Үйл үг
ичгийлэх [үйл үг]
ичиг ичиг гэх, ичээх.
ичиглэх [үйл үг]
ичгүүртэй явдал гаргасан хүнийг ичиг ичиг хэмээн цохон зааж, хурууг гараа сарвагануулах дооглож шоглох ичээх, шоглох.
ичиглэх хуучир. [үйл үг]
ичих, ичээндээ орох могой ичиглэх (могой ичээндээ орох).
ичимхийдэх [үйл үг]
хэтэрхий ичимхий болох.
ичимхийрэх [үйл үг]
ичимхий зан гаргах.
ичингүйрхэх [үйл үг]
ичингүй зан байдал гаргах.
ичингүйрэх [үйл үг]
ичих байдал гаргах.
ичих [үйл үг]
буруушааж шоовдорловол зохих хэрэг явдалд сэтгэл зовних худал хэлсэндээ ичих (худал хэлсэндээ зовох), ичсэндээ нүүр нь улайх (сэтгэл зовсондоо нүүр улайх), айх ичих (хоршоо үг) (а.айн сандрах б.бусдын өмнө эрээлэх, санаа зовох), ичих эмээх (хоршоо үг) (а.сэтгэл зовж нэрэлхэх б.бусдын үг сургаалыг дааж биелүүлэхийн төлөө хичээх, ичих нүүр (ичих сэтгэл, зохисгүй явдалд санаа зовнин нүүр улайх байдал), ичих нүүрэндээ илэг наах (зүйр үг) (ёс журамгүй үйл үйлдээд түүндээ санаа зовохгүй байх, эрээ цээрээ алдах), ичсэн хүн хүн алах, айсан хүн айл эвдэх (зүйр үг) (хүн ихэд ичиж сандарвал юу ч хийхээс буцахгүй).
ичих [үйл үг]
зарим амьтад хүйтний улирлыг нүхэнд өнгөрөөх, унтаа байдлаар өвлийг өнгөрүүлэх баавгай ичих (баавгай ичээндээ орох), тарвага ичих (хүйтний улиралд тарвага ичээндээ орж хоргодох).
ичлэх [үйл үг]
өт, шавж мэтийн юм бөөнөөр овоорон хөдлөх шоргоолж нүхнийхээ ам дээр ичлэн байх (шоргоолж нүхнийхээ ам дээр шавааралдан бужигнаж байх).
ичүүрэх [үйл үг]
ичгүүрэх.
ичээлэх [үйл үг]
амьтны ичээндээ орох, ичих өвөл ичээлдэг амьтан (өвөл болохоор ичээндээ ордог амьтан), ичээлсэн луу, үүрлэсэн барс (зүйр үг) (хүчин чадалт эрдэмтэн мэргэдийг магтан сайшаасан хэллэг) (шилжсэн утга) гэр оронд хүний байнга орогнон хэвтэх, байх.
ишдэх [үйл үг]
юмны иш бариулаас барих.
ишиглэх [үйл үг]
ямаа үр төл гаргах ухнанд явсан хүү ямаа ишиглэсэн хойно ирэх (зүйр үг) (ажил үйлд дэм болохоор явсан хүн ихэд удаж ажил үйл дууссаны хойно ирэх).
ишлэх [үйл үг]
иш халаг гэж шогшрох.
ишлэх [үйл үг]
зохиол өгүүллээс иш баримт болгон авах, бичих.
ишлэх [үйл үг]
юманд иш бариул хийх сүх ишлэх (сүхэнд иш хийх), хутга ишлэх (хутганд бариул хийх), буруу ишилсэн сүх шиг (зөрүүд муйхар зантай) мод, ургамлын иш урган гарах.
иштэх [үйл үг]
өвс, ургамлын иш урган гарах.
календарчлах [үйл үг]
өдөр өдрөөр ажлаа урьдчилан зохицуулах календарчилсан төлөвлөгөө (хийх ажлаа өдөр, сараар нарийвчилсан төлөвлөгөө).
кальцижих [үйл үг]
кальциар баялаг болох.