Нэр үг
цэврүү [нэр үг]
түлэгдэх, холгох, хөлдөх зэргээс болж, арьсан дээр бий болсон нимгэн хальстай, шингэн агуулсан булдруу, цөврүү цэврүү үсрэх (цэврүү бий болох, цэврүүтэх), цэврүү шиг (булбарай), цэцэг цэврүү шиг (маш цэвэрхэн).
цэвэрлэгч [нэр үг]
цэвэрлэх үйлийг гүйцэтгэгч цэвэрлэгч бэлдмэл (хүний биед агуулагдаж буй хорт бодос, төрөл бүрийн шимэгч хорхойг бие организмаас зайлуулах бодос), цэвэрлэгч хийх (цэвэрлэх ажил хийх), цэвэрлэгч эмэгтэй (цэвэрлэх үйлийг гүйцэтгэгч эмэгтэй, үйлчлэгч), гудамжны цэвэрлэгч (гудамжийг цэвэрлэх үүрэгтэй хүн).
цэвэрлэгээ [нэр үг]
цэвэрлэх үйлийн нэр цэвэрлэгээ хийх (цэвэрлэх үйлийг хийх), ангийн цэвэрлэгээ (анги танхим цэвэрлэх нь), арчилга цэвэрлэгээ (хоршоо үг) (арчиж цэвэрлэх үйл) цэвэрлэх, ариутгах ажлыг эрхэлдэг байгууллага, хүн хими цэвэрлэгээ (химийн бодос хэрэглэж, ариутгах, цэвэрлэх ажлыг эрхэлдэг газар).
цэвэрлэл [нэр үг]
цэвэрлэгээ.
цэвэршил [нэр үг]
цэвэрших үйлийн нэр, цэвэрших нь.
цэвэршүүлэг [нэр үг]
аливаа бодосыг бусад төрлийн бодосоос хими, физикийн аргаар цэвэршүүлэх ажиллагаа, энэ аргыг хүнсний үйлдвэрийн салбарт өргөн хэрэглэдэг бөгөөд ихэвчлэн нэг төрлийн химийн бодосоос тогтсон бүтээгдэхүүнийг цэвэршүүлдэг.
цэвэршүүлэгч [нэр үг]
цэвэршүүлэлт хийдэг багаж төхөөрөмж агаар цэвэршүүлэгч (агаарын бохирдлыг цэвэршүүлдэг төхөөрөмж).
цэг [нэр үг]
бичигт хүүрнэсэн өгүүлбэр болон ерийн байдлаар захирсан өгүүлбэрийн эцэст тавьж уг өгүүлбэрийн утга төгссөнийг тооны тэмдгийн ард тавьж дугаар гэсэн утгыг үгийн үе ба үсгээр хураасан хэлбэрийн ард тавьж үг хураасныг илтгэх тэмдэг цэг тавих (цэг тэмдэг бичих), цэг цэглэл (цэг, таслал, зураас, хаалт, хашилт гэх мэт), гурван цэг ... (өгүүлбэр төгсөөгүй буюу өгүүлбэрийн дунд хэлэлгүй орхисон үгийг үг өгүүлбэр төгссөн боловч зохиогч санаагаа бүрэн гаргаж чадаагүй дутуу орхисныг мэгдэж түгдэрсэн буюу ээрч түдгэлзсэнийг иш татсан зүйлд энд тэндээс орхисон бол тэр орхисон газрыг заах тэмдэг), давхар цэг (аливаа хүний хэлсэн үг, бодсон санаа зэргийг бичихдээ өгүүлэгч, бодогч эзний дараа аливаа тоочин хэлэх зүйлийн өмнө хамтатгасан буюу угтсан утгыг илтгэх тэмдэг), цэгтэй таслал (таслалтай олон зэрэгцсэн гишүүнийг утгаар нь ангилахын тул өгүүлбэрийн зэрэгцсэн олон гишүүн нь тоо дугаартай боловч бүтэн өгүүлбэр биш байвал эцэст нь хэлбэрийн хувьд биеэ даасан өгүүлбэрүүд утгын хувьд нягт холбоотой байвал хооронд нь тавих цэг тэмдэг), цэг дусал (хоршоо үг) (дусал тэмдэг), цэг таслал (хоршоо үг) (өгүүлбэрийн утга ялгах тэмдэглэгээ).
цэг [нэр үг]
шагайны гэдэргэн, бөгс өөдөө харсан хонхор тал бөг цэг няслах (шагай няслах).
цэгдэг [нэр үг]
дээлийн дотуур өмсөх хөвөнтэй охор хувцас ханжаар цэгдэг нөмрөх (хөвөнтэй охор хувцас нөмрөх) үсийг нь гадагш харуулж хийсэн богино хүрэм цэгдэг хүрэм (хоршоо үг) (богино хүрэм).
цэглүүр [нэр үг]
төмөрлөг эдлэлийг нүхлэхээр өрмийн үзүүр чиглүүлэх, тэмдэглэх зориулалттай цэг гаргадаг шилбэ хэлбэрийн шовх үзүүртэй багаж.
цэглэл [нэр үг]
цэглэх үйлийн нэр өгүүлбэрт хэрэглэх цэг тэмдэг цэг цэглэл (хоршоо үг) (өгүүлбэрт хэрэглэх дусал тэмдэг).
цэгнүүр [нэр үг]
цэнлүүр, жижиг жинлүүр.
цэгсэн [нэр үг]
цэгсэн жимс (ургамал судлал) (шар өнгөтэй, дотроо оо шиг цагаан зүйл бүхий нэгэн зүйл ногоо).
цэгц [нэр үг]
эмх замбараа, дэглэм журам эмх цэгц (хоршоо үг) (эд юмны эмх журам, замбараа), эмх цэгцтэй байх (эмх замбараатай байх), цэгц журам (хоршоо үг) (гуйвшгүй бат журамтай байдал) эгц шулуун, тэгш сайхан цэгц биетэй (тэгш сайхан биетэй) цэгц зогсох (цэх, шулуун зогсох), цэгц нуруутай (цэх нуруутай), цэгц уурга (шулуун уурга), цэгц явах (шулуун явах) (шилжсэн утга) хүний зан төлөв шулуун шударга, оюун ухаан төв тодорхой байдал цэгц зантай (шулуун зантай), цэгц хүн (төв зантай хүн), цэгц шулуун (хоршоо үг) (шударга шулуун), цэгц шударга (хоршоо үг) (чигч шударга, шулуун шударга), эрс цэгц (хоршоо үг) (хүний зан төлөв шударга шулуун, үнэнч, тууштай байх нь).
цэгцрэл [нэр үг]
цэгцрэх үйлийн нэр, цэгцрэх нь.
цэгээ [нэр үг]
гүүний айраг цэгээ уух (айраг уух), айраг цэгээ (хоршоо үг) (айраг), архи цэгээ (хоршоо үг) (архи айраг).
цэдиг [нэр үг]
цадиг .
цэдэг [нэр үг]
цадиг.
цэжмэг [нэр үг]
ан амьтны арьсаар хийсэн хүрэм, цээжмэг.