Үйл үг
ховорших [үйл үг]
ховор шинжтэй болох, улам ховор болох сүү ховорших (сүүний хэмжээ багасах, сүүний олдоц муудах).
ховсдох [үйл үг]
ховс үзүүлэх, илбэ үзүүлэх ховсоор эмчлэх итгүүлэн сэнхрүүлэх замаар хүний үйл хөдлөл, мэдрэлийг жолоодох.
ховсдох [үйл үг]
ховс хөгжмөөр тоглох.
ховслох [үйл үг]
илбэ ховс гаргах, ховсдох.
ховсрох [үйл үг]
хоёр тийш ховлох, хүний хооронд хов зөөж үймүүлэх. ховсч(ин) (нэр үг) ховсод мэргэшсэн хүн.
ховтох [үйл үг]
биед шим тэжээл дутагдсанаас хоол унданд маш дурлах.
ховхидох [үйл үг]
юмыг ухаж ховхиор засах юманд ховил гаргах.
ховхийх [үйл үг]
харвасан годил ойр тусах чимээ сонстох харваж онох байдал мэдэгдэх ховхийтэл онох (шав хийтэл харваж онох) үйлийг шуурхай гүйцэтгэх ховхийтэл одох (ихэд шуурхай явж одох), ховхийтэл суух (түргэн шаламгай суух, суух үй лийг шаламгай гүйцэтгэх).
ховхинох [үйл үг]
ийш тийш үймцэн гүйлдэх та нар битгий ховхиноод бай (ярианы үг, хэллэг) сэтгэл тавгүйрхэн байж ядах.
ховхлох [үйл үг]
ховх татах, наалдсан барилдсан юмыг салгах шигтгээ ховхлох (шигтгээ сууринаас нь салгах), хөрзөн ховхлох (хөрзөн бууцнаас салгах), будаг ховхлох (наалдсан будгийг салгах, холцлох).
ховхолзох [үйл үг]
хотолзох хондлой нь ховхолзох (ууцан хэсэг нь хотолзох, хотос хотос хийх).
ховхрох [үйл үг]
юмны наалдсан барилдсан газраас салж, хуурч унах, хөндийрөх наасан цаас нь ховхрох (наасан цаас нь хуурах, ховхорч ирэх), цэр ховхрох (ханиахад цэр гардаг болох) (шилжсэн утга) дургүй зүйлээсээ арайхийн ангижрах, салах ажил дээрээсээ арайхийж ховхрох (дургүй байсан авч арайхийж хийж дуусгах).
ховхчих [үйл үг]
олныг ховхлох, байн байн ховхлох.
ховчдох [үйл үг]
дэндүү ховч байх, ховчийн учир зохисгүйдэх.
ховчирхох [үйл үг]
ховч зан гаргах.
ховчлох [үйл үг]
ховлох.
ховших [үйл үг]
хөхөө шувуу донгодох (шилжсэн утга) хов яриа нь хэтрэх, дэндэх, дур зоргоороо чалчих.
хогжрох [үйл үг]
холцрох, ховхрох, хуурах хаг нь хогжрох (хаг нь холцрох, хуурах).
хогжруутах [үйл үг]
хогжруутай болох яр шарханд тав суух.
хогислох [үйл үг]
хогисыг нь авах.