Нэр үг
хөгшид [нэр үг]
олон хөгшин хүн, настай хүмүүс өвгөд хөгшид (хоршоо үг) (өндөр настан, өвөг дээдэс), өтгөс хөгшид (хоршоо үг) (өтөлж хөгширсөн хүмүүс), хөгшид хүүхэд суун жаргадаг, залуу хүн яван жаргадаг (цэцэн үг) (хүн залуу насандаа л газар үзэж, хүнтэй танилцаж, эрдэм сурах хэрэгтэй), хүүхэд уйлахаараа айлгадаг, хөгшид үхэхээрээ айлгадаг (зүйр үг) (чаддаг зүйлээрээ бусдыг хясах, айлгах).
хөгшрөл [нэр үг]
хөгшрөх үйлийн (нэр үг)
хөгшрөнгө [нэр үг]
нас залуу атлаа царай зүс өтөлсөн байдал.
хөдвөл [нэр үг]
хөдвөл цэцэг (ургамал судлал) (хөх удвал цэцэг).
хөдвөр [нэр үг]
ёс журам мэдэхгүй хүн хөдвөр этгээд (ёс журам мэдэхгүй бүдүүлэг хүн).
хөдлөл [нэр үг]
хөдлөх үйлийн нэр, хөдлөх явдал хөдлөл ихтэй (их хөдөлдөг, хөдлөх нь их), хөдлөл багатай (бага хөдөлдөг, хөдлөх нь бага), газар хөдлөл (газрын гадаргын хүчтэй хэлбэлзэл), сэтгэл хөдлөл (сэтгэл ихэд догдлох байдал) (шилжсэн утга) хүсэл, санал.
хөдлөх. [нэр үг]
хуучирч(ин) (нэр үг) хуучир хөгжим тоглохдоо чадамгай, хуучир хөгжимд мэргэшсэн хүн хуучирч хүүхэн (хуучир хөгжимд мэргэшсэн хүн).
хөдлөц [нэр үг]
хөдөлгөөн, хөдлөл.
хөдлүүр [нэр үг]
хөдлөх зүйл хөдлүүр хараа (бууны урагш хойш хөдөлгөж байдаг хараа).
хөдөлбөр [нэр үг]
хөдөлж шилжих явдал.
хөдөлгөгч [нэр үг]
хөдөлгөх үйлийн эзэн.
хөдөлгөөн [нэр үг]
гүнух. материйн оршин ахуйн хэлбэр, материаллаг ертөнцийн тасралтгүй хөгжлийн явц хүн, юмны хөдлөх явдал гудамжны хөдөлгөөн (гудамжаар явах хүн, хөсөг, авто машин тэргийн хөдлөх явдал), замын хөдөлгөөн (машин тэрэгний зорчин явах, олны нааш цааш явах урсгал) нийгмийн тодорхой санал зорилго бүхий үйл явдал нэгдэлжих хөдөлгөөн хуучир. (нэгдэлтэй болох нийгмийн үйл хэрэг), шинийг санаачлагчдын хөдөлгөөн (шинийг санаачлагчдын үйл хэрэг), хувьсгалт хөдөлгөөн (хувьсгалын үйл хэрэг), энх тайвны төлөө хөдөлгөөн (энх тайвны төлөө үйл хэрэг), тэмцэл
хөдөлгүүр [нэр үг]
хөдөлгөдөг юм хөдөлгүүр оньс (хөдөлгөдөг оньс) (техникийн нэр томьёо) аливаа энерги хүчнийг механик ажил болгон хувиргагч машин хөдөлгүүрийн асаагуур (дотоод шаталтын хөдөлгүүрийг эргүүлж асаах хэрэгсэл), уурын хөдөлгүүр (уурын хүчээр хөдөлгөгч машин).
хөдөлмөр [нэр үг]
хэрэгцээгээ хангах зорилгоор байгалийн юмсыг өөрчлөх, тохиромжтой болгох, бүтээгдэхүүн үйлдвэрлэх зэрэг хүний зохистой үйл ажиллагаа, ажил хөдөлмөр өдөр (нэгдлийн гишүүдийн хөдөлмөрийг бүртгэх нэгж), хөдөлмөр хамгаалал (ажилчдын хөдөлмөрлөх нөхцөл, эрүүл мэнд, амьдралын аюулгүй байдлыг хангах техник ариун цэврийн хэм хэмжээг чанд сахин биелүүлэх үйл ажиллагаа), хөдөлмөрийн бүтээмж (үйлдвэрлэлийн явц дахь хөдөлмөрийн үр ашиг), хөдөлмөрийн гавьяаны улаан тугийн одон (үйлдвэр, хөдөө аж ахуй, соёл, шинжлэх ухааны салбар хийгээд улс нийгмийн үйл хэрэгт гавьяа байгуулсан хүмүүст олгох одон тэмдэг), хөдөлмөрийн гэрээ (нэг талаас ажилтан хөдөлмөрийн дотоод журмыг чанд сахиж, тодорхой мэргэжил, мэргэшил, албан тушаалын үүрэгт ажил гүйцэтгэх, нөгөө талаас захиргаа ажилтанд хөдөлмөрийн хууль тогтоомж болон өөртэй нь тохиролцсоноор хөдөлмөрийн хөлс олгох, хөдөлмөрлөх нөхцлөөр хангах тухай харилцан үүрэг авсан хэлэлцээр), хөдөлмөрийн дэвтэр (ажилчин албан хаагчдад өгөх дэвтэр, засаг захиргааны байгууллагаас хийсэн ажил, ажилласан жил, шагнал урамшил, ажилд орох ба гарах, халагдах зэргийг уг дэвтэрт тэмдэглэнэ), хөдөлмөрийн зах (хүн амын хөдөлмөр эрхлэлтийг зохицуулах, ажиллах хүчний өртгийг тодорхойлох байгууллага), хөдөлмөрийн зах зээл (ажлын орон тооны хэрэгцээт мэргэжилтэн ажилчдыг сонгон авч ажиллуулах боломж бүхий салбар), хөдөлмөрийн зохион байгуулалт (материал, хөдөлмөрийн нөөцийг хамгийн үр ашигтай ашиглах, хүний эрүүл мэндийг хамгаалахын зэрэгцээ хөдөлмөрийн бүтээмжийг дээшлүүлэх явдлыг хангадаг зохион байгуулалт, техник эдийн засаг, ариун цэврийн цогцолбор арга хэмжээ), хөдөлмөрийн нөхцөл (үйлдвэрлэлийн явцад хүний бие организмын хэвийн ажиллагаанд шууд, шууд бусаар нөлөөлөх гадаад орчны болон үйлдвэрлэлийн янз бүрийн нөлөөлөл), хөдөлмөрийн сахилга (ажилчдаас хөдөлмөрлөх эрх, үүргээ хэрэгжүүлэхдээ заавал биелүүлбэл зохих тогтоосон журам), хөдөлмөрийн хөлсний доод хэмжээ (тодорхой боловсрол, тусгай мэргэжил үл шаардагдах энгийн ажил гүйцэтгэсэн ажилтанд олговол зохих хөлсний хамгийн бага хэмжээ), хөдөлмөрийн хүмүүжил (нийгмийн тустай хөдөлмөрт хүүхэд багачуудыг дуртай болгох, хүндэтгэх, бас тэдэнд хөдөлмөрийн дадлага олгох хүмүүжил), хөдөлмөрийн хүч (а.хүний оюуны болон биеийн хүч б.хөдөлмөрийн чадвартай хүн), хөдөлмөрийн хуваарь (хөдөлмөрийн үйл ажиллагааны ялгарал, төрөлжилт), хөдөлмөрийн хууль (ажилчин албан хаагчдын хөдөлмөрлөх эрх, үүргийн тухай хууль), хөдөлмөрийн хэвийн бус нөхцөл (хөдөлмөрийн аюулгүй ажиллагаа, эрүүл ахуйн шаардлагын хүрээнд сөрөг нөлөөллийг нь арилгах боломжгүй, хөдөлмөрийн стандартад нийцээгүй ажлын байрны нөхцөл), хөдөлмөрийн хэрэгсэл (а.ажиллах хүч б.эд материал в.үйлдвэрлэлийн багаж хэрэгсэл), хөдөлмөрийн чадвар (аливаа үйл ажлыг амжилттай хийж чадах нөхцөл, чадал), биеийн хөдөлмөр (бие махбодын хүчин чадалд тулгуурлан хийх ажил), оюуны хөдөлмөр (оюун ухаан, бодолд тулгуурлан хийх ажил), ажил хөдөлмөр (хоршоо үг) (хийж бүтээх явдал), хүч хөдөлмөр (хоршоо үг) (хүний хийж бүтээх тэнхээ тамир), хөдөлмөр зүтгэл (хоршоо үг) (үйл ажлын төлөө гаргасан хичээл чармайлт), сурлага хөдөлмөр (хоршоо үг) (сурч мэдэх болоод хийж бүтээх явдал), хичээл хөдөлмөр (хоршоо үг) (юмыг хийж бүтээх, сурах идэвх оролдлого).
хөдөлмөрчин [нэр үг]
биеийн хүчээ үнэлж, орлогоор нь амьдрагч хөдөлмөрчин олон түмэн (ажил хөдөлмөр хийж амьдрагч хүмүүс), хөдөлмөрчин хүмүүсийн аж байдлыг сайжруулах (ажил хөдөлмөр хийж буй хүмүүсийн ажиллах, амьдрах нөхцөл бололцоог сайжруулах).
хөдөөвөр [нэр үг]
хөдөөвөр газар (хүнгүй газар, зэлүүд газар).
хөдрөг [нэр үг]
хөдрөх юм.
хөе [нэр үг]
шовгор өндөрхөн хар чулуу.
хөеө [нэр үг]
зарим мэрэгч амьтны өвөл идшиндээ хэрэглэхээр хураасан хадгалсан өвс ургамал, үр зэрэг юм оготнын хөеө (оготны нөөцөлсөн ургамал голдуу юм), хөеө хураах (оготно өвс ногоо хураах), хөеө ноохой (хоршоо үг) (зарим мэрэгч амьтдын идэш, хучлага дэвсгэрийн өвс).
хөеө [нэр үг]
зарим амьтны хоолойн доод хэсэгт байдаг юм агуулах уут мэт зүйл гүеэ тахианы хөеө (тахианы гүеэ), имжний хөеө (имжний уут) хэрэм, зурам зэрэг амьтны