Нэр үг
ноолуурт [нэр үг]
ноолуурт дөрвөлжин наймаалж (амьтан судлал) (толгой, цээжний хуяг нь дөрвөлжин хэлбэртэй, хоёр хурууныхаа ойролцоо багц ноолуур үстэй, далайн хөвөөний чулуун доор болон чулуулгийн завсарт амьдарна).
ноорог [нэр үг]
бичиг зохиолын засварлаагүй навтраг эх ноорог цаас (засварлаагүй эхлэн бичих эх зохиоход зориулсан навтар цаас), гар ноорог (гараар бичсэн анхны эх), эх ноорог (анхны навтраг).
ноорог [нэр үг]
ноорч урагдсан зүйл дээлийн ноорог (дээлийн ноорч урагдсан хэсэг), ноорог навсарга (хоршоо үг) (ноорч урагдсан нь), нохой ноорог (юу ч үгүй болтлоо ихэд урагдсан нь).
ноорс [нэр үг]
ангаахайн биен дээрх үслэг зүйл, шувууны ноолуур шувууны чандрын хэмхдэг.
ноорс [нэр үг]
сиймхий нэхсэн торго ноорс шаа (хөвөнг шувууны ноолуур эсвэл мяндастай хольж нэхсэн нэгэн зүйл сиймхий торго), ноорс торго (а.шувууны ноолуураар нэхсэн торго б.торго мэт гөлгөр хөвөн нэхмэл).
ноот хөгжим. [нэр үг]
хөгжмийн аялгууг зориулалтын шугамтай цаасанд тэмдэглэдэг тэмдэг ноот бичих (хөгжмийн аялгууг дүрс тэмдэгт буулгах).
ноохой [нэр үг]
мэрэгч амьтдын хэвтэр нүхэндээ бэлдсэн хучлага, дэвсгэрийн хатсан өвс тарваганы ноохой (тарваганы ичээ, хэвтрийн хатсан өвс), хулганын ноохой (хулганы хэвтэрийн хатсан өвс), хөеө ноохой (хоршоо үг) (зарим мэрэгчдийн идэш, хучлага дэвсгэрийн өвс), новш ноохой (хоршоо үг) (элдэв төрлийн хаягдал хог).
норгодос [нэр үг]
нялх хүүхдийн шээс, баас норгодос гаргах (нялх хүүхэд өтгөн, шингэнээ гаргах).
норм [нэр үг]
хуульчлан баталсан нийтээр дагаж мөрдөх журамласан хэм хэмжээ ямар нэг үйлийг хийж гүйцэтгэх хэмжээ, дундаж хэмжигдэхүүн норм давуулан биелүүлэх (тухайн зүйлийг хийх ёстой хэмжээнээсээ давуулан гүйцэтгэх), норм тогтоох (хэм, хэмжээ тогтоох), норм зохиогч (нийтээр дагах хэм хэмжээг тогтоогч), нормын мод (хэмжээтэй мод), өдрийн норм (ажлын нэг өдөрт хийж гүйцэтгэх ажлын хэмжээ), үйлдвэрийн норм (тухайн үйлдвэрийн газрын ажлын хэмжээ, төлөвлөгөө), олон улсын эрхийн норм (олон улсын эрхийн хэм хэмжээ), норм хэмжээ (хоршоо үг) (хуваарилан тогтоосон баримжаа тоо, хэм хэмжээ).
нормчлол [нэр үг]
норм хэмжээ тогтоох байдал нормчлол зохиох (хэм хэмжээ бий болгох).
нором [нэр үг]
цавчиж огтолсон модыг түүний төрөл зүйл, чанар болон их багаар нь ялгаж овоолсон овоо нормын талбар (мод огтолж тээвэрлэхэд бэлтгэдэг тусгай газар).
нотариат [нэр үг]
гэрээ, бичиг баримтын хуулбар үнэн болохыг баталгаажуулах газар нотариатаар батлуулах (бичиг баримт болон түүний хуулбарыг албан ёсоор баталгаажуулах).
нотариатч [нэр үг]
нотариатын газар ажилладаг мэргэжлийн хүн.
нотариус [нэр үг]
аливаа гэрээ хэлэлцээг албан ёсоор гэрчлэгч тушаалт(ангийн нэр томьёо)
нотлогч [нэр үг]
тухайн зүйлийн талаарх үзэл бодлоо хамгаалагч нотлогч тал (хэргийн талаарх саналаа гэрчлэн өгүүлэгч тал).
нотлол [нэр үг]
баримт түшин тайлбарлах байдал.
нотолгоо [нэр үг]
тухайн хэргийн үнэн мөнийг гэрчлэх баримт гэрчийн нотолгоо (тухайн хэрэг явдлыг мэдэх хүний яриа), нотолгоо муутай (гэрчлэх баримт муу, хангалтгүй), гэрч нотолгоо (хоршоо үг) (хэрэг явдлын талаар мэдээлэл өгөх хүн болон гэрчлэх баримт), үндэслэл нотолгоо (хоршоо үг) (хэрэг явдлын гарах болсон шалтгаан хийгээд түүнийг нотлох баримт).
ноц [нэр үг]
тухайн зүйлийн оноц, онч, тусалт үгний ноц (үг ярианы онч), хэргийн ноц (хэрэг явдлын зангилаа) хэрэг бодосын чухал чанар хор холбогдол.
ноцолдлого [нэр үг]
ноцолдоон, барилдаан мэх ноцолдлого (хоршоо үг) (барилдан ноцолдох арга).
ноцолдоон [нэр үг]
ноцолдох үйлийн нэр азарганы ноцолдоон (азарга ноцолдох нь).