Нэр үг
имиж [нэр үг]
хүн, хүний үйл ажиллагааны тухай тодорхой ойлгоц өгөхүйц төсөөллийг илтгэн харуулах цогц дүр нүүр царай, дүр төрх имиж бүрдүүлэх (тодорхой дүр төрх бүрдүүлэх).
имижмекер [нэр үг]
дүр төрх бүтээгч хүнийг олны танил болгохоор бусдын анхаарал татахуйц өвөрмөц дүр төрх бүрдүүлж өгдөг мэргэжилтэн.
имнэгч [нэр үг]
имнэх үйлийг гүйцэтгэгч.
империализм [нэр үг]
шинэ дайны аюулыг бий болгож бусдын нутаг орныг эзлэх, бусад ард түмнийг мөлжих, борлуулалтын зах зээл, түүхий эдийн эх булагийг олж авахын төлөө зарим орнуудын хоорондох тэмцэл капитализмын хамгийн сүүлчийн шат.
импорт [нэр үг]
гадаад орноос оруулсан бараа таваар импорт оруулах бодлого (эдийн засагт бүтцийн өөрчлөлт хийснээр гадаадын бүтээгдэхүүнийг байнга оруулах бодлого), импортын татвар (гадаадаас оруулж байгаа бараанд улсаас тогтоосон татвар), импортын хувь хэмжээ (гадаадаас оруулах бараанд засгийн газраас тогтоосон тоо хэмжээ, хязгаар) улс оронд оруулж ирсэн нийт бараа таваарын дүн болон өртөг.
импортлогч [нэр үг]
гадаадаас бараа нийлүүлэгч.
импорточ [нэр үг]
гадаадаас бараа таваар оруулах ажилт(ангийн нэр томьёо)
импрессионизм [нэр үг]
сэтгэлгээний урлагийн үзэл.
импрессионист [нэр үг]
сэтгэлгээний урлагийг баримтлагч.
имрэлдээ [нэр үг]
имрэлдсэн юм даахины имрэлдээ (даахины имрэлдсэн хэсэг).
имсгэл [нэр үг]
харвуулын нэгэн суманд өдлөх гурван хошуу өдний нэг нэгэн имсгэл өд (сумны тэнцвэржүүлэгч нэгэн хошуу өд) санаа явдлын харилцан нийц, нэг амьсгалт санаа нэг имсгэлтэй хүмүүс (нэг санаа бодолтой хүмүүс).
имсгэл [нэр үг]
нүүрт түрхэх энгэсэг, оо оо имсгэл (хоршоо үг) (оо энгэсэг).
имхэрдээс [нэр үг]
имхэрдсэн зүйл, утас зэргийн имхэрдсэн хэсэг.
имэрсэн [нэр үг]
дарь үсэргэхийн зэрэгт гал асаах дарьтай хольсон цаас даавуу бялт. имэйл (нэр үг) цахим шуудан, интернетийн шугамаар илгээх, хүлээн авах захидал имэйл бичих (цахим захиа бичих).
ин [нэр үг]
том дугариг хавтгай чулуун тосгуур дээр чулуун булыг өнхрүүлэн эргүүлж амуу тариа цайруулж талхлах багаж чулуун тээрэм ингийн аяга (ингийн гол дахь амуу гоожуулахаар хийсэн дугуй буюу дөрвөлжин сав), ингийн арал (ингийн булыг тогтоох болон хөдөлгөхөөр ингийн гадуур бэхэлсэн модон хүрээ), ингийн бул (ингийн тосгуур дээрх өнхрүүл чулуу), ингийн гол (ингийн хүйсэнд босгон хийсэн ингийн тосгуур бул хоёрыг холбогч мод юмуу, төмөр), ингийн дугариул (ингийн бул), ингийн зүрх (ингийн булын хоёр талын нүхэнд тус бүр тохируулан суулгасан төмөрлөг углуур эрхий хүйс), ингийн зүтгүүр (ингийн булын тэнхлэгийн үзүүр, булын арлын урт үзүүр юмыг индэх үед зүтгэх хөдөлгөхөд хэрэглэх дөрвөлжин мод), ингийн тосгуур (ингийн гол бие болох том дүгрэг хавтгай чулуун тавиур), ингийн хүйс (ингийн тосгуурын төв дэх ингийн голыг суулгах нүх), тарианы ин (тариа цайруулах чулуун тээрэм), ингээ буулгаад илжгээ алах (зүйр үг) (хэрэглэсэн хойноо сул хаях).
ин [нэр үг]
ямар нэг зүйлийг хийх, үйлдэх дон, дур хорхой ангийн ин (ангийн дур хүсэл, ан агнах хорхой), хулгайн ин (хулгайн дон).
ин [нэр үг]
дорно дахины хүндийн хэмжээ, хоёр дан нь нэг ин болно.
ингүүмэл хөгжим. [нэр үг]
нэг зүйл хөгжмийн зэмсэг.
ингэмэл [нэр үг]
нэг зүйл торго.
индекс [нэр үг]
заалт, хэлхээ, жагсаалт үгсийн индекс (үгсийн хэлхээ) үйлдвэрлэлийн хэмжээ, үнэ зэрэг эдийн засгийн аливаа салбарт гарсан тууштай өөрчлөлт, үзэгдлийг хувиар илэрхийлсэн тоон заалт үнийн индекс (үнийн тоон үзүүлэлт).