Нэр үг
захалгаа [нэр үг]
захлах (үйл үг)
захас [нэр үг]
ахас захас (хоршоо үг) (ахас ихэс) ахас захасаа хүндлэх (ахмад хүмүүсээ хүндлэх).
захиа [нэр үг]
хүмүүсийн хоорондоо харилцан илгээх бичиг захидал захиа авах (захидал хүлээн авах), захиа бичих (захидал бичих), захиа явуулах (захидал явуулах), захиа бичиг (хоршоо үг) (захидал),
захиалагч [нэр үг]
захиалах этгээд захиалагч байгууллага (захиалга өгсөн байгууллага), захиалагч хүмүүс (захиалсан хүмүүс).
захиалга [нэр үг]
захиалах үйлийн нэр захиалга авах (хэрэгцээт бараа, үйлчилгээгээр хангах, үйлчлэх хүсэлт хүлээн авах), захиалгаар үйлчлэх (а.захиж хэлсний дагуу үйлчлэх б.урьдчилан мэдүүлсэн дуудлагын дагуу очиж үйлчлэх).
захиг [нэр үг]
монгол гэрийн хавтсан үүд голомтоо тойруулж хашиж тавих дөрвөлжин модон хүрээ
захигч [нэр үг]
бусдад үг, юм захисан этгээд гурил будаа захигч (гурил будаа авахуулахаар захисан хүн) захиалга өгөгч ном захигч (ном авчруулахаар захиалсан хүн), суудал захигч (а.бусдад өөрийн суух суудлыг дам олуулахаар хүсэгч б.суудал хадгалах захиалга өгөгч).
захидал [нэр үг]
албан газар, хүмүүсийн хоорондын харилцааны бичиг захиа албан захидал (албан ёсоор харилцсан бичиг), хувийн захидал (амин хувийн сэдэв хөндсөн захиа), ил захидал (үг захиа бичиж, дугтуйгүй илгээж болох, зураг чимэглэл бүхий хуудас), захидал харилцааны нууц (бие хүний хувийн халдашгүй эрхийн нэг төрөл зүйл), захидал явуулах (шуудангаар болон хувь хүнээр захидал илгээх), захидлын хайрцаг (а.шуудангийн байгууллагаас сонин хэвлэл захиалагчдад зохих төлбөрийг авч хэрэглүүлдэг хайрцаг б.ирсэн захидал, сонин хэвлэлийг нь хийхэд зориулж айл гэрийн хаалганы гадна талд байрлуулсан бяцхан төмөр хайрцаг), захидал бичиг (хоршоо үг) (бичгээр харилцах захиа).
захилга [нэр үг]
захих явдал.
захин [нэр үг]
монгол гэрийн хавтсан үүд, зашин, захиг.
захирагдагч [нэр үг]
захирах үйлийг хүлээгч захирагдагч тал (захиргаа тушаалыг хүлээгч тал).
захирагдал [нэр үг]
хамаарагдал, харъяалагдал.
захирагч [нэр үг]
хуучир. дайчин улсын үеийн тамгын дөрвөн түшмэлийн нэг, иргэний захиргааны хэргийг эрхэлсэн албан тушаал тамгын захирагч (тамгын дарга), хошуу захирагч (хошуу тамгын эрх баригчийн албан тушаал хэдийгээр хошууны бүх эрхийг захирах эрхтэй боловч тушаалын хувьд туслагчийн дараа орно), амбан захирагч (хоршоо үг) (эзэн гүрний төлөөний захирагч) (цэргийн нэр томьёо) цэргийн удирдах хүн ангийн захирагч (цэргийн ангийн дарга), салааны захирагч (салаан дарга), штабын захирагч (штабын дарга) төрөөс тодорхой хугацаагаар томилогдож, ногдсон эрх, үүргийнхээ хэмжээнд бусдыг захиран удирдах албан тушаалтан улаанбаатар хотын захирагч (улаанбаатар хотын дарга, нийслэлийн засаг дарга), захирагчийн ажлын алба (нийслэлийн засаг даргын тушаал, шийдвэрийг ажил хэрэг болгох, биелэлтийг хянах алба).
захирал [нэр үг]
байгууллагын дарга тодорхой зохион байгуулалттай хамт олныг удирдан зохион байгуулах эрх үүрэг бүхий албан тушаал байгууллагын захирал (байгууллагын дарга), компанийн захирал (компанийн эзэн), өртөөний захирал (а.өртөөний хэргийг ерөнхийлөн эрхлэх албан тушаалтан б.өртөөний даамал), сургуулийн захирал (сургуулийг удирдах үүрэг бүхий хүн), тас компанийн захирал болох (этгээд үг хэллэг) (архи хэтэртлээ ууж согтох).
захирамж [нэр үг]
шуурхай удирдлагаар хангах зорилгоор хууль тогтоомжид заасан журмын дагуу тодорхой нэг асуудлаар төрийн захиргааны байгууллагаас гаргаж байгаа эрх зүйн баримт бичиг захирамж батлах (захирамжийг албан ёсны болгох), захирамж гаргах (тушаал заавар, тогтоол гаргах) тушаалын нэг хэлбэр, үүрэг.
захирамжлагч [нэр үг]
захирамжлан удирдагч.
захиргаа [нэр үг]
засгийн эрхийг явуулах бүх шатны байгууллага захирах газар захиргааны зардал (захиргааны төсөв мөнгө), нэгдлийн захиргаа (нэгдлийн удирдлага), засаг захиргаа (хоршоо үг) (удирдлага) дүрэм журам сахих чадвар, сахилга захиргааны арга (төрийн захиргааны байгууллага доод газар, албан тушаалбан, иргэдийн үүргийг тогтоож захирамжлах аргаар тэдгээрийн үйл ажиллагаа, зан төлөвт нөлөөлөх арга хэрэгсэл), захиргааны зөрчил хууль. (хууль болон актаар тогтоогдсон эрх зүйн хэм хэмжээг гажуудуулах үзэгдэл), захиргааны хариуцлага (захиргааны зөрчил гаргасан гэм буруутай этгээдэд эрх бүхий байгууллага, албан тушаалтнаас хүлээлгэх хууль зүйн хариуцлага).
захиргаадалт [нэр үг]
захиргаадах үйлийн үр дүнг заасан нэр байгууллагын дотоод хүчин чадал, мөн чанарыг үл хайхран аливаа ажлыг гүйцэтгүүлэхийг шаардах удирдлагын арга барил.
захирлага [нэр үг]
ардын хувьсгалын дараахан төрийн захиргааны орон нутгийн байгууллагад ажиллаж байсан удирдах албан тушаалтан, тухайлбал, сумын занги, хошууны засаг дарга нарын хэрэглэж байсан тамга тэмдэг өртөөний захирлага (өртөөний даргын тамга), тамга захирлага (хоршоо үг) (өртөөний бичиг хэрэг шийтгэн илгээх, улаа, замын хуудас баталгаажуулах тамга тэмдэг).
захирлага [нэр үг]
захиран хамаарах эрх мэдэл, захирах явдал захирлага дэндвэл хэдэр нь хөдөлнө, захирлага муудвал ажил дампуурна (зүйр үг) (удирдах эв дүй, захирах хэм хэмжээг зүй зохистой байлгах хэрэгтэй).