Нэр үг
оёгч [нэр үг]
оёж хатгадаг хүн.
оёдол [нэр үг]
оёх үйлийн нэр оёдлын машин (оёх үйл хийдэг машин), оёдлын үйлдвэр (оёх ажил эрхэлдэг үйлдвэр), оёдол үйл (хоршоо үг) (үйл үртэс), оёдолгүй эм утасны бармал, уншлагагүй лам
оёо [нэр үг]
оёо соёо (хоршоо үг) (энд тэнд, оочин цоочин, жигд бус байдал), оёо соёо ургасан мод (өндөр нам, урт богино, ийш тийш ургасан мод).
оёо [нэр үг]
оёсон байдал, янз маяг оёо сайтай (оёсон байдал сайн, бөх байгаа нь), цамцны оёо (цамц оёсон байдал), оёо нь ханзрах (оёсон хэсгээрээ салах), оёо хамжаар (хоршоо үг) (эмжээрлэн оёх оёоны нэр).
оёодос [нэр үг]
оёсон хэсэг, ором оёодсоороо салах (оёсон хэсгээрээ салах).
оёос [нэр үг]
оёсон газар, оёдлын ором оёосыг нь тавих (оёсон утсыг нь сугалж авах).
оёх [нэр үг]
зүү ороох (зүүг утсаар ороож оёх уран оёдол) (шилжсэн утга) асууж хоргоох, эгзэгтэй асуулт тавьж гэнэдүүлэн үг алдуулахыг оролдох үгээр ороох (өөтэй үгийг нь ашиглан гэнэдүүлэхээр оролдож хоргоох), ороож асуух (асуултаар шахамдуулан мохоох), хоосон үг хоолой ороох (цэцэн үг) (бодлогогүй хэлж ярьсан зүйлээсээ болж хэрэгт унах).
ожуу [нэр үг]
жингийн тэгнээг тэвхдэх мод, тэмээ ачихад хоёр тэнг хүлж, дээр нь үл алдрах гогцоо гаргаад нэг гогцоог нөгөөд нь углаж гарсан гогцоонд нь оруулах шор мод.
озон [нэр үг]
хүчилтөрөгчийн аллотроп дүрс хувирал озоны давхарга (нарны хэт ягаан туяанаас газар дээрх амьд махбодыг хамгаалах бүрхүүл үүсгэдэг агаар мандлын давхарга).
озоор [нэр үг]
ёзоор, уг уурганы озоор (уурганы бөгс), модны озоор (модны ёзоор), озоор сахал (ооч сахал).
ой [нэр үг]
мод бүрхэн ургасан газар аглаг ой (хүн явах нь ховор, мод ихтэй зэлүүд газар), балар ой (битүү ой), бөглүү ой (алс хол, зэлүүд ой), харанхуй ой (өтгөн шигүү модтой, нарны тусгал муу газар), тачир ой (сийрэг модтой хэсэг газар), өтгөн шигүү ой (мод ихээр багшран ургасан газар), бургасан ой (бургас мод их хэмжээгээр ургасан хэсэг газар), улиасан ой (улиас мод их ургасан хэсэг газар), нарсан ой (нарс модтой газар), халхавч ой (үер, ган, салхи, шуурга, элс шороо зэрэг байгалийн элдэв гамшгаас сэргийлэхээр ургуулсан хэсэг мод), ой сүйтгэх (ойн мод, ургамал зэргийг тасдах, хог тарих), ой хамгаалагчойн цагдааойн сахиул (ой модыг харж хамгаалах үүрэг бүхий хүн), ойн жим (ой дахь нарийн зам), ойн эзэн (а.ойг хариуцан эзэмшигч б.ойн буг бурхад) ойн зах (модтой газрын хаяа), ойн цоорхойойн чөлөө (ойн дунд сийрэг модтой хэсэгхэн газар), ойн зурвас (тариалангийн талбай, цэцэрлэг, барилга, байгууламжийг хамгаалах зорилгоор хэд хэдэн эгнээгээр цувуулан тарьсан мод), ойн нөөц (ой мод ба ой дахь үслэг ан амьтан, жигүүртэн шувууд, мөөг, жимс, эмийн ургамал зэргийн нөөц), ойн таримал (ойн захаар зориуд тарьсан ургамал), ойн түймэр (ой шугуйд гарсан гал түймэр), ойн цэцэрлэг (ургамал, мод элбэг болоод устай, цэцэг навч дэлгэрсэн газар), ойн хэрмэл (ойд тэнүүчлэн амьдардаг хүн), ойн аж ахуй (ой мод үржүүлэх, ашиглах газар), ой ашиглалт (ойн баялгийг иж бүрэн ашиглах явц), ой мод (хоршоо үг) (уул хөдөөд ургасан их мод), ой хөвч (хоршоо үг) (аглаг битүү ой тайга), ой тайга (хоршоо үг) (өтгөн шигүү, аглаг ой мод), ой шугуй (хоршоо үг) (багширч өтгөн ургасан модорхог газар, өргөн уудам газарт үргэлжлэн ургасан модод), олон хүн хүчтэй, ой мод нөмөртэй (зүйр үг) (олон түмэн хэнд ч үл дийлдэнэ), ойн үхэр бөөрөлзгөнө (ургамал судлал) (шаравтар навчтай, жимс үхэр бөөрөлзгөнөтэй адил).
ой [нэр үг]
бүтэн өдөр хоног, сар, жил болох хугацаа далан насны ой (далан нас хүрсний баяр), их сургуулийн тавин жилийн ой (их сургууль байгуулагдаад тавин жил болсныг тэмдэглэх өдөр), ойн баярын өдөр (ямар нэгэн тэмдэглэлт үйл явдал болсон баярын өдөр), ойн баярыг тэмдэглэх (ямар нэгэн баярт өдрийг эргэн дурсаж тэмдэглэх), ой хүрэх (хүүхэд нэг нас хүрэх), ойноосоо өнгөрөх (нэг нас гарантай болох), ой ойн дээрээ гарах (нэг насны зөрүүтэй байх, төрөх).
ой [нэр үг]
сэтгэн бодох, тогтоон цээжлэх чадвар ой сайн (тогтоох цээжлэхдээ сайн, оюуны чадвар өндөр), ой муу (тогтоон цээжлэх чадвар сул, оюуны чадвар муу), ойд орох (ухаан санаанд сэрэгдэн мэдрэгдэж бодогдох), ойд багтахгүй (оюун ухаанаар бодож олохгүй, санаанаас гадуур зүйл), ой алдрах (хүний танин мэдэх, тогтоох, хадгалах, эргэн санах чадвар муудах, өөрчлөгдөх), ой билиг (хоршоо үг) (оюун ухаан) ой ухаан (хоршоо үг) (юмс үзэгдлийг таньж мэдэх, ухаарч ойлгох, дүгнэх чадвар), ой ухаан доройтох (ухаарч ойлгох, сэтгэн бодох чадвар удаашран муудах), ой той (хоршоо үг) (ухаж сэрэх чадвар, ухаан санаа), ой тойнд орох (а.сайн ухаарагдах б.санаанд нийцэх, тохирох), ой тойндоо оруулах (ямар нэгэн зүйлийг ухаарч сэхээрэн мартахааргүй болох), ой тойнд үлдэх (ямар нэгэн зүйл хэзээ ч үл мартагдахааргүй болох), ой тогтоолт (хоршоо үг) (юмыг цээжлэх, тогтоох чадвар), ой мод олон бол нутгийн чимэг, ой ухаан сайн бол насны чимэг (зүйр үг) (ой модтой газар нутагтаа үзэсгэлэн болох, оюун ухаан сайтай хүн насаараа бусдад хүндлэгдэх).
ой [нэр үг]
жигшин зэвүүрхэх сэрэл ой сайтай (а.оюуны чадвар өндөр б.хэр баргийн зүйлээс жигшин зэвүүрхдэггүй), ой муутай (а.оюуны чадвар сул б.амархан жигшин зэвүүрхэж байгаа нь), ой гутах (муухай юмыг үзэх, амтлах, үнэрлэх зэрэгт дургүй хүрч бөөлжис хүрэх).
ой [нэр үг]
ой загас (амьтан судлал) (бие моголцог хэлбэртэй, цээжиндээ сэлүүртэй, усан дээгүүр халин явдаг нэг зүйлийн загас).
ойл [нэр үг]
бодосын нэг чигт эргэлдсэн хүчиндээ эрчлэн босох үзэгдэл ойл гүйдэл (түргэн хувьсаж байгаа соронзон орны үйлчлэлээс болж, дамжуулагчид буй болсон цахилгаан гүйдэл), усны ойл (усны хоролзон эргэлдэх газар, усны эргүүлэг), ойл эргүүлэл (хоршоо үг) (нэг чигт хүчтэйгээр эрчлэн урсах үзэгдэл).
ойл [нэр үг]
ооль.
ойл [нэр үг]
хүн, амьтны үсний налран эргэлдсэн хэсэг толгойн ойл (үсний эргүүлэг).
ойлбор [нэр үг]
тодорхойлон бичсэн бичиг, тэмдэглэл ойлбор судар (хоршоо үг) (тодорхойлон бичсэн тэмдэглэл бичгүүд).
ойлго [нэр үг]
юмны анхныхаа зүг чигийг өөрчлөх байдал, ойлт гэрлийн ойлго (тархаж буй гэрэл юманд тусч тулаад буцаж дээш ойх үзэгдэл).