Үйл үг
ойлох [үйл үг]
ой шугуйд гарах, ойд очих адуу ойлох (адуу ойд бэлчих).
ойлох [үйл үг]
олон дахин ойх бөмбөг ойлон өнхрөх (бөмбөг олонтоо ойж буун өнхрөх), ойлон хөөрөх (дахин дахин ойж, хөөрөн дэгдэх) ганцаар тасрах, бусдаас ялгарах хонь ойлох (хонь ижлээсээ тасран, ганцаар цахилан одох), далай ойлох (далайн давалгаа бусад давалгаанаасаа өндөр сүндэрлэн босох), ойлох цойлох (хоршоо үг) (ганцаар тасрах, олныг оройлон манлайлах).
оймох [үйл үг]
усны гармаар гарах, гатлах мориор оймох (усны гармаар мориор гатлан гарах) чөлөөтэй, эрх дураараа нисэх агаарт оймох (агаарт дураар нисэх), шувуу оймох (шувуу тааваараа нисэх).
ойрдох [үйл үг]
хэтэрхий ойр болох чи бид хоёр арай ойрдоод байна, жаахан холхон сууя. (ярианы үг, хэллэг)
ойртох [үйл үг]
улам ойр болох, дөхөх гэртээ ойртох (гэртээ дөхөх), газар ойртох (зорьж яваа газрын зай улам багасах) цаг хугацаа хүрэх шахах, шахамдах явах өдөр ойртох (явах өдөр дөхөх, явах цаг болж байх), өвөл ойртох (намрын улирал дуусч, өвөл шахах) нохойн дуу ойртох (а.айл ойртох б.хийж байгаа зүйл дуусах дөхөх) төрөл садны холбоо ойр болох цус ойртох (хамаатан садан хүмүүс хоорондоо гэрлэх) харьцаа дотно болох ойртохгүй байх (хэн нэгэнтэй дотносон нөхөрлөхгүй, ганцаар байх), ойртон нөхөрлөх (дотносон найзлах), ойртож болдоггүй улаан барс, халдаж болдоггүй хар хамуу (зүйр үг) (ааш зан муутай, зожиг ганцаардмал хүн), оочих усгүй, ойртох ханьгүй (зүйр үг) (зожиг зантай хүн) (шилжсэн утга) ялгаа зөрүү бага болох.
ойрчлох [үйл үг]
ойр мэт үзэх
ойршоох [үйл үг]
ойрчлох.
ойслох [үйл үг]
далдаас хорлох ойслох ажиллагаа (эчнээ, далд хорлох үйл ажиллагаа), ойслон хөнөөх (далдаас хорлон хөнөөх).
ойх [үйл үг]
ямар нэгэн зүйл бусад юманд мөргөн буцах, дээш дэгдэх бөмбөг ойх (бөмбөг ямар нэгэн хатуу зүйлд тусч дээш хөөрөх), ойх буух (хоршоо үг) (ямар нэгэн зүйл хатуу юм мөргөн дээш дэгдэж буцан унах), үсрэх ойх (хоршоо үг) (юм ямар нэгэн зүйлд тусч дээш дэгдэх) гэрэл, дууны долгион, бусад цахилгаан соронзон долгион тархах явцдаа нэг зүйлийн орчноос гарч, шинэ орчны зааг гадаргууд хүрээд уг орчиндоо буцах гэрэл ойх (гэрэл тухайн орчиндоо эргэж ирэх) шингэн зүйлийн оргин дэврэх, овойж дээшлэх тошин ойх (мөсөн дээгүүр ус гүйж овойн хөлдөх), цус ойх (нүдний цагаан дотор цус хуралдах) (шилжсэн утга) хүн, амьтан орон нутаг, мал сүргээсээ зайлан ганцаар явах нутгаасаа ойх (нутгаасаа явж одох), сүргээсээ ойх (сүргээсээ тасран ганцаар явах), ойж одох (ганцаараа явах),
ойчих [үйл үг]
унах бүдэрч ойчих (ямар нэгэн зүйлд тээглэн хөл алдан унах), хөсөр ойчих (хөсөр унах), муурч ойчих (ухаан алдах) барилдаж дийлэгдэх начны даваанд ойчих (тавын даваанд эсрэг бөхдөө дийлэгдэх) (шилжсэн утга) сэтгэл ихэд татагдах эрдэмд ойчих (номд шимтэн дурлах), хайрандаа ойчих (хайр сэтгэлийн улмаас сэтгэл ихэд татагдах) (шилжсэн утга) өр ширэнд баригдах өрөнд ойчих (их өртэй болох, төлж дийлэхээргүй өртэй болох).
ойших [үйл үг]
ой мод элбэгтэй болох.
ойшоол [үйл үг]
ойшоох байдал.
ойшоох [үйл үг]
тоох, анхаарч үзэх ойшоох хүнгүй (тоож үзэх хүн байхгүй) ойшоох анхаарах (хоршоо үг) (анхааралдаа авч хайхрах).
олбилзох [үйл үг]
ийш тийш олилзон харах хэрэгт дурлан юм бүгд рүү өнгөлзөх оливолзон гүйх (хэрэгт дурлан наагуур цаагуур гүйх) (шилжсэн утга) хам хум, ойворгон зан байдал гаргах оливолзон аашлах (аливаад хөнгөн хуумгай хандах).
олбирхох [үйл үг]
олби мэх гаргах, түүгээрээ бардамнах олбирхон аашлах (элдэв арга заль хэрэглэх) ховдоглон идэх хоолонд олбирхох (хоолонд шунан ихэд идэх).
олбитох [үйл үг]
олби өвчин тусах, олби орших ховдог зантай болох олбитон идэх (цадахаа мэдэхгүй ихэд ховдоглон идэх).
олборих [үйл үг]
санаа сэтгэл урвах бодол олборих (бодол санаа өөрчлөгдөх) улиран хувьсах хөмрөн онхолдох, холбирох олбирон унах (хөмрөн унах), эмээл олбирох (эмээл холбирох).
олборлох [үйл үг]
ямар нэгэн зүйлийг олж авах, олдвор олох байгалийн ашигт малтмалыг ашиглах олборлох аж үйлдвэр (байгалийн баялгийг үйлдвэрийн аргаар олборлох, ашигт малтмалын үйлдвэр), алт олборлох (алт гаргаж авах), төмрийн хүдэр олборлох (төмрийн хүдрийг ухан авах үйлдвэрлэл эрхлэх), олборлон ашиглах (ашигт малтмалыг ухан авч хэрэглэх).
олгойдох [үйл үг]
шингэн ба хийн байдалтай зүйл нарийн нүхээр оргин гарах ус олгойдох (ус дээш оргин гарах), цус олгойдох (цус годгодон асгарах).
олгойлох [үйл үг]
олгойд юм агуулах ус олгойлох (ус олгойд хийх), олгойлон хатаах (ямар нэгэн зүйлийг олгойд хийж хатаан хадгалах).