Үйл үг
зовонгидох [үйл үг]
хэтэрхий зовонги болох.
зовонгуйрах [үйл үг]
зовонгуй болох.
зоворилох [үйл үг]
ихэд эвэршилтэйгээр өвдөх, зовуурьтай өвдөх.
зовох [үйл үг]
аливаа хүн, амьтны бие зүдэрч шаналах бие зовох (бие чилээрхэх, зүдрэх) хүний сэтгэл санаа амаргүй болох, бие сэтгэл чилэх, дэнслэх санаа зовох (а.сэтгэл зовох б.ичиж нэрэлхэх), сэтгэл зовох (а.сэтгэл түгших б.нэрэлхэх), зүдэх зовох (хоршоо үг) (зүдрэл зовол үзэж туулах), өвдөх
зовуурилах [үйл үг]
өвчин хүндэрч ихэд шаналах өвчиндөө зовуурилах (өвчиндөө ихэд шаналах).
зогдордох [үйл үг]
зогдроос нь барьж авах, зогдроос нь татах, үгтээх.
зогдорлох [үйл үг]
тэмээний зогдрыг хайчлан авах, зогдрыг нь хяргах тэмээ зогдорлох (тэмээний зогдрыг хяргах) үс сахал их ураж, зогдор мэт болох сахал үс нь зогдорлосон хүн (сахал үс нь их ургасан хүн).
зогсонгижих [үйл үг]
зогсонги болох, хөгжил хөдөлгөөн саарах.
зогсонгирох [үйл үг]
зогсонги байдалтай болох.
зогсоох [үйл үг]
юмны үйл, хөдлөл, хөгжлийг цааш үргэлжлэхгүй болгох, зогсоход хүргэх машин зогсоох (машины хөдөлгөөнийг саатуулах), жижүүр манаа зогсоох (жижүүр манаа буулгах).
зогсох [үйл үг]
хүн, амьтны хөл дээрээ босоо байх босоо зогсох (эгц зогсох), номхон зогсох (хөдөлгөөнгүй цэх зогсох), тойрон зогсох (дугуйран хүрээлж зогсох), хөл дээрээ зогсох (а.босоо зогсох б.хүнд өвчний дараа илаарших, эдгэрэх в.(шилжсэн утга) бие дааж амьдрах) юмны хөдөлгөөн намжих, саарах, тогтнох зүрх зогсох (а.зүрх ажиллахаа болих б.үхэх), бороо зогсох (бороо онгойх), машин зогсох (машин хурдаа хасч, цааш явахаа болих), салхи зогсох (салхи намдах), цас зогсох (цас орохоо болих) юм эвдрэх, хэмхрэх машин зогсох (машины, тэрэг эвдрэх) хүн, амьтан эцэж ядран туйлдсанаас цааш явж чадахгүй болох унаа морь бахардаад яг зогсох (унаа морь бахардаад цааш яагаад ч явах аргагүй болох) ажил үйлийн нөхцөл бүрдээгүйгээс тасалдах, төгсөх ажил зогсох (ажиллах аргагүй болох), бичихээ зогсох (бичихээ болих) аливаа юманд туйлбартай байх.
зогьсох [үйл үг]
өрц огцом агшихад амьсгал тасалдан, гэнэт хоолой эхэр татан дуугарах.
зодоглох [үйл үг]
барилдах бөх зодгоо өмсөх (шилжсэн утга) барилдах (шилжсэн утга) ажил хийхэд биеэ бэлэн байлгах, ажилд бэлэн болох.
зодох [үйл үг]
цохих, занчих, дэлдэх хавсаадаж зодох (нийлж, хүч хавсран зодох), хэрцгийгээр зодох (толгой түрүүгүй занчих, хайр найргүй цохиж нүдэх), зодох талхих (хоршоо үг) (ихэд зодох жанчих явдал), зодох жанчих (хоршоо үг) (хэрцгийгээр нүдэж цохих) хүч түрэмгийлэх мөнгөөр зодох (их мөнгө хаяж хэргээ бүтээх).
зожиглох [үйл үг]
зожиг зан байдал гаргах зожиглоод сууж байх (зожиг зан гарган сууж байх).
зожигрох [үйл үг]
хүн, малын зөрүүд этгээд авирлах, зожиг зан байдал гаргах хамт олноосоо зожигрох (хамт олонтойгоо нийлэхгүй байх, дан ганцаар ажиллах).
зожигших [үйл үг]
зожиг шинжтэй болох.
зожийх [үйл үг]
багавтар жижиг, шавилхан биетэй хүн, амьтны харагдах зожийсон биетэй өвгөн (ягжийсан атигар биетэй өвгөн) үг асуухад дуугарахгүй ихэмсэг зан гаргах зожийгоод үг дуугарахгүй байх (ихэрхээд үг дуугарахгүй байх).
золбигнох [үйл үг]
хүн, амьтны золбин болох, золбирч тэнэх.
золбилох [үйл үг]
бутач хүүхэд төрүүлэх (шилжсэн утга) шалиг самуун зан ааш гаргах.