Үйл үг
сэвтэх [үйл үг]
юманд өө сэв тогтох сэвтэй болох (юманд өө сэв тогтох) (шилжсэн утга) хүний бодол сэтгэлд сэв суух сэтгэл сэвтэх (сэтгэлд сэжиг төрөх, сэтгэлд үл итгэх байдал үүсэх), сэвтэхгүй юманд сэвтэж, сээр хүзүүний мах барах (цэцэн үг) (а.хаа хамаагүй юманд чирэгдэн холбогдох б.үр ашиггүй зүйлд зүтгэх, махрах).
сэвүүрдэх [үйл үг]
сэвүүрээр сэвэх.
сэвхрэх [үйл үг]
сэвх тогтох, сэвх үүсэх.
сэвхтэх [үйл үг]
сэвх тогтох, сэвх гарах царай сэвхтэх (нүүрэнд сэвх тогтож, царай цоохортох), тэнгэр сэвхтэх (тэнгэрт бага багаар хэсэг хэсэг үүл гарч ирэх).
сэвшээлэх [үйл үг]
сэвшээ салхи салхилах.
сэвэлзэх [үйл үг]
хөнгөн, нимгэн юм салхинд зөөлөн хөдлөх салхи сэвэлзэх (зөөлөн салхины үе үе үлээх) хүн, амьтны хөнгөн гавшгай хөдлөх.
сэвэх [үйл үг]
халуун юмыг салхи хийгээр цохих буюу салхи оруулах нүүрээ сэвэх (юмаар дэвэн нүүрээ сэрүүцүүлэх), дэвэх сэвэх (хоршоо үг) (салхиар үлээлгэх) нойтон чийгтэй юмыг салхинд гаргах сэврээх салхинд сэвэх (салхинд гаргах), хөлсөө сэвэх (юмаар дэвж гарсан хөлсийг сэврээх, сэрүүцэх) буцламгай юман дээр хүйтэн ус бага зэрэг дусаах ус нэмж сэвэх (ус хийж бага зэрэг хөргөх) зөөлөн салхины үлээх салхи сэвэх (салхи зөөлнөөр үлээх).
сэвэх [үйл үг]
болшгүй, бүтэшгүй юманд санаа тавих, сэдэх, тэмүүлэх, дээгүүр зан гаргах сэвшгүй юманд сэвэх, сээр хүзүүний мах барих (цэцэн үг) (хэрэггүй юманд хошуу дүрэх, саваагүйтэх).
сэгийх [үйл үг]
юмны хаяа хормой дээш сөхөгдөх, шуугдах.
сэглийх [үйл үг]
үс ноос, ургамал зэрэг нэлмийж сэлмийх, сэглэгэр харагдах.
сэглэх [үйл үг]
сэг, зэмдэг, тамтаг болгох доголон сэглэн (хоршоо үг) (өрөөсөн урд хөл доголсон амьтан гурван хөлөөр дэгэхээс өөр явдалгүй болсон байдал).
сэглэх [үйл үг]
сэгхийх, зогсолзох, амсхийх.
сэгрэх [үйл үг]
сэг болох, тамтрах, тамтаг болох.
сэгсгэнэх [үйл үг]
сэгсгэр юм үргэлжлэн хөдлөх үс нь сэгсгэнэх (үс нь сэгсийн хөдлөх, сэгсгэр үс нь хөдлөх).
сэгсгэрдэх [үйл үг]
хэтэрхий сэгсгэр байх, сэгсгэрийн учир зохимжгүй харагдах.
сэгсийх [үйл үг]
урт ширхэгтэй юм арзайж өрвийх, сэгсгэр болох, сэгсгэр харагдах үс сэгсийх (үс сэгсгэр болох, арзайх) сэгсийх арзайх (хоршоо үг) (үс зэрэг юмны ихэд ургаж өрвийх, үзэмжгүй болох), сэгсийх өрвийх (хоршоо үг) (арзайх, сэгсгэр өрөвгөр болох).
сэгслэх [үйл үг]
сэгсэнд хийх, агуулах.
сэгсрэх [үйл үг]
аливаа юмны шороо тоосыг дэвж гөвөх, дугтрах нударгаа сэгсрэх (дээлийн нударгыг дугтрах), хормойгоо сэгсрэх (хормойгоо гөвөх), данх сэгсрэх (а.данхыг дугтарч үзэх б.(шилжсэн утга) данханд байсан зүйлийг хоосортол нь уух) сэжих, займчин хөдөлгөх толгойгоо сэгсрэх (толгойгоо баруун зүүн тийш ээлжлэн хөдөлгөх), илжигний чихэнд алт хийсэн ч сэгсэрнэ, ус хийсэн ч сэгсэрнэ (зүйр үг) (муу хүнд сайн үг хэлсэн ч, муу үг хэлсэн ч адилхан хүлээж авахгүй) (шилжсэн утга) үйл ажлыг биедээ холбогдуулахгүй болгон зайлуулахыг хичээх (шилжсэн утга) эд хөрөнгө, мөнгө төгрөгөө үрж барж дуусах байдгаа сэгсрэх (эд хөрөнгө, мөнгө төгрөгөө үрэн таран хийж юу ч үгүй болох).
сэгсчих [үйл үг]
юмыг байн байн сэгсрэх гараа сэгсчих (гараа байн байн сэгсрэх).
сэгсэлзэх [үйл үг]
сэгсгэр юмны сэгсэг сэгсэг хийх, сэгсэгнэх.