Үйл үг
банталзах [үйл үг]
бантгар юмны байн байн хөдлөх.
бантах [үйл үг]
ихэд мэгдэн будлин самуурах бантаж будлих (самууран будлих), бантах будлих (хоршоо үг) (мэгдэн будлих) буруу зүйл хийснээсээ болж айж эмээн гэрэвших.
бантгардах [үйл үг]
хэтэрхий бантгар болох.
банхайх [үйл үг]
амьтны толгой, хошуу зэрэг аль нэг зүйл нь банхгар том болох, бүдүүрэх хошуу банхайх (хошуу нь банхгар болох), хүзүү нь банхайх (хүзүү нь бүдүүрэх).
банхалзах [үйл үг]
банхгар юмны байн байн хөдлөх.
банхардах [үйл үг]
хэтэрхий банхар болох гутал банхардах (гутал хэт банхайх).
банхганах [үйл үг]
банхгар юмны үргэлжлэн хөдлөх.
банхгардах [үйл үг]
хэтэрхий банхгар байх.
бараагнах [үйл үг]
барайн харагдах, барайх бараагнан харагдах (барайн харагдах) (шилжсэн утга) дотоод эрхтэн төөнөрөн өвдөх дотор бараагнах (дотор харлах).
бараадах [үйл үг]
дагаж ойролцоо явах адуу бараадах (адуу дагах), хүн бараадах (хүний хань болж ойр явах) хань татах, түшиглэх айл бараадах (айл түшиглэх), ах дүүгээ бараадах (ах дүүгээ түших) алсаас бараа харж явах мал бараадан явсаар айлын бараа харах (малын бараа харж явсаар айлд ирэх).
бараадах [үйл үг]
хэтэрхий бараан болох өнгө нь бараадах (барлайж харагдах).
бараадах [үйл үг]
алсын бараа харах.
бараалах [үйл үг]
аливаа юм харлаж харагдах, бараан болох газар бараалах (газрын цас хайлж бараантах, харлах) бараан болгох, хар бараан болгох.
бараалах [үйл үг]
холын бараа ширтэх.
бараандах [үйл үг]
хэтэрхий бараан болох даавуу бараандах (даавуу хар бараан өнгөтэй байх), өнгө нь бараандах (өнгө нь хэтэрхий харавтар байх).
бараантах [үйл үг]
бараан болох, харлах газар бараантах (газар харлах), нутаг бараантах (нутаг харлах), эрээнтэх бараантах (хоршоо үг) (а.эрээн бараан харагдах б.хаврын цас цоохортон харагдах).
барагдах [үйл үг]
дуусах барагдах аргагүй (шавхагдах аргагүй, дуусашгүй), арга нь барагдах (а.арга чарга дуусах б.арга олох гээд ядах), барагдахгүй ажил (дуусашгүй ажил), тоолж барагдахгүй (тоолшгүй их), мах барагдахад богтос ахлах (тэргүүлэх сайн нь үгүй бол шаар муу зүйл газар авч, үнэд хүрдэг).
бараглах [үйл үг]
ихэвчлэх, дуусгахыг дөхөх ажлаа бараглах (ажлаа бараг дуусгах, ихэнхийг нь хийж дуусгах), бараглаж түрүүлэх (түрүүлэх шахах) тоймлох, барагцаалах бараглан мэдэх (ерөнхий тоймыг нь мэдэх), бараглан шийдвэрлэх (барагцаалж шийдэх).
барагцаалах [үйл үг]
баримжаалах, бүдүүвлэх, тоймлох малаа барагцаалах (малаа тоймлон бүртгэх), хүнээ барагцаалах (хүнийхээ мөс чанарыг тоймлох).
барагцаах [үйл үг]
багцаалах, тоймлох баримжаалах газраа барагцаах (газраа багцаалан тоймлон мэдэх).