Нэр үг
яршиг [нэр үг]
саад төвөг, ярвиг яршиг төвөг (хоршоо үг) (саад бэрхшээл, тээр садаа), яршиг төвөг болох (саад, төвөг болох). яршиг уршиг (хоршоо үг) (саад төвөг), ядаж байхад яршиг болох (цэцэн үг) (ажил үйлийг арай чамай хийж байхад нэмж тээг болох) тээршээх, төвөгшөөх зэрэгт хэлэх үг за, за яршиг. (ярианы үг, хэллэг)
яршил [нэр үг]
ярших үйлийн нэр, ярших нь.
яс [нэр үг]
өөрөөсөө хэд хэдэн овог, үржвэр салбарлуулсан язгуур том овог яс угсаа (овгоос яс үүсэн гарч, яснаас шинэ салаа мөчир урган гарахад тэдгээр дам салбарлагчид ясанд тооцогдоно), ясан төрөл (эцгийн төрөл ба эцгийн талын өв өмч, гал голомт нэгтэй нэгэн өвгөөс гаралтай бүлэг хүмүүс), яс угсаа (хоршоо үг) (үндэс угсаа), яс үндэс (хоршоо үг) (овог үндэс, удам угсаа), яс үндсээ мэдэх (овог үндэс, удам угсаагаа мэдэх), яс махны тасархай (төрөл садан), мах ясны холбоотой (ураг төрлийн холбоотой).
яс [нэр үг]
юмны чанар, эдэлгээ яс муутай эд (чанар, эдэлгээ муутай эд, эдлэл) хүний мөс, ханилгаа хүний ясаар муу хүн (хүний мөсгүй, ханилгаагүй хүн), яс сайтай (а.бие сайтай б.хүний мөс чанар сайтай), ясаа гаргах (хүний сайн муу чанар байдал илрэх), яс мөс (хоршоо үг) (яс чанар), яс чанар (хоршоо үг) (юмны чанар чансаа), яс сайт яван чангардаг (цэцэн үг) (сайн юмны чанар яваандаа мэдэгддэг).
яс [нэр үг]
шинэ ясан шүд (а.арван хоёр настай адууны шүд б.арван хоёр настай адуу), хуучин ясан шүд (а.арван дөрвөн настай адууны шүд б.арван дөрвөн настай морь), ясан дөш (а.хорин гурван настай тэмээний шүд б.хорин гурван настай тэмээ), ясан шүд (а.арван гурван настай адууны шүд б.арван гурван настай адуу, морь).
ясжил [нэр үг]
ясжих үйлийн нэр ясжил муутай (ясжих нь муу).
ясли [нэр үг]
хүүхэд асрах, бөөцийлөх газар хүүхдээ яслид явуулах (хүүхдээ хүүхэд асрах газар явуулах), ясли цэцэрлэг (хоршоо үг) (бага насны хүүхэд асарч бөөцийлөх газар).
ястан [нэр үг]
аймгууд үүссэний дараа, үндэстэн бий болохоос өмнө түүхэн ёсоор бүрэлдэн тогтдог хүмүүсийн хэл, газар нутаг, эдийн засаг, соёлын нийтлэг байдал үндэстэн ястан (хоршоо үг) (нэг хэл яриа, нийтлэг ёс заншил бүхий бүлэг хүмүүсийн ерөнхий нэр).
ясчин [нэр үг]
яс баригч, хүүр оршуулдаг хүн ясчин хүн (хүүр оршуулдаг хүн).
ятав [нэр үг]
ятав татав (хоршоо үг) (ятгар татгар юмны хоромхон зуур хөдлөх байдал), ятав татав хийх (ятгар татгар юмны язав шазав хийн хөдлөх).
ятвага [нэр үг]
ятвага ятвага (ятгар юмны олонтоо хөдлөх байдал) ятвага ятвага хийх (ятгар юмны үргэлжлэн хөдлөх).
ятга хөгжим. [нэр үг]
ахуй ятгаас бяцхан, арван дөрвөн чавхдсанд тэвх тулж хөгжимдөх, чавхдаст товшуур хөгжмийн зэмсэг ятга тоглох (ятга хөгжим хөгжимдөх), ятгын эгшиг (ятга хөгжмийн аялгуу), агуу их ятга (хорин таван чавхдасанд тэвх тулж хуурдах, монголын эртний хөгжмийн зэмсэг), босоо ятга (олон чавхдаст товшуур хөгжмийн зэмсэг), ятга бишгүүр (хоршоо үг) (хоёр төрлийн хөгжим), ятга мигмин (хоршоо үг) (ятга хөгжим),
ятгагч [нэр үг]
ятгаж ухуулдаг хүн.
ятгал хуучир. [нэр үг]
үйл хэргийн учир холбогдлыг дурдан сануулж засч залруулах үйлийн нэр ятгал үг (засч залруулах үг), ятгал сэнхрүүлэл (хоршоо үг) (ямар нэгэн зүйлийг бусдад итгүүлэх, ойлгуулахаар ихэд чармайх нь), ятгал сэргүүл (хоршоо үг) (ятгах, сэрэмжлүүлэх үйлийн нэр).
ятгалга [нэр үг]
ятгах үйлийн нэр ятгалга хийх (ятгах үйл ажил явуулах).
ятгалиг хөгжим. [нэр үг]
ерийн ятгаас хэмжээгээр багахан хөгжмийн зэмсэг.
ятгач [нэр үг]
ятга хөгжим тоглохдоо гаргуун хүн.
ятгачин [нэр үг]
ятгаар хөгжимдөгч ятга хөгжим тоглодог мэргэжлийн хүн ятгачин бүсгүй (ятга хөгжим тоглодог, мэргэжлийн хөгжимчин бүсгүй).
яшилдуу [нэр үг]
яшилдуу чацаргана (ургамал судлал) (яшил мэт навчтай, хүнс болоод эмийн ургамал).
яшин [нэр үг]
холбосон хөндлөн хашлага чингэлгээс арай богино хашлага бүхий нэг зүйл тэрэг.