Шашны нэр томьёо
санваар [шашны нэр томьёо]
лам, хуврагуудын дагаж мөрдөх ёстой сахилга, сахил санваар авах (шашны ёс жаягийг санаатай болон санамсаргүй зөрчих), санваар алдах (шашны цээр алдах, ёс дүрэм зөрчих), санваар сахих (буддын шашны сахилга батыг журамлан дагах), санваар хүртэх (сахил хүртэх), санваар сэргээх (алдсан сахилаа дахин авах), санваар цалгайрах (сахил умартах), санваар эвдэх (шашны дүрэм, журмыг зөрчих), санваараа эргүүлэх (сахил авах), сахил санваар (хоршоо үг) (буддын шашны дүрэм, журам).
санваартан [шашны нэр томьёо]
шашны ёсны санваар бүхий хүмүүс, сахилт(ангийн нэр томьёо)
сангасваа [шашны нэр томьёо]
тарничин, тарни урин уншигч.
санлам [шашны нэр томьёо]
төвд, монгол бурхны шашны сүм хийдийн тарни судлах дацангийн даа лам.
сарасвати [шашны нэр томьёо]
дуун ухаан, яруу найргийг ивээн тэтгэгч бурхан, эгшигт охин тэнгэр.
сахилтан [шашны нэр томьёо]
сахил санваар хүртсэн хүн.
сахиулсан [шашны нэр томьёо]
бурхны шашны ёсонд түмэн бодосыг харж харгалзах, бүтээж чадах рид шид бүхий эзэн сахиус номын сахиулсан (бурхны шашныг хамгаалагч), эдийн сахиулсан (эд хөрөнгийг бүтээн арвижуулах, сахин хамгаалах рид шидтэй эзэн), бурхан
сахиус [шашны нэр томьёо]
сахиулсан сахиус даллах (сүнс сүлдийг дуудах), бурхан сахиус (хоршоо үг) (аливаа бүхнээс хамгаалан тэтгэх эзэн, бурхан шүтээн) сүсэгтэн өөрийгөө аюул гамшгаас хамгаалахаар биедээ байнга зүүж явдаг зүйл, шүтээн сахиус зүүх (хүзүүндээ сахиус зүүх), өврийн сахиус (муу зүйлээс хамгаалж биедээ байнга авч явах шүтээн), гуу сахиус (гуунд хийсэн шүтээн). сахиус зангиагүй (шашин шүтлэггүй), сахиус хүн (эрхэм хүн, багш), сахиус түших (багшийнхаа үгэнд орох).
солчид [шашны нэр томьёо]
бурхан, ядам, чойжин, савдгийг тахих судар.
сор [шашны нэр томьёо]
шашны дайсан тэрсүүдийг дарах, сайн үйлсийг арвижуулах бэлгэ болгож, чөтгөрийн идэш, амин золиг болгон хаядаг хохимой толгойтой гурвалжин балин сор залах (а.өвлийн улирлын сүүл сард тэрс номтны ёс, шашин лугаа дайсагнагчидтай тэмцэн няцаагч догшидыг магтаж, тарни, ерөөл хурж, эцэст нь зул, хүж, балин жалсайгаар тойруулан чимсэн гурвалжин дүрсийг шатаах б.мориноосоо унаж явгарах в.ажил явдлыг гадагш түлхэх), гавал сор (бүтэн, нойтон толгойг муу зайгаар дүүргээд сор болгон хаях нь), сорын таваг (хоёр шургааг модны голд тавьсан царан дээр сор залах хүнийг хүлж, сор залах нүхний дээр тавин тос цацан шатаах цар таваг).
сорч [шашны нэр томьёо]
сор залах лам.
сугавади [шашны нэр томьёо]
амгалант орон, диваажин.
сударч [шашны нэр томьёо]
бурхны номд мэргэшсэн хүн бурхны номын дэгийг баримтлагч хуучир. судар түүх зохиогч, судлаач сударч түшмэл (түүх, судар шаштирын ажил эрхэлсэн түшмэл), түүхч сударч (хоршоо үг) (түүх өгүүлдэг болон тэмдэглэн үлдээдэг хүн).
сунтаг [шашны нэр томьёо]
тарни тогтоолын утас, таван өнгийн утсаар томж хийсэн бүдүүн утас сунтагийн адис (сунтгаар дамжуулан адис хүртээх нь).
сунтагч [шашны нэр томьёо]
бурхны номоор адис хүртээгч.
сур [шашны нэр томьёо]
тавиглалын идээ сурын мах (а.хүндтэй зочин дайллагаас хүртэж байхдаа өвчүүний махнаас огтолж авсан дээж б.гал, бурхан, тэнгэр, сахиусанд өргөхөөр бүхэл шүүснээс огтолж авсан жижиг хэсгүүд), сур цогцлох (тавиглах боорцгийг дээр дээрээс нь давхарлан өрж тавих).
сүм [шашны нэр томьёо]
бурхан тахих, ном сургаал айлдах, хурал хурах зэрэг шашны ёсны зан үйл үйлдэх орон байр буддын сүм (буддын шашны зан үйл явуулах, уншлага ном хурах газар), сүмд өргөх (сүмд хүндэтгэн барих), сүмийн даамал (сүмийн аж ахуйг толгойлсон хүн), сүмийн орой (сүмийн хамгийн өндөр хэсэг буюу дээд хэсэг), сүм дуган (хоршоо үг) (лам нарын ном уншлагын газар), сүм дацан (хоршоо үг) (бурхан тахих, ном сургаал айлдах, хурал хурах зэрэг шашны ёсны зан үйл үйлдэх ба шашны ёсны сургууль хийх газар), сүм хийд (хоршоо үг) (шашны элдэв зан үйл хийх газар), сүм хүрээ (хоршоо үг) (хүрээ хийд), сүмдээ ирвэл хэвгүй лам, шөнө гарвал завхай лам (зүйр үг) (ил нэг янз, далд нэг янз).
сүмч [шашны нэр томьёо]
дуганч лам.
сүсэглэх [шашны нэр томьёо]
гүнээ итгэн үнэмших, бишрэх, хүсэн дуудах сүсэглэн бишрэх (гүнээ итгэж үнэмших), сүсэглэн дагах (бишрэн хүндэлж заасан зөвлөгөөг нь хэрэгжүүлэх), сүсэглэн залбирах (гүнээ итгэн хүсэн дуудах), сүсэглэхийн хамт сэжиг төрнө эрдэм ирэхийн хамт гэм ирнэ (зүйр үг) (ямар нэгэн юм заавал хоёр талтай).
сүсэгтэн [шашны нэр томьёо]
сүсэг бүхий хүмүүс сүсэгтэн олныг мунхруулах (олон түмнийг шашны үзэл суртлаар төөрөгдүүлэх).