Нэр үг
ичээл [нэр үг]
нүх, үүрэндээ ичээд байгаа ичээл баавгай (ичээндээ буй баавгай).
иш [нэр үг]
эш хэрэг шалтгааны уг сурвалж, үндэс иш мухаргүй (үндэсгүй, учир нь олдохгүй), иш татах (өгүүлэл зохиолд бусдын ном ярианаас эх үндэс болгон авч бичих ярих), иш үзүүргүй (эх үзүүргүй), иш үндэсгүй (шалтаг, шалтгааны үндэсгүй), иш хийх (а.иш татах б.юмд иш хийх), иш хэлхээ (хоршоо үг) (уг гарвал, сурвалж) онол чойр иш үзүүлэх (утга битүүлэг зүйлийг илрүүлэн гаргах), иш чойрыг нээх (онол чойрыг нээх) учир шалтгааны зөвшөөрөл, ёс та хэнээс иштэй явж байна (ярианы үг, хэллэг), иш авах (зөвшөөрөл авах), иш ёс (дагаж мөрдөж явах ёс), иш зүйд нийцэхгүй явдал (ёс зүйд нийцэхгүй явдал), иш олох (зөвшөөрөл авах, зөвшөөрөл олох).
иш [нэр үг]
багаж хэрэгслийн барих нарийн газар сүхний иш (сүхний бариул), тамхины иш (тамхины соруул), ташуурын иш (ташуурын их бие), хутганы иш (хутганы бариул), хүрзний иш (хүрзний бариул) алив ургамлын үндэс, мөчрийг холбосон гол нурууны нэр үе, зайдмал хоёроос бүрдэх найлзуурын тэнхлэг хэсэг өвсний иш (өвсний шилбэ мөчир), ургамлын иш (ургамлын шилбэ).
ишиг [нэр үг]
ямааны нэг нас хүрээгүй төл ихэр ишиг (ямааны ой хүрээгүй ихэр төл), цагаан ишиг (цагаан зүстэй ишиг), ишиг орхих (боос ямааны зулбах, ямаа дутуу төрөх), ишиг хаях (ишиг орхих), ишиг эгээ л хаячихсангүй (эгээ л хөлдчихсөнгүй, маш их даарах), ишиг эврээ ургахаар эхийгээ мөргөх (зүйр үг) (ачийг умартан эргэж тэрслэх, хорлох), ишгэн тэхийн ухайтах хүсэл их (зүйр үг) (өчүүхэн бага байтлаа юм бүхнийг чадах сүр дүр үзүүлэн аашлах), ишигний зовлонг ухна мэдэхгүй (зүйр үг) (хөрөнгө юмтай хүн, доод ядуу хүний зовлон гачигдлыг ойлгож мэдэхгүй), өнчин ишиг ч дутаахгүй (ганц мал ч дутаахгүй, хумсын чинээ юм ч хороохгүй), ишгэн шийр ч үгүй (юу ч үгүй ядуу хоосон) хоёр настай ишгэн шаваг (ургамал судлал) (ишгэн шарилж), ишгэн шарилж (ургамал судлал) (хоёр наст шарилж ишгэн шаваг, хамба шарилж).
ишиг [нэр үг]
эмх замбараа ишиг бишгээ алдах (эмх замбараагаа алдах) учир ухаан, учир шалтгаан ишиг бишиггүй (а.эмх замбараагүй б.учир начиргүй, хамаагүй).
ишинцэр [нэр үг]
үрт ургамлын хөврөл дэх ишний үүсвэр.
ишлэл [нэр үг]
зохиол, өгүүллээс баримт болгон авсан оруулга ишлэлтэй өгүүлэл (иш татсан баримт бүхий өгүүлэл), ишлэлээс үзэх (иш татсан оруулгаас харах, ишилсэн тайлбараас үзэх).
кабель [нэр үг]
радио релей, цахилгаан дамжуулах бүрээстэй утас кабель телевиз (релей шугамаар дамжин нэвтэрдэг теле суваг), кабель тавиулах (бүрээстэй шугам тавиулах), кабель утас (дамжуулах үүрэг бүхий бүрээстэй утас), холбооны кабель (холбооны тусгай шугамтай утас), цахилгааны кабель (цахилгаан дамжуулах бүрээстэй утас), шилэн кабель (алсын интернет сүлжээний утас) цахилгаан мэдээ.
кабин [нэр үг]
тээврийн хэрэгслийн жолоочийн суух тусгай бүхээг жолоочийн кабин (жолоочийн бүхээг) тусгай зориулалтын өрөө тасалгаа, бүхээг шовгор утасны кабин (утсаар ярихад зориулан тоноглосон өрөө).
кабинет [нэр үг]
тусгайлан тоноглосон ажлын өрөө, тасалгаа, тэнхим заах аргын кабинет (заах аргын тэнхим), лингафоны кабинет (лингафоноор тоноглосон өрөө), сургалтын кабинет (сургалтын өрөө).
кабинет у. [нэр үг]
т. сайд нарын танхим, засгийн газрын бүрэлдэхүүн кабинет байгуулах (засгийн газар байгуулах), кабинет бүрдүүлэх (сайд нарын танхим бүрдүүлэх).
кабриолет [нэр үг]
задгай автомашин.
кавказ [нэр үг]
кавказ нутгийн иргэд газар нутаг кавказ морь (уулын морь), кавказ хүн (уулын хүн).
кадастр [нэр үг]
газрыг бүртгэн данслах, хайгуул судалгаа хийлгэх, нөөцийг тогтоолгох зорилго бүхий газрын албаны нэгж кадастрын алба (газар зохион байгуулалтын алба) хуулбар, хуудас, лавламж усны кадастр (усны лавлагаа).
кадми хими. [нэр үг]
химийн үндсэн махбод, цайрын хүдэрт байдаг мөнгөн цагаан өнгөтэй, цэнхэрдүү зөөлхөн төмөрлөг.
кадр [нэр үг]
кино хальсан дээрх ганц зураг бүтэн үзэгдлийг харуулсан хэсэг зураг кадр дуусах (дүрстэй хальс дуусах), кадр солигдох (дүрс солигдох) боловсон хүчин, цэргийн байнгын бүрэлдэхүүн (шилжсэн утга)(этгээд үг хэллэг) согтох үе шат кадр тасрах (согтож ухаан мэдрэл алдах).
кадриль [нэр үг]
хос хосоор бүжиглэх бүжиг, мөн бүжгийн ая кадриль бүжиглэх (нэг зүйл хос бүжиг хийх).
казак [нэр үг]
оросын зах нутгаар зуунаас суурьшиж эхэлсэн газрыг хөнгөлөлттэй эзэмшиж, үүний тулд гол төлөв цэргийн албан хаадаг чөлөөт хүмүүс казак малгай (хасаг малгай), казак хүн (хасаг хүн), казак цэрэг (хасаг цэрэг), донын казак (донын хасаг).
казах [нэр үг]
түрэг төрлийн хэлт үндэстэн монголын баруун аймгуудаар, орос, казахстан зэрэг газар оршино хасаг казах өвгөн (түрэг язгуурын хасаг өвгөн), казах хэл (хасаг хэл).
казино [нэр үг]
мөрийтэй тоглоом мөрийтэй тоглоомын газар.