Үйл үг
сэрэмжлэх [үйл үг]
үйл явдалд хянамж болгоомж сэрэмжтэй байх, сэргэмжлэх урьдаас сэрэмжлэх (урьдчилан сэрэмж өгч байх), сэрэмжлэн сахих (аюул учрах вий хэмээн урьдчилан сахих), сэрэмжлэн хамгаалах (болгоомжлон хамгаалах), сэрэмжлэн харах (харж хамгаалах), сэрэмжлэх болгоомжлох (хоршоо үг) (анхааралтай, хянамгай хандах).
сэрэх [үйл үг]
унтах явц дуусах дутуу сэрэх (нойр бүрэн ханаагүй байхад унтах явц дуусах), унтаад сэрэх (унтах явц дуусах), сэрэхгүй бол сайхан зүүд (хоосон мөрөөдөл, биелэгдэшгүй зүйл), унтсанаа сэрэх, мартсанаа санах (зүйр үг) (ажил үйлсээ ямагт бодож тунгааж байх), сэрэхгүй нойрноос морио цадахгүй чөмөгнөөс хутгаа (зүйр үг) (сонор сэрэмжтэй бай).
сэрэх [үйл үг]
сэрэмжлэх, болгоомжлох сэрэх бодох (хоршоо үг) (а.санах, сэдэх б.болгоомжлох), сэрэх сэрэмжлэх (хоршоо үг) (хянамж болгоомжтой байх), сэрж явбал аминд тустай саарч явбал аминд хортой (зүйр үг) (сонор сэрэмж чухал), цэцэн хүн үгээ сэрж хэлдэг (цэцэн үг) (хэлэх үгээ урьдаас тунгаан бодож хэлэх хэрэгтэй) ухаан мэдрэлд юмс үзэгдлийн тусгал үүсэх сэрж мэдрэх (юмс үзэгдлийг оюун ухаандаа тусгаж мэдрэх).
сэрэхүй [үйл үг]
гадаад ертөнцийг танин мэдэх мэдлэг, мэдрэхүй.
сэрээдэх [үйл үг]
сэрээгээр хатгах, өлгөх, чичих хоол сэрээдэх (хоолоо сэрээ хэрэглэн идэх, хутгах).
сэрээлэх [үйл үг]
сэрээдэх.
сэтгүүрдэх [үйл үг]
сэтгүүрээр сэтгэж бөглөж тагласан зүйлийг нь авах, битүүрсэн нүхийг нь онгойлгох гаансаа сэтгүүрдэх (гаансаа сэтгүүрээр сэтгэж бөглөсөн бохийг нь гаргах).
сэтгэлчлэх [үйл үг]
санасан хүссэн ёсоор болох, бүтэх сэтгэлчлэн бүтэх (санасан ёсоор бүтэх).
сэтгэх [үйл үг]
бөглөрсөн нүх сүв мэтийг сэтгүүрээр ухаж хатгаж нээх гаанс сэтгэх (гаансыг сэтгүүрээр ухах, төнхөх, битүүрснийг нь арилгах).
сэтгэх [үйл үг]
ургуулан бодох, санаачлан бодох, тунгаан бодох сэтгэх чадвар (ургуулан бодох, шинээр санаачлан бодох чадвар), чөлөөтэй сэтгэх (аливаа үзэл онол, хэв загварт баригдалгүй бодож тунгаах), бодох сэтгэх (хоршоо үг) (оюун ухаанаа ажиллуулах), сэтгэхээ зогсох (үхэх), сэрэх сэтгэх (хоршоо үг) (шинийг хайх, санаачлах, бодох), сэтгэх тутам цэцэн болно сэрэмжлэх тутам сэргэг болно (цэцэн үг) (цэцэн гэдэг олон сэтгэсний үр, сэргэг гэдэг байнга сэрэмжлэсний үр).
сэтийх [үйл үг]
нурж эвдрэх зэргээр юм ихээхэн сэтэрч задрах, онь гарах нурж сэтийсэн чулуун хашаа (нурж сэтрэн онь гарсан чулуун хашаа).
сэтлэх [үйл үг]
хааж хашиж, бүсэлж битүүлж байсан юмыг хүчээр сэт татах, сэтэрхий болгох бүслэлтийг сэтлэх (бүслэлтийг дайран цаад талд нь гарах), хориглолтын шугамыг сэтлэх (хориглон хүрээлсэн зүйлийг зад татан гарах), уулыг сэтлэх (уулыг нүхлэх), хэрмийг сэтлэх (хэрмийг сэт татах).
сэтрэх [үйл үг]
юм сэтэрхий болох, сэлтрэх зүүний сүвэгч сэтрэх (зүүний сүвэгч сэтэрхий болох, бүтэн биш болох), аяга сэтрэх (аяганы амсар эмтрэх), далан сэтрэх (хаалт далан зад тавьж ус урсах).
сэтчих [үйл үг]
дахин дахин сэтлэх.
сэтэрлэх [үйл үг]
малыг бурхан сахиусанд өргөв хэмээн эдлэхгүй болгож дархлах, сэтэр зүүх сэтэрлэсэн морь (сэтэр зүүсэн морь)
сэхийх [үйл үг]
сэхүйх.
сэхүйх [үйл үг]
дээрээс өнгийх мэт өндөр сүрлэг харагдах сэхүйн харагдах (дээрээс өнгийх мэт өндөр сүрлэг байдалтай харагдах) (шилжсэн утга) ажиггүй байдал гаргах, омогтой сэхүүн зан ааш гаргах.
сэхүүрхэх [үйл үг]
сэхүүн бодол өвөрлөж, бусдыг үл тоомсорлох.
сэхүүрэх [үйл үг]
сэхүүн болох, дээгүүр санаатай болох.
сэхэх [үйл үг]
дорой буурай байдал дээшлэх, засрах, сайжирч эхлэх сэхэх мөхөх (хоршоо үг) (а.өөдлөх уруудах, б.ялах ялагдах в.зөв буруу), эр хүн долоо дордож, найм сэхэх (зүйр үг) (амьдралд юу ч тохиолдож болно, гагцхүү зорьсон хэргийнхээ төлөө шантрахгүйгээр тууштай тэмцэх хэрэгтэй) муужирч манарсан хүн ухаан орох унаад сэхэх (ухаан алдаж унаад эргэж ухаан орох) өвчин эдгэрч бие засрах төлөвийг олох үхэх сэхэх (хоршоо үг) (а.өөдлөх уруудах б.ана мана үзэх, ялах уруудах в.амьдрах үхэх).