр [нэр үг]
өрөм болон жигнэмгийн хольцтой идээ.
өрнөл [нэр үг]
хөгжил бадрал ажлын өрнөл (ид ажиллаж байх цаг мөч), өрнөл бадрал (хоршоо үг) (хэрэг явдлын олныг хамран цаашид дэлгэрэх байдал), өрнөл хөгжил (хоршоо үг) (цэцэглэн хөгжиж буй нь).
өрнөлт [нэр үг]
өрнөх үйлийн үр дүнг заасан нэр зохиолын өрнөл (зохиолын үйл явцын оргил хэсэг),
өрөв [нэр үг]
өрөв хийх (а.галын дөл, үс, өвс зэрэг зүйлийн салхины аясаар үе үе хөдлөх б.загас, могой зэрэг амьтдын цочир хөдөлж юмыг залгих, ховх сорох).
өрөвдөл [нэр үг]
хайрлан энэрэх сэтгэл.
өрөвтөл [нэр үг]
мод, төмөр, яс зэргийг үрж засах багаж хуурай нарийн өрөвтөл (нарийн хуурай), бүдүүн өрөвтөл (бүдүүн хуурай), төмрийн өрөвтөл (төмрийн хуурай), өрөвтөл цох (амьтан судлал) (биеийн урт хоёроос найман миллиметр, авгалдай нь гэрийн тавилга, модон эдлэл, ном иддэг шавж).
өрөвтөс [нэр үг]
мод, төмөр зэргийг хөрөөдөхөд гарах нунтаг үртэс өрөвтөс түлэх (модны үртэс түлэх).
өрөг [нэр үг]
харвахаар өрсөн сур, шагай адаг өрөг (а.сур харвах сүүлчийн харваа б.шатар, даам зэрэг тоглоомын сүүлийн тавил) шатар, даам зэрэг тоглоомын тавил шатрын өрөг (шатрын тавил), эхний өрөг (анх удаа тоглосон нь) (шилжсэн утга) элэгсэг сайхан зан өрөг хүн (сайхан зантай хүн), өрөг сөрөг (хоршоо үг) (эв найртай бус).
өрөгч [нэр үг]
өрөх үйлийг хийг туйпуу өрөгч (туйпуу өрдөг хүн), үсэг өрөгч (ном сэтгүүлийн эхийг хэвлэлд бэлдэн үсэг өрдөг хүн).
өрөлбө [нэр үг]
халуун төмөр болон юмыг хавчиж барихад хэрэглэдэг шовх хошуутай, иргүй, хайч мэт хавчих багаж өрөлбийн ааг (өрөлбийн завьж, уг), өрөлбийн аарцаг (өрөлбийн бариулын уулзвар хэсэг), өрөлбийн завьж (хавчих багажийн уг), өрөлбийн ажил (машиныг багажаар угсарч тоноглох, тоног хэрэгслийг нь засан сэлбэдэг ажил), өрөлбө бахь (иргүй, хайч шиг хавчиж чимхэх төмөр багаж), өрөлбөн хошуу (хов хэлж дээшээ матдаг хүн).
өрөлбөчин [нэр үг]
өрөлбийн ажил эрхэлдэг хүн.
өрөм [нэр үг]
хөөрүүлсэн сүүний дээгүүр тогтсон цөцгийрхөг идээ тогооны өрөм (а.тогоотой сүүний дээгүүр тогтсон тослог хөрс б.загссан өрмийг хавсран авсан байдал), өрөм байлгахөрөм загсаах (хөөрүүлсэн сүүгээ хөргөж дээгүүр нь зузаан тослог хөрс тогтоох), өрөм загсах (хөөрүүлж самарсан сүү хөрөхөд дээгүүр нь тослог хөрс тогтох), өрмөө хайлах (зун, намар хураасан тогооны өрмөө хайлж, тос гаргаж авах), өрөм давс (өрөм адил давхарлан тогтсон давс), өрмөн шаргал (өрөм шиг шаргал өнгө), өрөм зөөхий (хоршоо үг) (хөөрүүлсэн сүүг самраад болон самралгүй хөргөхөд тогтох тослог идээ), өрөм бяслаг (хоршоо үг) (хөөрүүлсэн сүүний дээр тогтох цөцгийрхөг тос болон сүүг ээдүүлэн шахаж хийсэн цагаан идээ), өрөм хулгайч (амьтан судлал) (усны лаг доторх авгайлдайнаас гарч, усны орчинд нисдэг нэг зүйл шавж), өрөмний өт шиг (тогтворгүй, их хөдөлгөөнтэй байх) шингэн зүйл хөрж царцахад дээгүүр нь тогтох нимгэн хөрс айргийн өрөм (айрагны дээд талыг бүрхсэн нимгэн хөрс), цайны өрөм (аяга, саванд хийсэн цай хөрөхөд дээгүүр нь тогтох нимгэн хөрс).
өрөм [нэр үг]
эргүүлэн цоолж нүхлэх багаж эргүүл өрөм (аливаа механизмийг эргүүлэн цоолох төхөөрөмж), ээрүүл өрөм (юманд нүх гаргах багаж), цахилгаан өрөм (цахилгаанаар ажилладаг өрөм), өрмийн мастер (цоолон нүхлэх багажийг ажиллуулдаг мэргэжлийн хүн), өрмийн үзүүр (цоолж нүхлэх багажийн ирт үзүүр), өрмөөр нүхлэх (тусгай багажаар цоолох).
өрөмдлөг [нэр үг]
ямар нэгэн зүйлийг нүхлэн цоолох үйл ажиллагаа өрөмдлөгийн цооног (газрын гүн тийш өрөмдөн ухсан нүхэн хийц).
өрөмдөгч [нэр үг]
өрөмдөх ажлыг гүйцэтгэгч уурхайн өрөмдөгч (уурхайд өрөмдлөг хийдэг хүн) өрөмддөг тоног төхөөрөмж өрөмдөгч машин (нүхлэн цоолох зориулалтын машин).
өрөмдөл [нэр үг]
өрөмдөх байдал өрөмдлийн нүх (өрөмдөж гаргасан нүх).
өрөмдүүр [нэр үг]
өрөмдөх хэрэгсэл өрөмдүүр суурь (нүхлэн цоолдог суурь машин).