Нэр үг
өөдөн [нэр үг]
хилэн мэт нэхээстэй, өнгөн талын ширхэг нь үс мэт нягт нэгэн зүйлийн торгомсог бараа өөдөн малгай (өөдөнгөөр хийсэн малгай) ихэд хар өөдөн хар (тас хар), өөдөн хар морь (тас хар зүсмийн морь), өөдөн хар үс (хав хар, зөөлөн үс), өөдөн цэцэг (ургамал судлал) (өндгөлжин далбагар навчтай, ишнийхээ оройд багларан ургадаг цагаан, ягаан, улаан өнгийн баг цэцэгтэй олон наст өвс).
өөжин хуучир. [нэр үг]
нялх хүүхдээ хийдэг дөрвөлжин тэргэнцэр.
өөлд [нэр үг]
эртний сурвалжит нэгэн аймаг өөлд хийц (өөлдийн дархчуудын хийц загвараар эд юмс).
өөлөгч [нэр үг]
өө сэвийг дардаг тусгай багаж хэрэгсэл өөлөгч бахь (өө сэвийг засдаг бахь) (шилжсэн утга) хүн, амьтны бага зэргийн алдаа дутагдлыг ихэд ажиглан зэмлэгч.
өөнтөг [нэр үг]
өө сэв өөнтөг эрэх (өө сэв хайх) (шилжсэн утга) хар, сэжиг өөнтөг санах (бусдад хар санах, сэжиглэх).
өөрийнх [нэр үг]
өөрийн юм.
өөрс [нэр үг]
идээ бээр.
өөрчлөгдөш [нэр үг]
хувиран солигдох бололцоо өнгөний өөрчлөгдөш (тухайн зүйлийн өнгө хувирах бололцоо).
өөрчлөгч [нэр үг]
өөрчлөн хувиргагч тушаал өөрчлөгч (өмнөх тушаалыг цуцалж, шинэ тушаал гаргах эрх бүхий хүн). өөрчлөл (нэр үг)өөрчлөн хувирах байдал.
өөрчлөлт [нэр үг]
өөрчлөх үйлийн үр дүнг заасан нэр өөрчлөлт гарах (угийн байдал солигдож өөр болох), өөрчлөлт оруулах (аливаа зүйлийг өмнөхөөс нь өөр болгох) өөрчлөлт шинэчлэлт (хоршоо үг) (аливаа зүйлийг улам сайжруулахын тулд хийж буй шинэ өөрчлөн байгуулалт).
өөрчлөш [нэр үг]
өөр болох бололцоо.
өөх [нэр үг]
хүн, амьтны биед махтай алаглан байх тосорхог зүйл, илчийг хамгийн удаан хадгалдаг эд амьтны өөх (амьтны биед байх тосорхог эд), өөхөн тос (малын махны өөхийг шаргааж гаргасан тос), өөхөн дэн (өөхөн тосонд гол хийж асаах дэн), өөхөн тарга (нас гүйцсэн малын булчин бүдүүрч, мах сууж таргалсаны дараах тарга, мах суусны дараа өөх зузаарах үе), өөх халиадах (өөхийг нимгэн зүсэх), өөх цацах (мал ногоонд цадан таргалж эхлэх), өөх суух (мал таргалах), өөх царцах (тосорхог эд царцан хөлдөх), өөх тос (хоршоо үг) (амьтны гаралтай усанд үл уусах нүнжигт бодос), мах өөх (хоршоо үг) (хүн, амьтны яс, арьсны завсар байх зөөлөн эд) өөх шиг цагаан өөхөн чулуу (хадан цагаан, өөхөн цагаан зэрэг зарим чулуулгуудын ерөнхий нэр). өөхөнд хучсан бөөр шиг (эрх танхи, дур зоргоороо), өөхлөг тажигдаахай (амьтан судлал) (казахстан, хятад, монголын говь хээрт нутагладаг, алагдаагынхан овгийн тав аравны таван сантиметр урт, арван дөрвөн грамм хүртэл жинтэй нэгэн зүйл өчүүхэн жижиг мэрэгч, намар ичээлэхийн өмнө их таргалж, арван таван сантиметр урт сүүл нь өөхлөн бүдүүрдэг), өөх ч биш булчирхай ч биш (цэцэн үг) (хоёрын хооронд, гурвын дунд), өөх өгсөн хүнтэй өглөө босоод заргалдах (цэцэн үг) (тус болсон хүндээ буруу санах).
өөхлөл [нэр үг]
өөхлөх байдал малын өөхлөл (мал тарга тэвээрэг авсан нь).
өөчлөгч [нэр үг]
өө сэв эрэгч.
өөчлөл [нэр үг]
өөчлөх байдал ажлын өөчлөл (ажил хэргээс нь алдаа дутагдал хайх байдал).
өөш [нэр үг]
загас, шувуу барих тор өөш хаях (тор хаях), өөшөөр барих (тор хаяж, ан агнах) загас, шувуу зэргийг агнахад идүүлж мэхлэх хүнсний зүйл өөш хаях (дэгээнд загас, шувуу зэргийн идэх дуртай хүнсийг хийж тороо тавих), өөш гөлмий (хоршоо үг) (загас, шувуу зэргийг агнахад хэрэглэх хүнсний зүйл) (шилжсэн утга) албаны хүнд тал засан өгч буй зүйл өөш өгөх (хээл хахууль өгөх).
өөш [нэр үг]
шоо өөш (мод цавчих багаж).
өр [нэр үг]
гал ноцоохоор манасан цог өр хийх (цогийг унтраалгүй манах).
өр [нэр үг]
хүн, амьтны аюулхайн орчим газар, өрц өр зурах (а.төхөөрөх малын өрц орчмын арьсыг хурц хутгаар зурж зүсэх б.ходоодны хүчил ихдэж дотор өвдөх), өр зүрх (хоршоо үг) (а.хүн, амьтны гол эрхтэн б.(шилжсэн утга) хамгийн хайртай, дотны зүйл в.(шилжсэн утга) сэтгэл зүрх), өр хадрах (бусдын амь насыг егүүтгэх) (шилжсэн утга) өрөвч нинжин сэтгэл бүхий өр зөөлөн (өрөвч, зөөлөн сэтгэлтэй), өр нимгэн (зөөлөн сэтгэлтэй), өр өвдөх (өрөвдөх, сэтгэл ихэд эмзэглэн зовох), өр урагдах (бусдыг ихэд өрөвдөх) өр тавимхайн өр хатуу (цэцэн үг) (өр зээл тавихдаа санаа зовдоггүй, тоодоггүй), өнгө мөнгөний сайнаас өр зүрхний сайн нь дээр (зүйр үг) (өнгө мөнгөнд шунаж байснаас сэтгэл сайтай байх нь хамгийн гол).
өр [нэр үг]
бусдад өгөх ёстой зүйл, өгцөө өр нэхэх (бусдад зээлүүлсэн зүйлээ буцааж авахаар хөөцөлдөх), өр бөглөхөр таглахөр дарах (а.хэн нэгнээс зээлсэн зүйлийнхээ оронд өөр юм өгч төлөх б.бусдад өгөх ёстой зүйлээ өгч дуусгах), өр алдах (бусдад өгсөн хөрөнгө мөнгөө авч чадахгүй байх), өрөнд орох (бусдад өгцөөтэй болох), өр төлөх (бусдад өгөх ёстой зүйлээ өгч гүйцээх өгцөөгүй болох), өр хийх (дараа төлөхөөр болзолтойгоор ямар нэгэн зүйлийг бусдаас зээлж авах), өр тавих (бусдад өгцөөтөй болох), өр гөрлөх (өрөө төлөөгүй атлаа төлсөн хэмээн зүтгэх), өрд орох (өртэй болох), өрийн боол хуучир. (бусдад төлөх ёстой зүйлийнхээ оронд өөрийгөө болон бусдыг боол болгон өгөх), өр төлбөр (хоршоо үг) (өгвөл зохих мөнгө), өр төлөөс (хоршоо үг) (өр төлбөр), өр зээл (хоршоо үг) (өртгийг дараа төлөхөөр авсан зүйл), өр авлага (хоршоо үг) (өгцөө авцаа), өр шир (хоршоо үг) (бусдад өгөх ёстой зүйл), өр ширэндээ баригдах (их хэмжээний өртэй болох, өрөнд орох), дотор газраас өр нэхэх (өлсөх), өр алдсан хятад шиг (сэтгэлээр унаж, бодлогошрон гиюүрэх), өнгөнд бүү хуурт, өрд бүү баригд (зүйр үг) (хөнгөн хуумгай явдал бүү гарга).