Үйл үг
багсгардах [үйл үг]
хэтэрхий багсгар болох.
багсдах [үйл үг]
будаг зэргийг багсаар түрхэх, нялах аливаа юмны хэрэгцээгүй болох хувцас хунар багсдах (хувцас хунарыг авах юмгүй болгох) (шилжсэн утга) ажил хэргийг бүтэлгүй болгох, дампууруулах.
багсрах [үйл үг]
юмыг хольж хутгаж найруулан нийцүүлэх гурил багсрах (гурил холин нийцүүлэх), тос багсрах (тос холих).
багтах [үйл үг]
юмны дотор орох оролцох багтаж суух (багтан орж суух), багтаж хэвтэх (багтан орж хэвтэх), багтаж ядах (а.арай гэж багтах б.багтахгүй байх в.шахалдах, давчдах г.(шилжсэн утга) хэн нэгэнтэй таарахгүй байх), дотор нь багтах (а.дотор нь орох б.(шилжсэн утга) уг юмыг хийж чадна гэж өөртөө итгэх), өршөөлд багтах (а.хайр ивээлийг хүртэх б.(шилжсэн утга) хэрэгтний ялыг хөнгөлсөн тухай ерөнхийлөгчийн зарлиг хүлээн авах), санаанд багтах (санаанд орох дотор нь багтах), сэтгэлд багтах (сэтгэлд орох дотор нь багтах), аманд багтахгүй үг хэлэх (ярих ярихгүй юм хэлэх), багтаж шингэхгүй (а.маш их б.орох газаргүй болох), батганы хошуу багтахгүй (зай маш бага, пиг дүүрэн), толгойд багтахгүй (санаанд орохгүй), мэргэдийн бие нас нь бага байтал дотор нь огторгуй мэт номууд төгс багтдаг (цэцэн үг) (эрдэм гэдэг нь хязгааргүй их), эр хүний дотор, эмээлтэй хазаартай морь багтдаг (зүйр үг) (эр хүнд гүдэс гүндүүгүй зан, уужим сэтгэл, холч ухаан хэрэгтэй) таарах, тохирох малгай багтах (малгай таарах), толгойд багтах (а.толгойд таарах б.тохирох в.дотор нь багтах).
багтлах [үйл үг]
юмыг багт хатгах, шувтлах, нэвтлэх.
багтрах [үйл үг]
амьсгаа бөглөрч, дотор харанхуйлж, ухаан балартах цээж багтрах (ухаан балартаж, дотор харанхуйлах) уралдааны морь давхиан дундаа бахардаж, хамар амнаас нь хөөс цахран, амаа ангайж үхэдхийн унах.
багтрах [үйл үг]
лав угларах нэвт шувт хатгаж гарах багтартал жадлах (гүн жадлах, нэвт жадлах).
багцаалах [үйл үг]
барагцаалах, тоймлох, бүдүүвчлэх багцаалан бодох (тоймлон бодох), багцаалсан үнэ (ойролцоо үнэ).
багцах [үйл үг]
багцаалах, барагцах.
багцах [үйл үг]
баг багаар нь таслах талцах.
багцлах [үйл үг]
багц болгох багцлан ачих (багц болгон ачих), багцлан боох (багц болгон боох) цэгцлэх, янзлах, эмхлэх ажил үйл багцлах (ажил үйл цэгцлэх), ард олныг багцлах (ард олныг дэг журамд оруулах, эмхлэх).
багширхах [үйл үг]
багш шиг зан байдал гаргах, багшаараа гайхуулах мэдэмхийрэн заах.
багших [үйл үг]
олон амьтны нэг дор олноор хуран цугларах багшсан мал (нэг дор хуран цугларсан мал), багшсан олон адуу (нэг дор хуран цугларсан адуу).
багших [үйл үг]
шингэн зүйл өтгөрөх будаа багших (будаа өтгөрөх), гурил багших (гурил өтгөрөх).
багшлах [үйл үг]
багш болж, хүнд юм зааж сургах багшлах ухаан (багшлах арга), багшлах эрдэм (багшлах ухаан).
багшрах [үйл үг]
идээ ундааны зүйл өтгөрөн аглиусах өвс ногоо нэн сахлаг өтгөн ургах.
багшрах [үйл үг]
хүн, амьтны нэг дор маш олноор хуран цугларах адуу мал багшрах (адуу мал хуран цугларах), морьд багшрах (морьд нэг дор хуран цугларах).
бадаглах [үйл үг]
шүлэг зохиолыг бадгаар хуваах бадаглаж шүлэглэх (дөрөв дөрвөн мөр болгон шүлэглэх), шүлэг бадаглах (шүлгийг утгатай хэсгээр нь дөрвөн мөр болгон хуваах).
бадагчлах [үйл үг]
бадаг бадгаар болгох.
бадайрах [үйл үг]
хөөнгөтөн хавдах, чинэрэн цэлхрэх буйл бадайрах (буйл хавдах), нүүр бадайрах (нүүр цэлхрэх) бие махбод шимшрэн мэдрэл сатаарч, хуурамч сэрэхүй үүсэх гар хөл бадайрах (гар хөл эвгүй болох).
