Нэр үг
шаагиан [нэр үг]
шаагих чимээ бороооны шаагиан (борооны шаагих чимээ), шаагиан
шаагилдаан [нэр үг]
олуул шаагих чимээ шаагилдаан болох (а.олуулаа шуугилдах б.(шилжсэн утга) ам булаалдан маргалдах).
шааз [нэр үг]
үрлэн сумтай буу шааз буу (үрлэн сумтай буу). шаазан(г) (нэр үг) шороог шигшин нарийн ширхэгтэй болгон шатаан боловсруулж хийсэн хатуу бөгөөд хэврэг, ваарнаас нарийн эд шаазан ваар (шаазангаар хийсэн ваар), шаазан таваг (шаазангаар хийсэн таваг), шаазан хүн (хүний дүрс гарган хийсэн шаазан), шаазан тоосго (шаазангийн шороогоор хийсэн барилгын материал), шаазан эдлэл (каолин, галд тэсвэртэй уян шавар, цахиур, хээрийн жонш зэрэг эрдэс түүхий эдийг хольж өндөр температурт шатааж пааландсан вааран эдлэл), шаазангийн үйлдвэр (шаазан эдлэл хийдэг үйлдвэр), шаазангийн шаваршаазангийн шороо (шаазан хийдэг маш нарийн, цагаан, гуулин шороо), шаазангийн шир (давирхай, будаг зэргээр хийдэг гоёлын нэг зүйл), бүдүүн шаазан (муухан боловсруулсан шаазан), нарийн шаазан (сайн боловсруулсан шаазан) шаазангаар хийсэн аяганы ерөнхий нэр шаазан аяга (шаазангаар хийсэн аяга), шаазанд уух (шаазан аяганд уух), гангар шаазан (а.маш нарийн хийц бүхий нимгэн шаазан б.түүгээр хийсэн аяга), аяга шаазан (хоршоо үг) (аяганы ерөнхий нэр).
шаазгайлаг [нэр үг]
шаазгайлаг хөхөө (амьтан судлал) (уулын шаазгайтай адил болоод жижигхэн нэгэн зүйл шувуу).
шаалтуур [нэр үг]
монгол гуталд ухуураар нитгэрч угалз гаргах арга.
шаалуу [нэр үг]
шаалуу хүү (тоглоом) (монгол ардын үлгэрийн сэдвээр зохиомжилсон оньсон наадгай уг наадгай нь чоно, хүүхдийн сийлбэр бүхий зургаан модноос бүрдэх бөгөөд моднуудыг дөрөв, хоёроор нь баг болгож, хоёр багаа хооронд нь угсарсны дараа гурван модыг огтлолцуулан түлхэж оньслон түгжиж нааддаг).
шаалуур [нэр үг]
хувцас хунар.
шаам [нэр үг]
малгай.
шаамий [нэр үг]
шаамий хавч (амьтан судлал) (далай, тэнгис, цэнгэг нуурын усанд амьдардаг, усны шувуу, загас, хөхтөн амьтдын хоол тэжээл болдог, дээд хавчийн доод ангийн хажуулдан хөвөгч нэг зүйл хавч, дэлхийд . мянган зүйл байдгаас монголд хоёр зүйл бий).
шаан [нэр үг]
шаан паан (хоршоо үг) (үл ялих, хэрэгтэй хэрэггүй яриа хөөрөө, маргаан), шаан паан гэх (үл ялих, хэрэгтэй хэрэггүй юм ярих), шаан паан хийх (хэрэгтэй хэрэггүй юм ярих, маргах).
шаантаг [нэр үг]
юмны зай завсар ба хөндлөн чагтлах юманд чангалж шаах жийрэг мод алхны шаантаг (алхны ишны зай завсрыг бөглөсөн мод), сүхний шаантаг (сүхний ишийг чигжих жийрэг мод), тэрэгний шаантаг (морин тэрэгний дугуйны зай завсрыг чигжих жийрэг мод), шаантаг бичиг (зөөлөн шавар дээр хурц үзүүртэй зүйлээр наалдуулан дарж бичдэг шаантган дүрст тэмдэг бүхий бичиг).
шаантаг [нэр үг]
шаантаг сүүлт (амьтан судлал) (шаантаг хэлбэрийн сүүлтэй нэгэн зүйл шувуу).
шаанцаг [нэр үг]
шаантаг.
шаар [нэр үг]
юмны шим шүлтгүй, хэрэгцээгүй болсон үлдэгдэл, шавхруу шараг данхны ёроолд үлдсэн шаар (данхны ёроолд үлдсэн цайны үлдэгдэл, шараг), цайны шаар (цайны идээний шим шүүсгүй болсон үлдэгдэл), шаар шавхруу (хоршоо үг) (юмны шим шүлтгүй, хэрэгцээгүй үлдэгдэл) (шилжсэн утга) хог хаягдал үйлдвэрийн шаар (үйлдвэрийн хог хаягдал), хог шаар (хоршоо үг) (хэрэгцээгүй болсон юм) (шилжсэн утга) адгийн муу зүйл, гологдмол юм адгийн шаар (а.маш муу хүн б.хүн чанаргүй), амьтны шаар (хүн, амьтны адаг болсон юм), малын шаар (гологдмол, муу мал), нийгмийн шаар (нийгмийн гологдмол хүн), хүний шаар (хүн чанаргүй, муу хүн), эдийн шаар (гологдмол, муу эд).
шаараг [нэр үг]
өрөм, үрийн зүйлээс тосыг нь ялгаж авахад үлдсэн цөв тосны шаараг (тосны цөв) пиво, дарс зэргийн үлдэгдэл, бажмаг дарсны шаараг (дарсны бажмаг) үйлдвэрийн хог хаягдал шаараг уут (хаягдлаар хийсэн уут), үйлдвэрийн шаараг (үйлдвэрийн хаягдал) цайны хашин үлдэгдэл цайны шаараг (цайны хашин үлдэгдэл).
шаардал [нэр үг]
шаардлага, хэрэгцээ тулгарах нь шаардал гарах (хэрэгцээ гарах).
шаардлага [нэр үг]
шаардах, шавдах үйлийн нэр шаардлагаар хийх (шахалтаар, хүчээр хийх), шаардлага сайтай (шаардах, шавдах нь сайн, ажил хэрэгч), шаардлага тавих (ажил хэргийг түргэн, чандлан хийхийг нэхэх, тулгах), шургуу шаардлага (түргэн шуурхай гүйцэтгэхийг шавдах нь) (шилжсэн утга) аливаа ажил үйлийн зайлшгүй хэрэгцээ шаардлага багатай (хэрэгцээ багатай), шаардлага муутай (хэрэгцээ нь муу), шаардлага хангах (эрэлт хэрэгцээ хангах), ажлын шаардлага (ажлын чухал хэрэгтэй зүйл), өнөөгийн шаардлага (өнөө үед чухал зайлшгүй зүйл), цаг үеийн шаарлага (тухайн цаг үед зайлшгүй хэрэгцээтэй байгаа зүйл), эдийн засгийн шаардлага (эдийн засгийн зайлшгүй хэрэгцээ), хэрэгцээ шаардлага (хоршоо үг) (хүний аж төрөх, ажил хөдөлмөр эрхлэхэд хэрэгцээтэй шаардлагатай орчин нөхцөл, эд зүйл).
шаатан [нэр үг]
элсэн чихэр. шаатах (үйл үг)(мал эмнэлгийн нэр томьёо) морь малын хөл, шаа өвчтэй болох морь шаатах (морины хөл шаа өвчтэй болох).
шаах [нэр үг]
шаах шувуу (амьтан судлал) (амьтныг шүүрэн барьдаг нэг зүйл шувуу).
шаахай [нэр үг]
түрийгүй гутал шаахай өмсөх (түрийгүй гутал өмсөх), гэрийн шаахай (гэрт өмсөх шаахай).