Үйл үг
мөнхлөх [үйл үг]
мөнх оршдог болгох хөшөөнд мөнхлөх (хөшөө чулуунд нэрийг бичиж алдаршуулах), мөнхлөн бадраах (үүрд мөнх бадраах), бунхлан мөнхлөх (бунхлан үлдээх).
мөнхөжрөх [үйл үг]
мөнхжин үлдэх урлагт мөнхөжрөх (урлагт мөнхрөн үлдэх).
мөнхрөх [үйл үг]
тэр хэвээрээ мөнхжих, мөнх орших нэр нь мөнхрөх (алдар гавьяаныхаа хүчээр нэр нь мөнхөд алдарших), сэтгэл зүрхэнд мөнхрөх (сэтгэл зүрхэнд үүрд дурсагдах), мөнхрөн цэлийх (мөнхөд цэлийх), мөргөсөн толгой чинь мөнхрөг, мөнгө алтан дээр өнхрөг (зүйр үг) (урт насалж, баян тансаг амьдрах).
мөөмлөх [үйл үг]
мөөмөө дахин дахин хөхөх.
мөөмөх [үйл үг]
хүүхэд эхийнхээ мээмийг буюу угжаа хөхөх.
мөөрлөх [үйл үг]
модон тэргэнд мөөр тааруулах, мөөр хийх тэргээ мөөрлөх (тэргэндээ мөөр хийх, мөөр тааруулах).
мөөрөх [үйл үг]
үхэр, тугалын ижил сүргээ хүсч дуугарах тугал мөөрөх (тугал дуугарах), үгээ олж хэл, үхрээ олж мөөр (зүйр үг) (хэлэх үгээ сайн бодож, хэлбэл зохих эзэнд нь хэл).
мөргөлдөх [үйл үг]
адгуус, амьтад хоорондоо эвэр толгойгоороо тулалдах хуц мөргөлдөх (хуц тулалдах), мөргөлдөж тоглох (бие биенээ мөргөн наадах) хүмүүс бие биетэйгээ гэнэт санамсаргүй тулгарах, таарах халз мөргөлдөх (яг таарах, тулах), харц мөргөлдөх (харц тулгарах) (шилжсэн утга) зөрчил хурцдан илт тэмцэлдэх, харгалдах мөргөлдөх сөргөлдөх (хоршоо үг) (бие биетэйгээ зөрчилдөх) учрахгүй гэсэн хүнтэйгээ гэнэт тулгарах шалгалтаа өгөөгүй байтал багштайгаа гэнэт мөргөлдөх. (ярианы үг, хэллэг)
мөргөлөх [үйл үг]
олон дахин мөргөх, байн байн мөргөх ус эргээ мөргөлөх (ус цалгилан, эргээ байн байн цохих) толгойгоороо нудчин байн байн шүргэх өсөхөө больсон мал хот дотроо мөргөлдөх, өөдлөхөө больсон айл гэр дотроо хэрэлдэх (зүйр үг) (өөр хоорондоо үл таарах) учир зүйгээ олохгүй
мөргөх [үйл үг]
толгойгоороо хүчлэн түлхэх, сэжих үхэр мөргөх (үхэр ямар нэг зүйлийг толгойгоороо хүчлэн түлхэх), мөргөн хөөх (толгойгоороо хүчтэй түлхэн хөөх), ишиг эврээ ургахаар эхийгээ мөргөх (ач тусыг үл бодох), мөргөсөн толгой чинь мөнхрөг, мөнгө алтан дээр өнхрөг (зүйр үг) (зовж зүдэрсэн тул баян тансаг амьдрах), мөргөх бухын нүд улаан, хорлох хүний харц зэвүүн (зүйр үг) (муу зүйл хийх гэж байгаа нь мэдэгдэх) хүчиндээ ямар нэгэнд зүйлд очиж тулах хад мөргөх (хаданд тулах), хашлага мөргөх (хашлагад тулах) (шилжсэн утга) ажил хэрэг бүтэмжгүй болж, мухардах тотго мөргөх (хаалга мөргөх), хаалга мөргөх (а.зорьсон ажил үл бүтэх б.уулзахаар очтол хүнгүй, үүд түгжээтэй байх) (шилжсэн утга) азаа үзэх мөргөөд үзэх (азаа үзэх) (шилжсэн утга) зөрөөгүй яг таарах тоо мөргөх (тоо ямар ч зөрөөгүй яг таарах), данс мөргөх (данс зөрөөгүй таарах), хий мөргөх (гоц мөргөх), гоц мөргөх (бөхийн барилдаанд учраа бөхгүй сондгойрсон учир давсанд тооцох).
мөргөх [үйл үг]
толгойгоо гудайлган биеэ бөхийн хүндэтгэл үзүүлэх.
мөрдөгдөх [үйл үг]
араасаа мөрдүүлэх хэргийн учир шалтгааны улмаас байцаагдах сэргийлэхэд мөрдөгдөх (сэргийлэхэд мөрдөн хянуулах).
мөрдөх [үйл үг]
зам мөрөөр нь хөөн явах чоно мөрдөх (чонын мөрийг даган нэхэх), мөрдөн хөөх (мөрөөр нь дагаж нэхэх), мөрдөх мөшгөх (хоршоо үг) (а.мөрийг нь даган явах б.(шилжсэн утга) хэргийн ул мөрийг нэхэн шүүх в.хэн юу хийж буйг ажиглан тандах) (шилжсэн утга) гэмт хэргийн ул мөрийг хянан шалгах мөрдөн байцаагч (шүүх, сэргийлэхэд хэргийг хянан шалгах, байцаах ажил эрхлэх хүн), мөрдөн байцаах газар (гэмт хэргийн талаар байцаалт, мөрдлөг явуулах газар), мөрдөн байцаах (гэмт хэргийг байцаан шалгах) (шилжсэн утга) дүрэм журмыг ёсчлон биелүүлэх хууль дүрмийг мөрдөн дагах (хууль дүрмийг дагах, ёсчлон биелүүлэх), дүрэм зааврыг дагаж мөрдөх (ажил, үйлийг дүрэм ёсоор биелүүлэх, гүйцэтгэх).
мөрийцөх [үйл үг]
дэнчин тавьж мөрийтэй тоглох мориороо мөрийцөх (морио мөрийд бооцоо болгон тавьж тоглох) ямар нэгэн зүйлд мөрий тавьж үг булаалдан мэтгэлцэх.
мөрлөх [үйл үг]
юмыг мөрөн дээрээ тавих, тохох мөрлөн дамнах (мөрөн дээрээ дамнуулан тавих, хэдрэх), буугаа мөрлөх (буугаа мөрөн дээрээ дамнан тавих) ажил үйлийг дагнан гүйцэтгэх.
мөрлөх [үйл үг]
монгол бөхийн үндсэн мэх хийх мөрлөж унагаах (мөрлөх мэхээр унагаах).
мөрлөх [үйл үг]
мөрөөр орох мөр ором гаргах.
мөрлөх [үйл үг]
нэг эгнээ болох мөрлөн суух (мөрөө зэрэгцүүлэн эгнээ болон суух), мөрлөж хатаах (өвс, тариа зэргийг мөр болгон хадаж хатаах).
мөрлөх [үйл үг]
мэсний мөрөөр цохих сэлмээр мөрлөх (сэлмийн мөрөөр цохих) шагай орхиход хиеэ буух.
мөрөвчлөх [үйл үг]
мөрөндөө эгэлдрэглэх, зүүх буу мөрөвчлөх (буугаа мөрөндөө оосорлон зүүх), орхимж мөрөвчлөх (орхимжоо мөрөндөө эгэлдрэглэх).