Нэр үг
мөхлөг [нэр үг]
үр тарианы ширхэг тарианы мөхлөг (тарианы жижиг ширхэг), мэлхийн шээс далайд нэмэр, мөхлөг амуу санд нэмэр (зүйр үг) (бага ч гэсэн тус болох) өчүүхэн, бөөрөнхий зүйл нэг мөхлөг (нэг бөөрөнхий үрэл), мөхлөгийн хэмжээ (мөхлөгжиц) үндэс, гол суурь.
мөхлөгжиц [нэр үг]
төмөрлөг боловсруулалтад талст болон хатуу биеийн мөхлөгүүдийн хэм хэмжээг илтгэх тоо мөхлөгийн хэмжээ.
мөхөл [нэр үг]
сүйрч сөнөсөн байдал мөхлийн шат (устан үгүй болохдоо тулсан нь), үхэл мөхөл (хоршоо үг) (аливаа зүйлийн устан үгүй болох нь), мөхөл сүйрэл (хоршоо үг) (сүйрч сөнөх).
мөхөөл [нэр үг]
сүйрэл, сөнөөл.
мөхөөл [нэр үг]
шингэн зүйлийн гадаргууг бүрхэн хөлдсөн нимгэн зайрмаг.
мөхөөлдөс [нэр үг]
жимсний шүүс, сүү зэргийг тусгай аргаар боловсруулж хөлдөөсөн хүнсний бүтээгдэхүүн аарцтай мөхөөлдөс (аарц, сүү зэргийг тусгай аргаар найруулан боловсруулж хөлдөөсөн сүүн бүтээгдэхүүн).
мөч [нэр үг]
цагийн хэм нэг цагийг дөрөв хуваасны нэг, арван таван минут мөч өнгөрөх (цаг хугацаа өнгөрөх), шийдвэрлэх мөч (хэрэг явдлын эцсийн дүнг үзэх), цаг мөч (хоршоо үг) (цаг хугацаа), мөчийн хувин хуучир. (дундад зууны үед од зүйд хэрэглэж байсан нэгэн зүйл дүрэмт сав), мөч тоолох (а.тухайн цаг хугацааг тэсэн ядан хүлээх б.(шилжсэн утга) яаралтай чухал зүйл).
мөч [нэр үг]
хүн, амьтны гар хөлийн хэсгүүд дөрвөн мөч хөших (гар, хөл чилж мэдээ алдах), мөч чац (хоршоо үг) (хүн, амьтны үе мөч), үе мөч (хоршоо үг) (хүн, амьтны биеийн үет хэсэг болон гар хөлийн хэсэг), мөчийг нь тасалж, мөрийг нь сажлуулах (зүйр үг) (зодож жанчих), мөрийг нь хөөж, мөчийг нь тоолох (зүйр үг) (хэрэгтэнг мөрдөн хөөж баривчлах) малын махны хуваарь мөч мах (а.хөл махыг хоёр хуваасны нэг хэсэг малын хаа гуя б.малын хоёр дал, хоёр сүүж болон найман чөмөг), нэг мөч мах (хөл махыг хоёр хуваасны нэг), мөч гуя (хаа гуя), мөч мөчөөр нь нугалах (мөчлөн салгах), арван хоёр мөч (дөрвөн хөл найман мөч, ууц хоёр мөч, сээр, хүзүү тус тус нэжгээд мөч), мөч ховордоход богтос,
мөчир [нэр үг]
аливаа ургамлын салаа мөчир ороонго (ороолдож авиран ургах мөчир), мөчрийн залгалт (нэг ургамлын мөчрийг нөгөө ургамлын иш салаан дээр залгаж, тэдгээрийг хооронд нь нийлүүлэн нэг ургамал болгох), мөчир хугарах (модны гол ишнээс салбарлан ургасан нарийн салаа хугарах), мөчир гишүү (хоршоо үг) (салаа, иш), салаа мөчир (хоршоо үг) (модны салбарлан ургах иш), мөчрийг нь хугалавч үндэс нь үлдэнэ (зүйр үг) (уг үндэс нь үлдэх), мөчир бүтэн мод байдаггүй, элэг бүтэн хүн байдаггүй (зүйр үг) (хүн бүхэн хагацал зовлон үздэг) нэг захиргааны доторх олон зэрэгцээ байгууллага, салбар аж ахуйн салаа мөчир (аж ахуйн салбар).
мөчлөг [нэр үг]
(зурхай судлал, зурхайн ухаан) зурхайн ёсонд арван хоёр жил мөчлөг орох (жил орох) үйл ажиллагааны шинжээрээ бусдаас ялгарах өөрийн онцлогтой цаг хугацааны хэсэг, тодорхой хугацаанд давтагдах үйл явдал мөчлөг шүлэг (хоорондоо холбоотой хэд хэдэн шүлэг).
мөчөө [нэр үг]
мөчөөгөө өгөхгүй (хүний дор орохгүй, бусдаас дутахгүй).
мөчөөрхөл [нэр үг]
хэл ам, хүч чадлаар дутахгүй харилцан тэмцэлдэж эсэргүүцэх байдал.
мөшгөгч [нэр үг]
мөрдөн мөшгиж байгаа хүн.
мөшгөлөг [нэр үг]
мөшгөх үйл явдал.
мөшгөөр [нэр үг]
юмны зах хөвөөг дагуулан барьж хийсэн зүйл болон түүний дотуур хийсэн хошмог эмжээр улаан мөшгөөртэй хантааз (улаан эмжээртэй хантааз) авгай дээлийн мөрний доод талын алагласан хэсэг.
мугуй [нэр үг]
өнхрүүлгэ.
муж [нэр үг]
засаг захиргааны томоохон нэгж мужийн захиргаа (нутгийн засаг захиргааны байгууллага) бүс нутаг уулархаг муж (уулархаг газар орших бүс нутаг), муж хязгаар (алс хязгаар нутаг).
муж [нэр үг]
хашаа хорооны хавтсыг шургуулан хавчих мод.
мужаан [нэр үг]
модны дархан мужааны газар (модны дархны ажлын байр), мужаан арвидвал байшингийн нуруу хазгай тавина (цэцэн үг) (олон хүн бие биедээ найдсанаас ажил цалгардах), мужаан хүн үхэхдээ авсгүй (цэцэн үг) (загасчны морь усгүй гэдэгтэй утга нэг) (шилжсэн утга) үйлэнд муу эмэгтэй хүнийг доромжлон хэлсэн үг.
мужлал [нэр үг]
мужлан хуваасан нь.