Үйл үг
тогтуурших [үйл үг]
тогтворших.
тогтширох [үйл үг]
тогтох шинж байдал орох.
тогтших [үйл үг]
тогтох шинж орох.
тогших [үйл үг]
зөөлөн цохих алхаар тогших (алхаар зөөлөн цохих), гараар тогших (гараар зөөлөн цохих), хаалга тогших (а.хаалга зөөлөн цохих, тонших б.(шилжсэн утга) ямар нэг таагүй үзэгдэл, үйл явдал тулж ирэх), тогших алхаа (тог тог тогшин дуугаргах алхаа).
тогших [үйл үг]
зэрлэг амьтан юмны чимээ, үнэр авч сэрж зайлах тогшиж одох (ан гөрөөс үнэр, чимээ авч зайлж одох).
тогших [үйл үг]
ойр ойрхон нүүж бэлчээр сэлгэх.
тогшуурдах [үйл үг]
тогшуураар тогших, тоглох. тогшуурч(ин) (нэр үг) тогшуур тогших хүн.
тоддох [үйл үг]
хэтэрхий тод болох, дэндүү тод учир тохиромжгүйдэх тоддож харагдах (хэтэрхий тод харагдах).
тодлох [үйл үг]
тод болгох, тодруулах.
тодорхойлогдох [үйл үг]
бусдын хэлсэн, ярьснаар тодорхой болох, тодорхойлолт нь гарах.
тодорхойлох [үйл үг]
илэрхий болгох, тодорхой болгох, тодорхойлолт өгөх шалтгааныг нь тодруулах (тухайн хэрэг явдлын гарах болсон учрыг тодорхой болгох, үүсгэл холбогдлыг нь илрүүлэх), мөн чанарыг тодорхойлох (тухайн юмс үзэгдлийн уг шинжийг тодруулах, илрүүлэн гаргах), хэрэг явдлыг тодорхойлох (тухайн хэрэг явдалтай холбоотой бүхий л зүйлийг тодорхой болгох), тодорхойлон заасан зүйл (тодорхой болгон заасан зүйл) бичих, хэлэх зэргээр учир байдлыг нарийн тоочих тодорхойлж бичих (учир байдлыг тоочин тодорхой бичих), тодорхойлон гаргах (учир байдлыг илтгэн гаргах).
тодосгох [үйл үг]
улмаар тод болгох дүрсийг нь тодосгох (юмны дүрсийг нь улам тод болгох), өнгийг нь тодосгох (юмны өнгийг нь улам тодруулах, өнгийг нь улам тод болгох).
тодотгох [үйл үг]
өнгө будгийг тод болгох, тодорхой болгох тодотгож будах (тухайн зүйлийн өнгө, дүрсийг тодруулан будах, тод болгож будах) хэлсэн, ярьсан, хийсэн зүйлийнхээ утга санааг ил, илт болгох утга санааг нь тодотгох (утга санааг нь тодруулж өгөх, утга санааг нь тод болгох, утга санааг нь илт болгох), хэрэг явдлыг нь тодотгох (болсон хэрэг явдлыг тодруулах) (хэл шинжлэл)өгүүлбэрт нэг гишүүн нь нөгөөгийнхөө шинж чанар, хэлбэр дүрс, тоо хэмжээг тодотгон заах өгүүлэгдэхүүнийг тодотгох (тухайн өгүүлбэрийн, өгүүлбэрийн эзнийг тодотгон заах).
тодрох [үйл үг]
хэлбэр дүрс, бараа сураг нь бүдэг байсан зүйл тод болох бараа тодрох (юмны бараа, дүрс тод болох), тодрон үзэгдэх (юмны өнгө, дүрс улам тод үзэгдэх) (шилжсэн утга) утга санаа нь илт, илэрхий болох, ил гарах утга санаа нь тодрох (утга санаа нь ил болох, утга санаа нь тодорхой болох), учир нь тодрох (учир нь ойлгогдох, учир нь ил болох) хүний ааш аяг, сэтгэлийн янз байдал илрэх хуучир. хутагт хувилгаадын хойд дүр гарах хойд дүр тодрох (хутагт хувилгаадын хойд дүр нь илрэх, хойд дүр нь төрөх).
тодтох [үйл үг]
улам тод тодорхой болох.
тодчилох [үйл үг]
тодруулах, тод болгох тод үсгээр бичих, тод үсгээр хөрвүүлэх.
тожгонох [үйл үг]
тожгор юмны үргэлжлэн хөдлөх можгонох тожгонох (хоршоо үг) (можгор тожгор юмны үргэлжлэн хөдлөх) бага жижиг биетэй хүн, мал, амьтны ойр ойрхон хөнгөн түргэн алхах илжиг тожгонох (илжиг ойр ойрхон хөнгөн гишгэлэн хурдан явах) тор тор гэх чимээ гарах хатсан талх тожгонотол мэрэх (хатсан талх тор тор хийтэл дуугарган мэрэх) юмны хатуу, хатанги байдалтай болох.
тожгордох [үйл үг]
хэтэрхий тожгор болох, хэтэрхий тожгор учир тохиромжгүйдэх.
тожийх [үйл үг]
тожгор болох, тожгор харагдах сүүл нь тожийх (сүүл нь тожгор болох).
тожилзох [үйл үг]
тожгор юмны байн байн хөдлөх.