Нэр үг
сөлдөс [нэр үг]
эмгэг гэм, өө сэв, эндэгдэл сөлдөс эрэх (хүний гэм согог, алдаа дутагдлыг харах, хайх).
сөлөг [нэр үг]
өлөг сөлөг (хоршоо үг) (ойр зуурын жижиг бараа таваар).
сөн [нэр үг]
найр хуримын үед том саванд хийж тавьсан айраг, архи сөн тавих (найр наадмын үед савтай айраг, архи авчирч тавих), сөн барихсөн түших (хурим найрын үед архи, айргийг зочин гийчинд аягалж хундагалах, түгээн барих), сөн суулгах (хэн нэгнийг найр наадмын сөнчөөр томилох), сөнгийн ширээ (хурим найрын архи сархад, айраг тавьсан ширээ).
сөн [нэр үг]
цөн.
сөндлөгө [нэр үг]
гол мөрнийг хөндлөн гатлах гарам газар сөндлөгө гатлах (усны олмоор гатлах).
сөнөл [нэр үг]
сөнөх үйлийн нэр, мөхөл.
сөнөөгч [нэр үг]
сөнөөдөг, унтраадаг хүн, юм сөнөөгч онгоц (байлдааны онгоц), гал сөнөөгч (а.гал унтраах хүн б.гал унтраах зориулалтын хэрэгсэл).
сөөм [нэр үг]
эрхий хуруу, долоовор хуруу хоёрыг сунгаж хэмжсэн хэмжээ үзүүр сөөм бүтэн сөөм (эрхий хуруу, долоовор хурууг бүтэн сунгаж нэмсэн хэмжээ), мухар сөөм (долоовор хурууны үзүүрийг хоёрдахь үеэр нь нугалж, эрхий хурууг тэнийлгэсний хоорондох хэмжээ), төө сөөм (хоршоо үг) (юмыг эрхий хуруу, дунд хуруу болон эрхий хуруу, долоовор хурууг сунгаж хэмжих хэмжээ).
сөөсгий [нэр үг]
хүүхдийн тав үс.
сөөхий [нэр үг]
элдсэн арьсаар хийсэн бойтог сөөхий өмсгөх (бойтог өмсөх).
сөр [нэр үг]
туургагүй саравчин халх өвсний саравч овоолж нуруулдсан өвс зэлт таримлын зэлийг тулахаар босгосон саравч үзмийн сөр (үзмийн тавиур), сөрд сөрлөх (тавиур зүүх) модны өгөршсөн хожуулын ор.
сөр [нэр үг]
барсын омруунд сул ургасан бяцхан яс.
сөрви [нэр үг]
гархи хэлхэж, илд мэт давтсан, тайлга тайхад барих төмөр.
сөргөлдөөн [нэр үг]
харилцан сөргөх үй лийн (нэр үг)
сөрөг [нэр үг]
морин цэргийг саатуулах хурц иртэй мэс.
сөрөгч [нэр үг]
юмыг сөрж, эсрэг явах хүн ус сөрөгч (усны урсгалын өөд явагч), салхи сөрөгч (салхины өөдөөс явагч).
сөрөл [нэр үг]
сөрөх үйлийн (нэр үг)
сөх [нэр үг]
хунгарлаж хөрлөсөн цас сөх цасанд сөхөртлөө явах (хунгарласан хөр цасанд эцэж ядартлаа явах ).
сөхвөр [нэр үг]
монгол гэрийн эсгий үүд.
сөхөвч [нэр үг]
сөхөж нээх зүйл, хавхаг.