Нэр үг
цуврал [нэр үг]
цуврах үйлийн нэр (шилжсэн утга) дараалж гарах зохиол бүтээл, цуврал бичиг цуврал бичиг (дараалан хэвлэж, иж бүрэн болгосон ном зохиолууд), цуврал кино (дараалан гарах олон ангит кино), цуврал зохиол (дараалж гарах олон бүлэг зохиол).
цувриул [нэр үг]
хотын доторх бохир усыг, газар доогуур урсгадаг суваг, хоолой бохир усны цувриул (бохир усны хоолой).
цувуу [нэр үг]
увуу цувуу (хоршоо үг) (а.уван цуван б.бага багаар в.аажуу уужуу), увуу цувуу явцгаах (ганц нэгээрээ, уван цуван явцгаах), увуу цувуу авах (бага багаар авах).
цувх [нэр үг]
цувх зулгарах (намар цагт модны навч хийсч унах).
цувц [нэр үг]
хүн, мал, амьтны цувж явдаг нарийн жим.
цуглаа [нэр үг]
цуглах үйлийн нэр, бөөгнөрөл.
цуглаан [нэр үг]
улс төрийн болоод аливаа хойшлуулшгүй чухал асуудлаар олны цугларан хэлэлцэх түр хурал цуглаан болох (олуул цуглан хуралдах), цуглаан хийх (олуул цугларан хэлэлцэх), ажилчдын цуглаан (ажилчдын цугларалт), олон нийтийн цуглаан (олон нийтийн тодорхой зорилго бүхий цугларалт), жагсаал цуглаан (хоршоо үг) (олон нийтээрээ тайван жагсах байдал), хурал цуглаан (хоршоо үг) (олон хүн хурж цуглан асуудал хэлэлцэх нь).
цугларал [нэр үг]
цугларах үйлийн нэр, цугларсан нь шувуудын цугларал (шувууд нэг дор цугларах нь) юмны үлэмж хурсан, бөөгнөрсөн, овоорсон юм.
цуглуулагч [нэр үг]
цуглуулах, хураах, хуримтлуулах үйлийг гүйцэтгэгч марк цуглуулагч (марк цуглуулдаг хүн), түүхий эд цуглуулагч хуучир. (түүхий эд хураах, цуглуулах хүн) хурал цуглааныг эрхлэн явуулагч.
цуглуулбар [нэр үг]
цуглуулга, цуглуулсан зүйл цуглуулбар хийх (цуглуулга хийх), данс хараааны цуглуулбар (бичиг дансны цуглуулга).
цуглуулга [нэр үг]
цуглуулсан, хуримтлуулсан юм зургийн цуглуулга (өөрийн хүсэл сонирхлын дагуу хураан цуглуулсан зураг), сонины цуглуулга (цуглуулсан сонин) музей, үзмэрт зориулан цуглуулсан зүйлс хүрэл зэвсгийн үеийн цуглуулга (музей, үзмэрт зориулж цуглуулсан хүрэл зэвсгийн үеийн эд өлөг), чулуун зэвсгийн үеийн цуглуулга (музей, үзмэрт зориулж цуглуулсан чулуун зэвсгийн үеийн эд олдвор).
цуглуулга [нэр үг]
гэрэл зургийн цомог (гэрэл зургийн цуглуулга), маркны цомог (маркны цуглуулга).
цуйван [нэр үг]
мах, ногоо, сонгиныг тосонд хуурч, хэрчсэн гурилтай жигнэн болгосон хоол ногоотой цуйван (ногоо голдуу цуйван). цул (тэмдэг нэр)юмны голдоо хөндийгүй цул мод (голдоо хөндийгүй мод), цул төмөр (хөндийгүй төмөр), цул эрхтэн (хөндийгүй эрхтэн), зургаан цул (цөс, ходоод, олгой, нарийн гэдэс, давсаг, самшиу), таван цул (зүрх, элэг, уушиг, дэлүү, бөөр) цэвэр, хольцгүй, дангаараа цул алт (цэвэр алт), цул мах (ясгүй мах), цул мөнгө (цэвэр мөнгө) нэг өнгийн цул улаан (дан улаан), цул сараана (ургамал судлал) (тахианы өндөгний хэрийн том, хальсных нь өнгө хөхөвтөр, боловсруулж иддэг нэг зүйл сараана) (шилжсэн утга) биеийн хүнд лагс, мариалаг байдал цул биетэй хүүхэд (мариалаг том хүүхэд).
цул [нэр үг]
цул цул (дуу чимээ дуурайсан үг) (савтай шингэн зайлагдахад гарах дуу чимээ), цул цул хийх (савтай шингэн зүйл зайлагдсанаас цул цул гэсэн дуу чимээ гарах).
цуламгай [нэр үг]
цуламгай заарт мод (ургамал судлал) (нэг зүйл заарт мод).
цулан [нэр үг]
булан цулан (хоршоо үг) (өнцөг бүр).
цулбуур [нэр үг]
морь малыг хөтлөх, уяхад зориулж, хазаарын амгай зуузай, ногтонд бэхэлсэн дээс, суран урт оосор цулбуур хийх (хазаарын оосор үйлдэх), цулбуураас барих (хазаар, ногтны оосроос барих), суран цулбуур (сураар хийсэн цулбуур), хазаарын цулбуур (хазаарын суран оосор), жолоо цулбуур (хоршоо үг) (морь малыг залах болон хөтлөх, уях оосор), цулбуур өвс (ургамал судлал) (өндөр нь гучаас дөчин сантиметр, цайвар хөх цэцэгтэй, утсархуу нарийн навчтай, ямаа дуртай иддэг, говь хээрийн бүсэд ургадаг нэг зүйл өвс).
цулин [нэр үг]
хаалга дарах шургааг.
цулхан [нэр үг]
модны том ур, цулцан модны цулхангаар хийсэн аяга, шанага цулхан аяга (модны цулхангаар хийсэн аяга), цулхан шанага (модны цулхангаар хийсэн шанага).
цулцан [нэр үг]
(анагаах ухаан) хүн, амьтны биед товойн гарч тогтсон бондгор, ур мэт юм, хятуу