Үйл үг
цэнгэх [үйл үг]
наадан зугаалах, жаргах, баяр баясгаланг эдлэх баясах цэнгэх (хоршоо үг) (баяр баясгаланг эдлэх), наадах цэнгэх (хоршоо үг) (наадан зугаалах, жаргах), цэнгэх жаргах (хоршоо үг) (баясан жаргах, зугаацах), цэнгэх зовох (хоршоо үг) (жаргах, зүдрэх).
цэндгэнэх [үйл үг]
цэндгэр юмны цэндэг цэндэг хөдлөх.
цэндгэрдэх [үйл үг]
хэтэрхий цэндгэр болох.
цэндийх [үйл үг]
хүн, амьтны гэдэс хэвэл цэндгэр болох, цондойх гэдэс нь цэндийх (гэдэс нь цэндгэр болох), цэндийх цондойх (хоршоо үг) (цэндгэр, цондгор болох) уут саванд чихсэн юмны цүндийж харагдах шуудайнд хийсэн ноос цэндийх (шуудайнд хийсэн ноос цүндийж харагдах). цэндэг (нэр үг)(мал эмнэлгийн нэр томьёо) малын гэдэс дүүрэх өвчин.
цэндэлзэх [үйл үг]
цэндгэр юмны цэндэс цэндэс хөдлөх.
цэнлэх [үйл үг]
юмыг цэнлүүрээр хэмжих, дэнслэх, жинлэх цэнлэж үзэх (цэнлүүрээр хэмжиж үзэх), цэнлүүрээр цэнлэх (цэнлүүрээр хэмжих).
цэнхгэрдэх [үйл үг]
хэтэрхий цэнхгэр болох өнгө нь цэнхгэрдэх (өнгө нь хэтэрхий бүдэг, гундуу учир хэрэглэхэд тохиромжгүйдэх), царай нь цэнхгэрдэх (царай нь хэтэрхий гундуу болох).
цэнхийх [үйл үг]
цийлгэр, цэнхэр өнгөтэй болох, харагдах цийлийх нуурын ус цэнхийх (нуурын ус цийлгэр харагдах) зүс царай зэвхий хужгар болох, цонхийх царай нь цэнхийх (царай нь зэвхий болох, цонхийх) (шилжсэн утга) хүний гэдэс дүүрч цанхайх, дотор эвгүй болох.
цэнхэрдэх [үйл үг]
хэтэрхий цэнхэр өнгөтэй болох.
цэнхэрлэх [үйл үг]
цэнхэр өнгөтэй болгох, цэнхэр өнгөтэй харагдах уулс цэнхэрлэн харагдах (алсын уулс цэнхэр өнгөтэй харагдах).
цэнхэртэх [үйл үг]
цэнхэр өнгөтэй болох, хөхөрч харагдах ус цэнхэртэх (ус цэнхэр өнгөтэй болж харагдах).
цэнэгжих [үйл үг]
цэнэгтэй болох, дамжуулагч биед цахилгаан цэнэг хуралдах.
цэнэглэх [үйл үг]
цахиур бууг буудахад бэлэн болгох, зэхэх хурдан бууны хүхээнд сум хийж, замгийг товчлон, гох дарахад бэлтгэх буу цэнэглэх (бууг буудахад бэлэн болгох) цахилгаан цэнэгтэй болгох гар утас цэнэглэх (гар утасны зайг цахилгаан цэнэгтэй болгох) (шилжсэн утга) зарим техник хэрэгслийг ажиллуулахад бэлтгэх галын хор цэнэглэх (галын хорыг ажиллуулахад бэлэн болгох).
цэнэгших [үйл үг]
цэнэгжих.
цэнэх [үйл үг]
аливаа зүйлд урьдаас хаширлах, болгоомжлох цэнэж үзэх (аливаа ажил хэргийг хийхийн өмнө түүнийг хийхэд гарах бэрхшээл, түүнээс гарах үр дагаврыг сайтар бодож үзэх), ихэд цэнэх (ихэд болгоомжлох, хаширлах), цэнэх царах (хоршоо үг) (юманд нягт нямбай, хянуур болгоомжтой хандах), анах цэнэх (хоршоо үг) (юмыг тандах, болгоомжлон үйлдэх) хэмжих, бодох, таамаглах.
цэрвүүдэх [үйл үг]
хэтэрхий цэрвүү болох нутаг нь цэрвүүдэх (газар нутаг нь хэтэрхий хол, зайдуу болох).
цэрвэгдэх [үйл үг]
хэтэрхий цэрвэг барих, цэрвүүдэх.
цэрвэлзэх [үйл үг]
тариа ногоо зэрэг юмны найгаж ганхах.
цэрвэх [үйл үг]
зайлсхийх, халдаж чадахгүй байх, халгах, зүрхшээх цэрвэн зогсох (ямар нэг юмнаас зайлсхийн зогсох) (шилжсэн утга) айх, эмээх багшаасаа цэрвэх (багшаасаа эмээх).
цэрвэх [үйл үг]
царвах, дэвж дэрвэх.