Үйл үг
хөвхрөх [үйл үг]
идээний зүйлийн дотоод ялзран зөөлрөх мах хөвхрөх (мах ялзрах, муудах).
хөвхрөх [үйл үг]
уяж хагсаасан морины хагсаал тохирохгүй сулрах, муудах морь хөвхрөх (хагсаасан морь муудах, морь хагсах).
хөвчдөх [үйл үг]
уул нуруу хэтэрхий өндөр, ой мод хэтэрхий балар учир хүн амьдрахад тохиромжгүйдэх.
хөвчдөх [үйл үг]
хөвчилж алах зан үйл гүйцэтгэх, хөвчлөх хөвчдөн алах хуучир. (хүний хүзүүнд дээс хөвчний зэргийг торгож мушгин нурууг нь махийлган нугасыг нь тасалж үхүүлэх).
хөвчдөх [үйл үг]
хөвөн, ноос үс зэргийг нумны хөвчид онуулан тавьж, хөвчийг хөдөлгөн сэмчүүлж боловсруулах, унгас нумдах ноос хөвчдөх (ноосыг хөвчөөр сэмчин задалж боловсруулах).
хөвчлөх [үйл үг]
нуманд хөвчийг торгож тогтоох нум хөвчлөх (нумын хөвч татах).
хөвчлөх [үйл үг]
хүч чадлаа дайчлах, шавхах хүчээ хөвчлөн ажиллах (бүхий л хүчээ дайчлан ажиллах), сэтгэл санаагаа хөвчлөх (бодол санаагаа зөвхөн хийж буй зүйлдээ төвлөрүүлэх, оюун ухаанаа дайчлах).
хөвчлөх [үйл үг]
юмыг тэлж татах тахилзуурын шөрмөс хөвчилж татах (тахилзуурын шөрмөс тэлж татах) хуучир. хүний хүзүүнд дээс хөвчний зэргийг торгож мушгин нурууг нь матийлган нугасыг нь тасалж хороодог цаазлах зан (үйл үг)
хөвчлөх [үйл үг]
уулын хөвчийг хэцэлж ташиж зайдаж явах уул хөвчлөх (уул таших).
хөвчрөх [үйл үг]
хөвч мэт татах шөрмөс хөвчрөх (хөлийн шөрмөс татсанаас тахилзуур тахийх) булчин шөрмөс чангарах эр бэлгэ эрхтний хөвчирхий чангарч босох.
хөвших [үйл үг]
залгах.
хөгжимдөх [үйл үг]
хөгжмийн зэмсэг хэрэглэж, зүйл бүрийн эгшиг зохицуулах хөгжимдөж дуулах (хөгжим тоглож дуулах).
хөгжимлэх [үйл үг]
хөгжмийн зэмсгээр тоглох, хөгжмөөр хичээллэх.
хөгжих [үйл үг]
бадрах, дэгжих, цэцэглэх хөгжин боловсрох (дэгжин дээшлэх), өрнөн хөгжих (а.боловсрох, сайжрах, дэлгэрэх б.өсөх, нэмэгдэх, олшрох), салхи хөгжих (салхи дэгжин гарах), цэцэглэн хөгжих (бадран мандах), хөгжих мандах (хоршоо үг) (дэвшин дээшлэх) баясах, хөөрөх сэтгэл хөгжих (сэтгэл баясах, хөөрөх), хөөрөх хөгжих (хоршоо үг) (хүний сэтгэл хөгжин догдлох, бах болох), хөхөх хөгжих (хоршоо үг) (хүний сэтгэл догдлон баясах) (шилжсэн утга) асах, бадрах, дүрэлзэх гал хөгжих (гал улам бадран асах), урам хөгжих (урам орох, зоригжих).
хөгжөөх [үйл үг]
бадраах, дүрэлзтэл асаах гал хөгжөөх (гал бадраах, галыг улам дүрэлзтэл нь асаах) хөгжөөнтэй болгох сэтгэлийг нь хөгжөөх (сэтгэлийг нь баясгах), хөгжөөн дэмжигч (өөрийн дуртай спортын төрөл, урлагийн урсгал чиглэл, түүгээр дагнан мэргэшиж амжилт гаргасан хүн зэргийг чин сэтгэлээсээ дэмжин талархагч) хөгжүүлэх дэлгэрүүлэн хөгжөөх (сайжруулах, цэцэглүүлэн хөгжүүлэх).
хөглийх [үйл үг]
навсайх, нэвсийх (шилжсэн утга) эх зах нь харагдахгүй үргэлжлэх (шилжсэн утга) эмх замбараа нь алдагдах гэр орон хөглийх (гэр орон эмх замбараагүй болох).
хөглөрөх [үйл үг]
ачаа бараа унах, чирэгдэх.
хөглөрөх [үйл үг]
эмх замбараагүй, ундуй сундуй болох хөглөрсөн айл (үймж шуугисан эмх замбараагүй айл), юм нь хөлөөр хөглөрөх (хамаг юм нь ундуй сундуй болон хөлд тээглэх) (шилжсэн утга) мал сүрэг багшрах олон мал хөглөрөн бэлчих (багширсан олон мал бэлчих) (шилжсэн утга) гэлдрэх хөглөрөн хөдөлж явах (хөдөлж ядан гэлдрэх).
хөглөх [үйл үг]
хөгжмийн аялгууг тохируулан найруулах, хөг тааруулах хөгжим хөглөх (хөгжмийн зэмсгийн хөг тааруулах).
хөглөх [үйл үг]
хүний осол эндэгдэл их болж ичгүүртэй болох хөглөх шахах (ичгүүртэй юм болох шахах).