Ургамал судлал
гомбогавж [ургамал судлал]
дохиургүй, хонгорцогтой хадаасан цэцэг.
гонтог [ургамал судлал]
хээр тал, гол горхины хөвөө газар ургадаг нэг наст өвслөг эмийн ургамал, төрөл зүйл зуу орчим, навч нь луувангийн навчтай адил, нарийхан үндэстэй, ишнээсээ олон мөчир салаалсан, цацаг хэлбэрийн баг цэцэгтэй, цэцгийн өнгө нь төлөв шар, урт дугтуйнд алтны үртэс шиг олон үртэй, үрээс нь тос гаргана.
гоньд [ургамал судлал]
хээр тал, голын нугад ургадаг, цагаан цэцэгтэй, жижиг мөхлөг үртэй өвс.
гөлмөн [ургамал судлал]
нэг зүйлийн үзэмжит навчит мод.
гөөг [ургамал судлал]
хүн, мал идэх ургамал, ногоо.
гөрмөл [ургамал судлал]
улалж өвс.
гуа [ургамал судлал]
зэллэн ургах жимст ургамлын нийтлэг нэр (тарвас, хулуу, хэмх гээд төрөл зүйл олон шаравтар буюу ногоон өнгөтэй, хальс хатуу, хэлбэр бөөрөнхий, амттайхан усархаг том жимс амтат гуа (хэмхийн намын уртавтар бөөрөнхий, хөгнөн ургадаг, зүйл бүрийн өнгөтэй, чихэрлэг амттай, үнэр сайн, үр ихтэй нэг наст өвс жимс нь сахар, с витамин ихтэй), ший гуа (тарвас), хятад гуа (амттайхан, гуагаас томхон бөгөөд түрүү нь хөхний товч мэт түнтгэртэй нэг зүйл гуа).
гуалуу [ургамал судлал]
уулын хажуу, хээр тал, бут сөөгийн дунд авирч ургадаг олон наст өвс.
гувай [ургамал судлал]
бүдүүн үндэслэг иштэй, олон наст өвс маш хортой эмийн ургамал, булчин шөрмөс татахад хэрэглэнэ), гувай цэцэг (ургамал судлал) (гол гэсэртэн овгийн чимэглэлийн цэцэг, сагс маягийн цагаан, хүрэн баг цэцэг бүхий олон наст таримал өвс).
гувшаахай [ургамал судлал]
үсэрхэг урт хайрсаар хучигдсан өндөр иш бүхий, наранцэцэг, лооль зэргийг сорж ургадаг шимэгч ургамал.
гудуй [ургамал судлал]
хангай, хээр, талын бүслүүрээр ургадаг өдөрхүү хэлбэрийн навчтай, бамбай хэлбэртийн баг цэцэг бүхий олон наст өвс.
гурвалж [ургамал судлал]
улалжтан (өлөнтөн) овгийн намаг, хужирлаг нугад ургадаг, утаслаг нарийн гурвалжин иштэй, хөндлөн нимгэн судал бүхий ургамал.
гурвалзай [ургамал судлал]
марз хужиртай булаг, хужирлаг нугад ургадаг, иш нь хөндий, навч нь булцгар ургамал.
гүзээлзгэнэ [ургамал судлал]
гурвалсан навчтай, том цагаан цэцэгтэй, олон наст мөлхөө өвс уг ургамалд ургадаг ягаавтар улаан өнгөтэй маш амтлаг жимс.
гүйлнэй [ургамал судлал]
навч нь ул модны адил, жимс нь ул жимснээс бяцхан, амт гүйлсний амттай ойролцоо нэгэн зүйл жимс.
гүйлс [ургамал судлал]
наран ээвэр, уулын хажуу газар холимог ойд ургадаг тураг мод мөн модонд ургадаг шаравтар буюу улаавтар өнгөтэй, амт исгэлэн хүчтэй, томхон жимс амтат гүйлс (ургамал судлал) (цагаан, ягаан цэцэгтэй, бутархаг модонд ургадаг, хэлбэр бөөрөнхийвтөр, өнгө шаравтар, амт хүчтэйхэн, дотроо жижиг ястай нэг зүйл жимс), гүйлсэн шар (улбар шараас нэлээд цайвар шар өнгө).
гүйнхуар [ургамал судлал]
тансаг үнэртэй чидуун жимс чидуун жимсний цэцэг.
гүл [ургамал судлал]
шүүсэрхэг, анхилам үнэртэй, өнгө улбар шар, зөөлөн бөгөөд бэржгэрдүү гадартай нэг зүйл жимс.
гүлс [ургамал судлал]
өнгө цагаан, хүйс том, ховонгийн адил, хавар цэцэглэх нэгэн зүйл цэцэг.
гүмдаа [ургамал судлал]
модонд ургах, сарны гэрэл туссан хойно дэлбээлдэг дун цагаан өнгөтэй нэгэн зүйл цэцэг, цагаан лянхуа.